शक्ति सिद्धि का अभीष्ट काल नवरात्र

shakti siddhi ka abhisht kal navratra  

Ank ke aur Lekh | Sambandhit Lekh | Views : 649 |  
navratra ka avasar rituon ki sandhya ka kal hota hai. is samay mahashakti ke us veg ki dhara jo srishti ke udbhav aur lay ka karan hai, adhik tivra hoti hai. yog men pravritt logon ko iska anubhav hota hai kyonki is kal men ira aur pingla men vayu ki gati saman hoti hai aur aisi avastha men kundlini ka jagrn tatha udhrva gati saral ho jati hai. pratyek hindu in dinon man bhavani ka smaran karta hai. shakti pithon ka mukhya sthala shakti trikon pith mayapuri sarvapratham shakti ka avataran kankhl (mayapuri kshetra) men hua. aisa devi bhagavat puran men varnan aya hai. raja daksh ki bhakti se prasann hokar unke yahan man bhagvti putri rup men avtrit huin tatha yahi sthal man bhagvti ka dagdh sthal bhi raha hai. man bhagvti ne shankar ji ka apman hone par apne sharir ko yagyakund men arpit kiya tatha yahin unke sharir se dash mahavidyaon ki utpatti hui tatha unke sharir se kali, bagla, tara adi paida huin. mayapuri trikon men sthit hai, trikon ko shastron men bhagvti ka hriday sthala aur yantra bhi kaha gaya hai. brahma ji ne mantron dvara man mansa ko janm dekar shivalik parvat par virajman kiya tatha chandi devi ka janm nil parvat par hua aur donon ke bich virajman vishnu patni shri ganga ji bhakton ko pavitra karti hain. isi trikon ken kendra men man bhagvti ki nabhi giri. yah sthal man bhagvti ke 52 shakti pithon men se ek hai tatha mayapuri ke nam se vikhyat hai. isi ke dakshin men matra tin kimi dur man bhagvti ka avataran evan dagdh sthal, daksh prajapti aur sati ki janm sthali kanakhal hai. is sthal par man ki siddhi faldayak hai. durgapujan ke samy dhyan rakhe yogya baten - - devi ki pratishtha hamesha surya ke dakshinayan rahne par hi hoti hai, magh aur ashvin mas men devi ki pratishtha shreshth hai. - ek ghar men tin shakti (devi pratimaon) ki puja nahin hoti. - bhagvti durga ka avahan vilvapatra, vilvashakha, trishul ya shrifal par kiya ja sakta hai, durva se bhagvti ka pujan kabhi n karen. - navratra men kalash sthapan aur abhishek ka karya keval din men hota hai. ‘rudrabhaml’ ke anusar madhya ratri men devi ke prati kiya gaya havan shighra faldayi aur sukhakar hota hai. - bhagvti ki pratima hamesha rakta vastra se veshtit hoti hai tatha iski sthapna uttarabhimukhi kabhi nahin hoti. - devi upasak ke gale tatha gomukhi men rudraksh athva munge ki mala avashya honi chahie. devi pratima ki kevl ek pradakshina hoti hai. - devi kavach se sharir ki raksha hoti hai. yah manushya ki alpamrityu se raksha karta hai aur vah 100 varsh ki svastha ayu prapt karta hai. kavach ‘shakti’ ka bij hai, pujan ke purva iska path anivarya hai, parantu durga yagya men kavach ke raksha mantron se havan nishiddh hai. - argala lohe aur kashth ki hoti hai jiske lagane se kivar nahin khulte. ghar men pravesh hetu jitna mahatva argala ka hai utna hi mahatva saptashati ke argala path ka hai. - kilak ko saptashati path men utkiln ki sangya di gai hai, islie kavach, argala aur kilak kramshah durgapujn se purva anivarya hai. - chaturth adhyay ke mantra 24 se 29 ki ahuti varjit hai. in char mantron ki jagah ‘¬ mahalakshmyai namah’ se havishyanna arpit karna chahie. - havnatmak prayog men pratyek adhyay ke adi aur ant ke mantron ko sharkara, ghrit aur laung se yukt karke kshir ki ahuti deni chahie. - pathant mane bijaksharon evan damar mantron se yukt ‘siddh kunjika stotra’ fal prapti ki kunji hai. iske bina durga path aranya rodan ke saman hai. - pratyek adhyay ke age devi ke dhyan die gae hain. jaisa dhyan ho usi prakar ke devi ke svarup ka chintan karna chahie. praranbhik dhyan ka chitra samne hona chahie. - vishesh karyon ki siddhi ke lie abhisht mantron ka sanput diya jata hai, yah sanput do prakar ke hote hain- udy aur ast. vriddhi ke lie uday aur abhichar ke lie ast sanput ka prayog karna chahie. - durga saptashati ke mantron ki upasna aur uchcharan paddhati gurumukh se sikhni chahie, kyonki setu, mahasetu, mukhshodhan, kulluka, shapoddhar sanjivan, utkilan, nirmalikaran adi vishyon ko gurukripa se hi jana ja sakta hai, pustak ke parhne matra se siddhi nahin milti. siddhi to shuddh sankalp aur gurukripa par hi nirbhar rahti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.