विज्ञान से अधिक जानता है ज्योतिष विज्ञान

vigyan se adhik janta hai jyotish vigyan  

Ank ke aur Lekh | Sambandhit Lekh | Views : 1445 |  
vigyan se adhik janta hai jyotish vigyan rajshekhar vyas vigyan aur jyotish donon ka vishay kshetra brahmand hai. rigved adi granthon men chandra aur som ke sanbandh men vishad charcha ki gai hai. prasiddh granth jindavesta men bhi chandra se sanbaddh ullekh milta hai. in granthon men chandra ka som se nikat ka sanbandh bataya gaya hai aur som ko indra se bhi adhik mahatva diya gaya hai. yahan usi chandra ke jyotish se sanbandh ka varnan prastut hai... ch drama par manav ke charan par chuke hain, kintu abhi use yah janne men bahut samay lagega ki vishva ka vatavaran banane men chandra ki kya bhumika hai. saur aur chandra vatavaran ke sanparka-sangharsh se kaun si shakti utpann hoti hai, jo ham prithvivasiyon ke lie upadey ban jati hai? kis prakar vah manav ko prabhavit karti hai, per-paudhon aur jar-jangam men ras sanchar karne men sahayak hoti hai, tej aur timir ke samanvay se snayuon ko prabhavit karti hai? kaise rakt ki tarlta men sahayak hoti hai, ojas ko urja deti hai, jvar-bhate ko niyantrit karti hai? aise anek prashn hain jinka samadhan hona baki hai. ham prithvivasi to pratyaksh hi chandra ki kala, prakash aur udyast ki sthiti se prabhavit hain. hamare vriksh, vanaushdhiyan bhi kam prabhavit nahin hain. pratyek vriksh, lata, vallari men ras sanchar chandra se hi mana jata hai. hamara pratyek krishijivi yah janta hai ki mrigshira ka jal amrit utpann karta hai. vahin vah yah bhi janta hai ki kis nakshatra men hone vali varsha fasal ko rogagrast bana deti hai, nasht kar deti hain. sharad ka chandra amrit varsha karta hai, to hast ke nakshatra m ne varsha hane e se sarp vish prabhav barhta hai. ham anubhav se pratyaksh dekhte hain ki jitne dudh vale vriksh hain ve, jab tak chandra ka prabhav rahe, surya ki kirnen tivra n banen, tabhi tak dugdh sravit karte hain. surya ka tej barhne par dugdh dena band kar dete hain aur us dugdh ka rang bhi raktim banne lagta hai. isse spasht hai ki chandra ka prabhav manav par hi nahin, vriksh, jal, per, adi sabhi par parta hai. aj ka antriksh vigyan chandra par vishakt kitanuon ki kalpana bhale hi n kare, kintu chandra-prishth ki dhusrit dhuli aur uski sthiti ki kalpana divyadrashta jyotirvidon ne ki hai. in manyataon se pratit hota hai ki varsha ka chandra se gahra sanbandh hai. chandra par somaras ke 3 sarovar hone ka anuman hai. (rigved 4-29-7). isi prakar som ko viprishth (8-7-10) kaha gaya hai ise samudron ka raja bhi mana gaya hai. parmanu bindu dhuravlok se aur antriksh se prithvi ke chah shikhar par parte hain. (9-2-9). in manyataon se pratit hota hai ki varsha ka chandra se gahra sanbandh hai. ved men som ko surya ke rath par savar hokar chalne vala tatha dhruvlok aur prithvi ko apni rashmiyon se bhar dene vala bataya gaya hai. use shakti aur utsah bharne vala kamotpirak mana gaya hai. usmen rog shamak shakti hai. vah ras-rup ka sare deh men sanchar karta hai. yah ullekh bhi milta hai ki som ke binduon ko shuddh karke vah dhruvlok se antriksh marg se prithvi ke prishth par pahuncha jata hai. aisi anek charchaen shatapath, aitrey brahman, chandogya adi men bhari pari hain. rigved ka navam mandal to chandra charcha se hi ot-prot hai. in sabhi binduon par ganbhirtapurvak vaigyanik sandarbh men vichar kiya jae, to bahut si mahatvapurn baten samne a sakti hain, anek rahasya udghatit ho sakte hain. chandra ko amrit mana gaya hai. is amritaras ka vivechan vedon men jis dhang se hua hai, uska vishleshan bhi mahatvapurn ho sakta hai. avesta ke ‘‘haom’’ aur vaidik som ki avdharnaen prayah saman hain . donon men use vanaspatiyon ka raja kaha gaya h.ai vanaspatiya ne s e chadan ra ka gahra saban dhn a hai. aisi avastha men uska vanaspati vihin hona vicharniya hai. chandra ki ek pradakshina sabhi nakshatron par hone men 27 din aur 19 ghari ka samay lagta hai. ghari kabhi kam bhi lagti hai to kabhi adhik. ek nakshatra se dusre nakshatra par jane men jo samay lagta hai, use nakshatra-bhag kaha jata hai. isi prakar 27 nakshatron par chandra ka bhraman bhi dakshin ki or se (kabhi uttar ki or se) hota hai aur kuch nakshatron par vah achchadan bhi karta hai. rohini nakshatra vishesh tejasvi hai, islie uske pas jata hua chandra uske bahut nikat dikhai deta hai. islie rohini ko chandra ki priya patni kaha jata hai. taittiriya sanhita (2-3-5) men bhi is par ek rahasya udghatit ho sakte hain. chandra prithvi ke aspas chakkar lagata hai. vah prithvi ka upagrah hai. chandra ke syah tatha safed bhagon ko lekar bhi kai manyataen hain. vastutah chandra ka chamkta hua bhag parvat shringon, jvalnshil parvaton ke agrabhag se sanbdhit hai. kala bhag daldlon ka hai par aj ka vigyan manta hai ki chandra-prishth atyant ushn hai, vahan samudra ki sanbhavna nahin ho sakti. manav prithvi se dhai lakh mil par kar prithvi ke akarshan kendra se nikalakar chandra ke akarshan kshetra men pravisht ho chandra prishth par pahuncha. vah chandra mandal ke sabhi rahasyon se simit kshetra men rahakar parichit nahin ho sakta. chandra ka vyas jyotirvigyan ke anusar 2190 mil ka hai. arthat prithvi ke vyas ke chaithai bhag se thora adhik hai. prithvi ke prishth ka kshetrafal chandra ke mukable 13 guna adhik hai. chandra ke akar se prithvi 49 guna bari hai aur chandra se prithvi ka vajan 81 guna adhik hai. chandra ka ghanatva bhi kam hai. chandra par kuch paharon ki shrinkhla hai, kuch shant jvalamukhi hain aur kuch pradesh maidani bhi hai. vah kala aur chamkila islie dikhai deta hai ki uske anek tatva vibhinn rangon ke hai. chandra ke prishtha-bhag ki jamin, uske svarup adi ke vishay men bhi jyotirvigyan ne vivaran prastut kie hain. uski gatividhi ki kam, prithvi se duri ki paryapt charcha hui hai. yah sab vivaran kis prakar kin sadhnon se kis yug men sulabh kiya gaya, iski kalpana bhi kathin hai. jo ganna sahasra shatabdiyon purva ki gai, gatividhi ka ganit dvara jo lekha-jokha prastut kiya gaya hai aur upalabdh hai vah atyant vismayotpadak evan mahatvapurn hai. aj ka vigyan bhi usi ganna ko adhar manakar age barh raha hai. manishiyon ne karoron taron men se vishisht grah nakshatron ko khojakar srishti ke nash-nirman men prabhav dalne vale unke rup, rang, akar, prakar, duri, gatividhi, paribhraman tatha paraspar akarshana-vikarshan evan vatavaran ki ganna kar jo sahi tathya sangrah kie hain, unmen aj tak koi bhi pragtishil vigyan parivartan nahin kar saka hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.