आप और वर्ष २०१३

ap aur varsh 2013  

Ank ke aur Lekh | Sambandhit Lekh | Views : 4293 |  
varsh 2013 ke praranbh men shani apne uchch sthan men baithe hain jo ki 30 varsh bad is sthiti men ate hain. guru evan ketu vrish rashi men v rahu vrishchik rashi men sthit hain. rahu 15 janvri ko tula men pravesh kar jaenge jabki guru 31/5 ko vrish se mithun rashi men gochar kar jaenge. mangal is varsh margi hi rahenge. 2013 vishva men shanti ka paigam lekar aega. prakritik apdaen bahut kam hongi. is grah sthiti ke karan 2013 ka bhavishya fal nimn rahega- sona: is varsh sona nai unchaiyan par karega, janvri men sone ke ret upar niche hote rahenge par farvri men ek uchal aega. march men fir ret kam honge lekin lagabhag 15 aprail ke bad sone ki chamak badhegi aur sitanbar tak yah chamak barkrar rahegi. aktubar men sona thoda fika rahega aur divali ke as-pas ret men utar hi rahega. iske bad hi punah sona apni chamak ko prapt karega. atah janvri, march v aprail ka pratham pakhvada sone ki kharid ke lie kafi achcha hai anyatha divali ke as-pas men sona khariden. varsha: is varsh 2013 se varsha ka svarup bhinn hoga. lagabhag aprail ke antim saptah men kuch banuda-bandi hogi, uske bad mai sukha jaega, jun madhya men punah varsha hogi lekin mansun kuch deri se madhya julai tak hi aega jo ki madhya agast tak barsega. iske bad sitanbar ke ant men varsha hone ke asar hain jo ki aktubar ke madhya tak chal sakte hain. kul milakar varsha achchi rahegi v vistrit svarup men hogi kintu badh ki sanbhavna kam rahegi. kul varsha sadharan se adhik hogi. daelr: 2013 men rupya sudridh rahega, janvri men dalar kuch unchai prapt karke kamjor hota jaega v marcha-aprail men nyunatam star par a jaega. ummid hai daelar pachas rupye ke ret tak bhi a sakta hai. uske bad dalar ke ret men kuch badhottari hogi lekin keval utar-chadhav hi hota rahega. senseksa: janvri ke ant men senseks men kuch sudhar rahega par uske bad yah dhire-dhire ludhkta rahega aur march ke ant tak nimn star par a jaega. uske bad aprail-mai men unchaiyan prapt karke fir varshant tak upar niche hota rahega. jun men kuch upar rahega to julai-agast men niche, sitanbar men fir upar to aktabur ke ant men fir niche, navanbr-disanbar men upar hota rahega. 2013 ke varsh men senseks n to bahut upar jaega n hi niche. bhart: bharat ke lie varsh 2013 bahut achcha rahega. bharat ki pratishtha badhegi. lagn men guru ka gochar vishva men bharat ke gaurav ko badhaega. shani ka chathe bhav se gochar shatruon par ankush rakhega aur un par vijay dilaega. rahu-ketu ka gochar bhi bharat ko vishvavyapi banaega aur ef. di. ai ka purnarup se prasar hoga. antrik rajniti men bi. je. pi. ka varchasva badhega. mesh: mesh rashi ke lie varsh 2013 atyant faldayi rahega. nam ke sath dhan bhi milega. lekin patni se jhagda badh sakta hai. kutunb men badhottari hogi. yadi ghar ya vahan parivartan ki asha hai to is varsh avashya hoga. vrish: sabhi shatruon par vijay prapt hogi. pratiyogi pariksha ke parinam sukhad rahenge. khyati prapt hogi. dur kshetra men bhraman ke bhi asar banenge. naukri men unnati milegi. vyavsay men badhottari hogi. mithun: videsh yatra ke yog banenge. santan sukh prapt hoga. kisi ki bimari par bhi kuch kharcha ho sakta hai. yadi ap ghar banana chahte hain to usmen nivesh karne ke lie yah uttam varsh hai. vidyarthiyon ke lie yah varsh vishesh labhdayak rahega. karka: jinki shadi nahin hui hai unki shadi hogi. varsh labh ki drishti se uttam rahega. ghar parivartan ho sakta hai. kark rashi par shani ki dhaiyya ke karan ghar men kuch tanav rah sakta hai. isko dur karne ke lie hanuman ji v shani dev ki aradhna shanti dayak rahegi. sinh: is varsh vyavsay men badhottari v naukri men pronnati prapt hogi. durgami yatraen hanegi. yatraen vyavsay v dharm donon prakar ki hongi. varsh bhar ap sakriya rahenge. anek mahatvapurn karyon men saflta prapt hogi. vrishchik: shani ki sadhesati praranbh hui hai atah koi bada nivesh n karen. kuch lanbi duri ki yatraen ho sakti hain. yadi sanpatti men nivesh karenge to thik rahega. svasthya ka dhyan rakhen. vishesh taur par haddi v pair sanbandhit rog ka upchar purnarup se karen. shani v hanumat aradhna vishesh faldayi rahanege. dhanu: varsh apke lie anek prakar ke labhon ka tokra lekar aega. jinki shadi nahin hui hai unki shadi hogi ya santan ichchuk ko santan prapt hogi. yadi ap bade nivesh karna chahte hain to avashya karie, fal anukul hi prapt honge. vidyarthiyon ke lie bhi yah varsh achche parinam darshaega. achanak labh prapt honge. makr: vyavsay ki drishti se yah varsh vishesh faldayi rahega. santan se shubh samachar prapt honge. naukri men unnati mil sakti hai ya kisi achche pad par kam karne ko milega. arthik drishti se bhi varsh uttam hai. samay ka sadupyog karen. kunbh: yadi ap ghar ya vahan badlna chahte hain to purvardh men hi samay uttam hai. pichle varsh jo kam nahin ban pae ya jo pareshaniyan rahin, is varsh sabhi pareshaniyan samapt ho jaengi tatha ap pragti ki or agrasar honge. achanak anek batane apke paksh men hongi aur is varsh bahut sukhad anubhuti hogi. bina fal ki chinta kie, man lagakar karya karen, shubh hoga. min: apne varishth adhikari ka kahna manen v kanishth sahyogiyon se uljhe nahin, usi se shanti rahegi. karya karte rahen lekin uske fal ki apeksha n karen kyonki fal karya anurup prapt nahin honge. uttararddh men navgrih/vahan prapti ke yoghain. dhan prapti achchi rahegi. yadi vyavsay men kasht hain to hanumat pujan v shani shanti ke upay karen. ane vale varsh shubh rahenge.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2013

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v samajik halat ke atirikt sheyar bajar, sona, dalar, senseks v varsha adi shamil hain. iske atirikt kaise rahega varsh 2013 apke lie ankshastra ke madhyam se, kya karen ki navavarsh mangalamay ho, adi alekh bhi shamil hain. rochak alekh jaise vaigyanikon ka naya anusandhan, vastu paramarsh, vastu prashnotri, vivadit vastu, yantra samiksha/mantra gyan, mahavinash ka din, lalkitab ke totke, adham ashvathaman, ek tha taigar namak satyaktha, ank jyotish ke rahasya, farsh se arsh ki uran ka marmik ant v janmavivaran na rahne ki sthiti men bhavishya janne ke tarike adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.