2013: vaishvik paridrishya prachin bharat ka lagn makar mana jata raha hai. kintu adhikansh jyotishi bharat ki svatantrata ko adhar manakar vrish lagn ko bharat ka lagn mante hain. lekin lekhak ne hamesha makar ko lagn manakar safal bhavishyavaniyan di hain. atah prastut lekh men bhi lekhak ne makar lagn ke adhar par hi ganna kar apne vichar prastut kie hain. varsh 2013 men uchchasth shani shukra ki rashi tula evan rahu ke nakshatra svati par se gochar kar raha hoga. vahin rahu bhi tula men evan ketu mesh men pravesh kar jaega, jahan donon hi nichasth sthiti men rahenge.
bharatavarsh ki kundli men shani v rahu donon dasham bhav v ketu chaturth bhav par se gochar kar rahe honge evan shani ki drishti dvadash, chaturth v saptam bhavon par banegi. atah varsh 2013 bhartiya rajniti jagat ke lie kafi uthl-puthal bhara rahega. chunavon ki sthiti men kangres sarkar ko kendra men satta tak ganvana par sakta hai. yadyapi tula rashi par se shani ka gochar gat varsh san 2012 men kangres ko kuch kathinaiyon ke sath satta par bane rahne men sahayak rahi.
bangal ki mukhyamantri mamta banarji dvara samarthan vapsi ke bavjud rashtriya kundli men dashamasth shani sarkar ko ab tak sthayitva pradan karti rahi. jis prakar gat varsh 2012 men ameriki rashtrapti barak husain obama ki kundli men dasham bhav se gochar karta shani unhen dubara satta par kabij karne men maddgar bana, thik usi prakar bhartiya rashtriya kundli men dasham bhav se gochar karta shani gat varsh san 2012 men satta ke galiyaron men sthirta pradan karta raha jiske chalte tamam pratirodhon, aropon evan samarthan tak ki vapsi ke bavjud bhi kangres sarkar kendra ki satta par kayam rahne men kamyab rahi.