मूलांक से जानी भाग्योद्य का समय

mulank se jani bhagyodya ka samy  

Ank ke aur Lekh | Sambandhit Lekh | Views : 52780 |  

‘put ke panv palne men hi najar ate hain’ yah kahavat bhale hi purani ho lekin aj bhi shashvat hai. bhagyavan vyakti ko ek ke bad ek saflta aise milti chali jati hai jaise purva nirdharit hogi. yadi vyakti ko apne bhagyoday ka samay gyat ho jae to vah bhi pratidin hath lagne vali nirasha se hatash n ho, kaise aie janen

mate taur par bhagyoday ka sanbandh ajivika se hai. yah prashn vah bhi karta hai, jo karorpti hai aur vah bhi, jo nirdhan hai, naukri nahin lagi hai to kab lagegi, lag chuki hai to padonnati kab hogi vanchit sthanantaran kab hoga, vyavsay kab aranbh ho sakega, vyavsay chal raha hai to usmen unnati kab hogi, kaun sa vyavsay kiya jae ki dhan kamane men safal ho saken ityadi kai prashn hain. jo logon ke man men ghumrte rahte hain aur ve inke uttar janne ko utsuk rahte hain.

ank jyotish ke anusar vyakti apne mulank ke adhar par apne bhagyoday ka varsh jan sakta hai. hamare desh men adhikatar log gramin athva ashikshit hain, jahan angreji janm tarikh to chorie, deshi janm tithi (vikram sanvat adi ki) bhi logon ko pata nahin hai. aise logon ko chahie ki ve apne nam ki angreji vartani likh len tatha use hibru ank pradan karen.

man lijie kisi vyakti ka nam hai- rajakamal sharma. inke angreji nam ki vartani banegi – rajkamal sharma is vartani ke hibru ank banenge – 2+1+1+2+1+4+1+3+3+5+1+2+4+1 = 31 = 4 . atah rajakamal sharma ke nam ka mulank hua 4. ise inka namank bhi kah sakte hain. ab rajakamal sharma ko yadi apna janm dinank gyat nahin hai to ve mulank 4 ke bhagyoday ke samay ko apna janm dinank man sakte hain. chunki yah mulank nam ka hai, janm ka nahin; atah iske fal men thora bahut parivartan sanbhav hai.

aie, ab jante hain vibhinn mulank valon ke bhagyoday ke bare men.

mulank-1: san 2008 tatha 2017 inke lie bhagya ke shreshth uphar lie inki pratiksha kar rahe hain. ye varsh inke lie ‘drim iyar’ siddh honge. mulank 1 ka sahyogi ank 4 hai. atah varsh 2011 tatha 2020 bhi inki unnati ke lie anukul varsh hain. kisi bhi kailendar varsh ka janvri, aprail, aktubar mahina bhi inke lie upyukt hai. ye inke bhagya ka ujjval paksh samne laenge.

mulank-2: san 2009 tatha 2018 inke lie vishesh bhagyodykari hain. ye varsh inke jivan men unnati ke adbhut dvara kholenge. inka kairiyar is kal men navin unchaiyon ko chuega. mulank 2 ke sahyogi ank hain 3 tatha 7. is karan inke lie varsh 2005, 2010, 2014 tatha 2019 bhi labhkari rahenge. han, itna avashya hai ki nae kam rukavton ke sath aranbh honge. yah bhi ho sakta hai ki aranbh men kuch samay tak inhen asfltaen milen, kintu date rahen tatha chinta n karen. shuruati asfltaon ke bad saflta avashya milegi. yadi inka karya kshetra ank 2 arthat chandrama ke kshetra ka, jaise lekhan, prakashan, vastra-vyavsay, kala-jagat adi hai to ukt varshon men inhen vishesh saflta milegi. kisi bhi kailendar varsh ka farvri, march, julai ya disanbar mahina bhi inke anukul hai. ye yojna baddh dhang se inka labh bhi utha sakte hain.

mulank-3: varsh 2010 tatha 2019 inke lie utkrisht faldayi hain. in varshon men in par sarkari paksh ki kripa drishti vishesh rup se hogi. inke ruke kam anayas athva kam parishram se hi ho jaenge. yadi ye komal tatha sajavti vastuon, prakashan athva guru se sanbandhit anya vastuon ka vyavsay kar rahe hain to inhen ukt varshon men vishesh labh hoga. mulank 3 ke sahyogi ank hain 6 tatha 9 . atah inke lie varsh 2004, 2007, 2013 tatha 20016 bhi uttam siddh honge. kisi bhi kailendar varsh ka march, jun athva disanbar mahina inke lie uttam hai.

mulank-4: varsh 2011 tatha 2020 inke lie vishesh bhagyodykari hain. mulank 4 ke sahyogi ank hain 1 tatha 8 . atah inke lie varsh 2006, 2008, 2015 tatha 2017 bhi achche rahenge. han, itna avashya hai ki inke kam men kuch shuruati rukavten aen, lekin ghabraen nahin, saflta ko inke charan chumne honge. yadi ye tanbe, chamre, bij adi ke vyavsay men hain athva sarkari karyon ke theke lete hain to ukt varsh in par adhik kripalu honge. inke lie kailendar varsh ka janvri, aprail, agast ya aktubar ka mahina bhi shubh hai.

mulank-5: varsh 2012 tatha 2021 inke lie bhagyavarddhak hain. mulank 5 ke sahyogi ank hain 1, 3 tatha 7 . atah varsh 2005, 2008 tatha 2014 bhi inke lie achche rahenge. ye yadi kanse, kirane, mungfli, rabar athva steshnri ke vyavsay men hain to ukt varsh in par mehrban rahenge. inke lie kailendar varsh ka janvri, march, mai, julai, aktubar ya disanbar mahina bhi anukul hai.

mulank-6: varsh 2004, 2013 tatha 2022 inke lie bhagyodykari hain. mulank 6 ke sahyogi ank hain 3 tatha 9. atah inke lie 2007, 2010, 2016 tatha 2019 ke varsh bhi shreshth rahenge. yadi ye hire, sugandhit dravya, saundarya prasadhan ya chandi ke vyavsay men hain to ukt varsh inke lie vishesh shubh faldayi siddh honge. inke lie kailendar varsh ka march, jun, sitanbar ya disanbar mahina bhi shubh hai.

mulank- 7: varsh 2005 tatha 2014 inke lie prabal bhagyavarddhak hain. mulank 7 ke sahyogi ank hain 2 tatha 4 . atah varsh 2009, 2011, 2018 tatha 2020 bhi inke bhagya ke anukul hain. yadi ye kanch, chaval, vastra, sharab adi ke vyavsay men hain to ukt varsh inke vyavsay ke prasar ke lie bahut upyukt hain. inke lie kailendar ka farvri, aprail, julai ya navanbar mahina rahat pradan karne vala hai.

mulank-8: varsh 2006 tatha 2015 inke lie prabal bhagyavarddhak hain. ye varsh inke jivan ke bahut mahatvapurn varsh siddh honge. mulank 8 ke sahyogi ank hain 2 tatha 4 . atah varsh 2009, 2011 tatha 2018 bhi inke lie shreshth rahenge. yadi ye lakri, lohe, koyle, khanan, tel ya purakalin chijon ke vyavsay se jure hain to ukt varsh inke lie adhik anukul siddh honge. inke lie kailendar varsh ka farvri, aprail, agast, ya navanbar mahina bhi rahat dene vala hoga.

mulank-9: varsh 2007 tatha 2016 inke lie kirane bhagyashali siddh honge. sarkari paksh bhi in par mehrbani karega. mulank 9 ke sahyogi ank hain 3 tatha 6 . atah inke lie varsh 2004, 2010, 2013 tatha 2019 bhi utthankari ki bhumika men rahenge. yadi ye bhumi sharab, bhavn-nirman, chikitsakiya samagri, shastra adi ke vyavsay men hain to ukt varshon ki in par vishesh kripa drishti rahegi. inke lie kailendar varsh ka march, jun, sitanbar ya disanbar mahina bhi shubh hai. jo bhi karna hai, is dauran kar len.

Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.