शकुन-अपशकुन क्या है?

shakun-apshkun kya hai?  

Ank ke aur Lekh | Sambandhit Lekh | Views : 52449 |  

shakun-apshkun ki avdharna hamare bharatavarsh men prachin samay se hi rahi hai. aj ke vaigyanik yug men admi chand, mangal aur shukra grah par nai duniya basane ki soch raha hai, aise men shakunon tatha apshkunon par vishvas karna kuch uchit nahin lagta, fir bhi samaj ka shayad hi koi aisa varg ho jo in par vishvas n karta ho. vidyarthi, kalakar, rajneta, abhineta, vyapari yahan tak ki vaigyanik bhi in par vishvas karte hain.

kahne ka arth yah ki kuch aisi shaktiyan hoti hain jo hamen ghatne vali ghatna ka purva sanket dene ki koshish karti hain. parantu ham samajh nahin pate. kuch vyakti inhin shakun-apshkunon se andaja lagate hain ki unka karya purn hoga ya nahin.

aisa kyon? aisa islie hai ki manav jivan men in shakun-apshkunon ka sthan prachin kal se hi raha hai. ye shakun ya apshkun rojamarra ke jivan men dekhne ko mil jate hain jaise ninbu, mirchi, kajal ka tika adi. ye jivan men is kadar rache-base hain ki inki upeksha nahin ki ja sakti.

shakun kya hai?

shakun ka arth hai kisi bhi karya ke purn hone ke shubh lakshan, jo hamare man men atmavishvas paida karte hain ki hamara kam purn hoga.

apshkun kya hai?

apshkun iske viprit hota hai. kisi karya ke purn hone men sandeh ho to kuch lakshanon ko dekhte hi vyakti man men avdharna bana leta hai ki uska karya purn nahin hoga. kuch aise lakshanon ko jo karya ki apurnata ko darshate hain, ham apshkun man lete hain.

vyakti ke jivan men achchi aur buri ghatnaen donon hi hoti rahti hain. inhin ghatnaon men uska jivan chakra ghumta hai. isi jivan chakra men achcha-bura, shubh-ashubh tatha shakun-apshkun ka chakra bhi ghumta hai, kyonki prakriti ne har chij ko jora hai, uska jora banaya hai. jaise nar-mada, ful-kanta, duahkh-sukh, asha-nirasha, vishvas-avishvas, shubh-ashubh. vyakti ke jivan men achcha samay jarur ata hai. aise samay yadi vah mitti ko chue to sona ban jae arthat vah jis kam men hath dalta hai vah safal hota hai. aur uske jivan men aisa bhi samay ata hai jab vah sone ko chue to mitti ho jae, jab uska koi kam nahin banta. yah vakt ka pahiya hamare jivan chakra ke sath hi chalta rahta hai. isi achche ya bure samay ko ham shubh ya ashubh samay kahte hain.

sal ka naya din

ek dharna hai ki yadi sal ke pahle din jeb, ghar ki almari, ya dukan ka galla khali ho to pure sal garibi tatha tangi rahti hai. islie pahle din jebon tatha almari men kuch n kuch rakhna chahie.

saubhagya chihna

duniya men bahut se chihnon ko saubhagya ka pratik mana jata hai. kuch pratik mahilaon ke lie ati saubhagyashali hote hain, jinmen kuch ka varnan yahan prastut hai.

  • mang sindur se bhari hui mahila ka milna shubh mana jata hai.
  • yadi koi garbhavati mahila baithakar koi fal kha rahi ho aur fal chutakar uski god men gir jae to yah shubh shakun hota hai. uski god se utha kar koi aisi stri jiske santan n hoti ho, us fal ko kha le to shighra hi vah bhi santanvti ha jati hain.
  • ungliyon men challa, anguthi, pairon men bichua dharan karna achcha shakun mana jata hai.
  • subah ka chand dekhna athva machli ke darshan karna shubh shakun hota hai.
  • ghar ki chaikhat par mangal chihn svastik, un ya anya shubh chihn lagana ghar men sukh-shanti ka suchak hota hai.
  • ghar men ai dulhan suhag ke jore men itna hanse ki uski ankh se ansu chalak aye to yah shubh shakun mana jata hai. ghar ka aisa koi vyakti jo kasht men ho ya dukhi ho, us dulhan ki ankh se nikle ansu ko apni ungli par lekar chat le to uske duahkh dur ho jaenge.
  • yatra ke samay yadi koi suhagan god men bachcha lie achanak saman e a jae to shubh shakun mana jata hai.
  • tachvud ka shakun

    tachvud ka arth hai lakri ko chuna ya chukar apni bat kahna, aisa karna nazar dosh se bachata hai. isilie chandan, rudraksh ya tulsi ki mala ati pavitra hai.

  • yadi kali billi rasta kat jae to apshkun hota hai. vyakti ka kam nahin banta, use kuch kadam piche hatakar age barhna chahie.
  • kisi karya par jate samay billi bain or dikhe to shubh shakun hota hai.
  • yadi dipavli ke din billi ghar men ae to yah shubh sanket hai. isse ghar men dhan ka agaman hota hai.
  • yadi sote samay achanak billi sharir par gir pare to apshkun hota hai.
  • billi ka rona, larna v chinkna bhi apshkun hai.
  • billi palna ashubh hai, kyonki billi virana pasand karti hai. dantkthaon ke anusar billi dua karti hai ki sab andhe ho jaen aur main dudh pi jaun.
  • billi yadi ghar men bachche de to shubh hota hai.
  • jharu ka shakun

    jharu ko ghar ki lakshmi mana jata hai, kyonki yah daridrata ko ghar se bahar nikalta hai.

    grih pravesh se pahle ghar men naya jharu le jana shubh hota hai. naye ghar men purana jharu le jana ashubh hota hai.

  • ulta jharu rakhna apshkun mana jata hai.
  • dipavli par naya jharu kharidna shubh sanket mana jata hai.
  • andhera hone ke bad ghar men jharu lagana ashubh hota hai. isse ghar men daridrata ati hai.
  • jharu par pair rakhna apshkun mana jata hai. iska arth ghar ki lakshmi ko thokar marna hai.
  • yadi koi chota bachcha achanak jharu lagane lage to anchahe mehman ghar men ate hain.
  • si ke bahar jate hi turant jharu lagana ashubh hota hai.

ate ka shakun

yadi koi grihini ata ganudhne ki taiyari kar rahi ho aur us vakt ghar par koi bhikhari a jae to us grihini ko usmen se ek mutthi ata us bhikhari ko dena chahie. mana jata hai ki dan kiya hua ek mutthi ata vyakti par ae sankat ko dur karta hai.

dudh ka shakun

subah uthakar dudh dekhna shubh hai. kintu dudh bikhar jana ashubh hota hai.

bachchon ka dudh pite hi ghar se bahar jana apshkun mana jata hai.

Kya aapko lekh pasand aaya? Subscribe
Kya aapko lekh pasand aaya? Subscribe


svapan, shakun evan totke visheshank  June 2014

fyuchar samachar ke svapan, shakun evan totke visheshank men anek rochak aur gyanavardhak alekh hain jaise- shayan evan svapnah ek vaigyanik mimansa, svapnotpatti vishayak vibhinn siddhant, svapn aur fal, kya svapn sach hote hain?, shakun vichar, yatraah shakun apshkun, jivan men shakun ki mahatta, kala jadu jyotish ki najar men, vivah hetu achuk totke, svapn aur fal, dhan-sampatti prapt karne ke svapn, shakun-apshkun kya hain?, sukh-samriddhi ke totke shamil hain. iske atirikt janmakundali se janen kab hogi apki shadi?, shreshthatam jyotishi banne ke grah yog, satyaktha, nirjala ekadshi vrat, janen ang lakshan se vyakti vishesh ke bare men, panch pakshi ki gatividhiyan, hailth kaipsul, bhagavat katha, simantonnayan sanskar, living rum v vastu, vastu prashnottari, piramid vastu, jyotish vishay men uchch shiksha yog, pavan sthal, vastu paramarsh, sheyar bajar, grah sthiti evan vyapar, ap aur apka pars adi alekh bhi sammilit hain.

Subscribe

Apne vichar vyakt karein

blog comments powered by Disqus
.