लोशु चक्र चलाता है आपका जीवन चक्र

loshu chakra chalata hai apka jivan chakra  

Ank ke aur Lekh | Sambandhit Lekh | Views : 1874 |  
lagabhag 4000 varsh pahle chin ke raja hasiya vu nadi ke kinare vicharamagn avastha men us barh ko rokne ki vidhi khoj raha tha jo bar-bar apne prakop se janta ko kasht deti thi. ek bar raja hasiya ko us nadi men ek kachue ka kavach mila jiske upar kuch safed aur kale bindu ek vishisht kram men ankit the. chin men us samay kachue ke kavach ka milna bahut achcha shakun samjha jata tha kyonki chini logon ki manyata thi ki kachue ke kavach men svayan bhagvan ka vas hota hai. raja aur vu evan uske sathiyon ne us kavach ke upar ankit binduon ka dhyanpurvak vishleshan kiya evan 3 g 3 ka ek purn varg bana kar use loshu chakra ka nam diya. is chakra ki yah visheshta thi ki iski udhrvadhar, kshaitij evan vikarniya rekhaon ke ankon ko jorne par ank 15 ki prapti hoti thi. ank panch, jise chin ke log ati shubh mante the, ka sthan chakra ke madhya men aya. is khoj ke bad arda-ching, feng shui, chini ankshastra, trigam evan nau ki adi vidhaon ka udbhav hua. paramparik chini ankshastri aj bhi eshiya ke vibhinn hisson men manushya ke vyaktitva aur jivan shaili ka us ki janm tithi anusar prabhav is loshu chakra ke madhyam se vishleshan kar apne grahkon ko ashcharyachkit kar rahe hain. vishva prasiddh vastuvid evan ankshastri dae. purn chandra rav ne is chrakra ki visheshtaon se avagat karaya. yahan is loshu chakra ka vishad varnan prastut hai.× loshu chakra atm nirikshan ka ek sadhan hai. yah manushya ke charitra evan vyaktitva ke pakshon ko lik se hatakar pramanik evan prernajanak tarike se ujagar karta hai. yah chakra atmagyan, saflta aur svachchandta ki kunjika hai. loshu chakra men 1 se lekar 9 pratyek ank ke lie ek sthan nirdharit hota hai. vyakti ki janmatithi ke ankon ko usi sthan par rakhna hota hai chahe fir ek ank ki avritti bar-bar hi kyon n ho, niche die gae chitra ke anusar ank loshu chakra men upasthit rahte hain. is ank ke sthan men apni janm tithi bharakar loshu chakra ki upyogita ko janne ka prayas karte hain. ek vyakti jiska janm 13.12.1954 ko hua. loshu chakra men is prakar janm tithi ko upyog karenge. ank 1 jal tatva, kairiyar, uttar disha, ank 2 prithvi, dakshin-pashchim disha apsi samanjasya, (romans dayrekshana), aur praranbh karne ki kshamata ka pratik, ank 3 atm vishvas, purva disha, lakri tatva, ank 4 sanchit dhan, yojnaen, lakri tatva, dakshin-purva disha, ank, 5 prithvi tatva, yojna, brahm sthal (ghar ka madhya bhag) ank 6 uttara-pashchim disha, sunhri dhatu, vyaparik avasar, maddgar log, ishvari shakti, ank 7 silvar dhatu, pashchim disha, srijnatmakata mansik aram, ank 8 uttara-purva disha, smaran shakti, sthirta, purnata, prithvi evan ank 9 dakshin disha, agni tatva, man-samman adi ka pratinidhitva karta hai. is vyakti ke upar ki pankti men tinon ank 4, 9 evan 2 ki upasthiti darshati hai ki yah vyakti uchch bauddhik samathrya ke sath-sath uttam smaran shakti ka malik hai. yah vyakti tej dimag, spashtavadi, nyay priya aur uttam vishleshan kshamata ka svami hai. lekin uske man men kabhi-kabhi svayan ko dusron se utkrisht samjhne ki bhavna bhi ati hai. is janm tithi men ank 6 evan 7 ka abhav hai jiske karan is vyakti ko jivan men unnati karne men kafi mehanat karni pari hai. aise log jivan men kai avsron ko khote hain. antarbhavnaon ko dusron se chupakar rakhne ki pravritti ke karan sanbandhon men anishchitta bani rahti hai. ank 7 ke abhav ke karan dimag har samay kuch n kuch sochta rahta hai. 2, 5, 8 tinon prithvi tatva hain. jin logon ki janmatithi men ye tinon ank nahin pae jate unhen bhumi ka sukh milne men kai rukavten ati hain. is vyakti ki janm tithi men ank 8 ka abhav batata hai ki akhir men rukavtane jarur aengi. man men asuraksha ki bhavna bani rahegi. aise logon men yaddasht kamjori bhi pai jati hai. ukt vyakti ki janmatithi men ank 1 ki upasthiti tin bar hai jo batati hai ki uske man men karya karne ki yojnaen banti rahti hain. aise logon ki pasand umda hoti hai. ve dusron ki bhavnaon ki kadar karte hue unke drishtikon ko samjhte hue apna drishtikon bhi sahi rup se vyakt karne ki kshamata rakhte hain. janmatithi ya janm nam men anupasthit ankon ka apne sharir evan vatavaran men vibhinn feng shui yantron dvara upchar kiya ja sakta hai. jaise prithvi tatva kam hone par usse sanbandhit chijon ko apne shayan kaksh ya karyalay men rakhna, dhatu tatva kam hone par dhatu ka dharan karna. lakri tatva, kam hone par paudhe evan lakri ke anya saman rakhna adi. is prakar ham loshu chakra men ankon ki upasthiti, anupasthiti, sankhya evan grup men hone ya n hone ke karan hone vale prabhavon ko janakar samasyaon ke samadhan ka upay kar sakte hain. loshu chakra ka ek anya pahlu flaing star feng shui kahlata hai jiske dvara ham kisi vyakti ka amuk varsh ya mas kaisa jaega, bhavan ke kis hisse, men kaun si urja pravahit hogi adi jan sakte hain. ismen har sal ke lie ek ank nirdharit hota hai, jaise 2006 ka sal ka ank 3 hai evan march 2006 ka ank 9 aur aprail 2006 ka ank 8 hai. talika is prakar hai. apna varshik ank dekhne ke lie striyan apne janm varsh men 4 joren evan purush 11 men se janm varsh ka yog ghataen. udaharanasvarup 6.2.1952 ko janme vyakti ka varshik ank hoga 11-(1$9$5$2) = 11-8 = 3 isi varsh janmi stri ka varsh ank hoga 4$8= 12 = 3 3 ka ank, jo ki inka janm varsh ka ank hai aur is varsh madhya men sthit hai, inke jivan men asthirta darshata hai. pure varsh kya karun kya n karun ki sthiti se do char hona batata hai. march men masik chakra men inka ank 3 loshu chakra ke 8 vale ghar men a gaya islie is vyakti ki ichcha ke viprit parinam ane ki sanbhavna hai. islie aise samay ichchaon ko jyada prabal n karen. aprail men yahi ank 3, 9 ke sthan par man-samman dilane men sahayak siddh hoga. is prakar loshu chakra ka prayog kar ham apne samay ka purvanuman lagakar jivan ko sakaratmak disha de sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.