आयुनिर्णय की पृष्ठभूमि

ayunirnay ki prishthabhumi  

Ank ke aur Lekh | Sambandhit Lekh | Views : 1711 |  
ayunirnay ki prishthabhumi’ pro. shukdev chaturvedi ayu-nirnaya: bhartiya jyotish men ‘ayunirnaya’ ko atmatatva evan jivan ke ghatnachakra ke gyan ko sharir mana gaya hai. jaise atma ke bina sharir anupyogi evan vyarth hota hai - thik usi prakar ayu ke gyan ke bina jivan ke ghatnachakra ka gyan anupyogi evan vyarth hai. vastutah jab tak ayu hai, tabhi tak jivan ki satta hai aur tabhi tak jivan ke ghatnachakra men gatishilta hai. ayu ki samapti ke sath hi jivan evan uska ghatnachakra donon hi stabdh ho jate hain aur apne purna-viram par pahunch jate hain. jivan ke ghatnakram ki jankari men ayu ki is sapekshata ko dhyan men rakhakar hamare acharyon ne faladesh karne se pahle ayu ki bhalibhanti pariksha karne ka nirdesh diya hai.1 ‘‘ayuah purvan parikshet pashchallakshan amadishet. anayushan tu matryanan lakshanaiah kin prayojanam..’’ prarabdh karmon ka fal bhogne ke lie jiv ko jitna samay milta hai vah uski ayu kahlati hai. yah samay janm se lekar mrityu tak ki kalavdhi hoti hai aur vah prarabdh karmon ke prabhavavash kabhi choti tatha kabhi bari hoti rahti hai. jivan evan mrityu ek gurh paheli ya aisi jatil gutthi hain, jiska samadhan aj tak gyan evan vigyan ki kisi vidya dvara nahin ho paya hai. chahe dhir evan ganbhir chintan karne vale darshanik hon ya prayog evan pravidhi ke visheshagya, vaigyanik hon athva arbon-kharbon dalar kharch kar medikal vigyan men shodh evan vikas karne vale chikitsa shastri hon- sabhi jivan evan mrityu ke rahasya ke samne vismit, stabdh evan kinkartavyavimurhta ke bhav se khare dikhlai parte hain. is vishay men ek nobal puraskar vijeta jainitik injiniyar ka kahna hai ki - ‘‘rog ki chikitsa to kisi n kisi prakar se sanbhav hai kintu mrityu ki chikitsa ko chorie uska purvanuman karna hi terhi khir hai.’’ yah terhi khir tab hai jab bhartiya chintndhara ke do pramukh vadon-karmavad evan punarjanmavad ko asvikar kar diya jata hai. yadi in donon ko svikar kar liya jae to jivn-mrityu ke rahasya ko jana evan pahchana ja sakta hai. yahi karan hai ki vaidik darshan ke ukt donon vadon aur unke siddhanton ke adhar par jyotish shastra ke praneta parashar evan jaimini jaise rishiyon tatha may yavan, manitth, shakti, jivasharma, satyacharya, varahmihir evan mantreshvar adi acharyon ne ayunirnay ke adharbhut siddhanton ka pratipadan kar jivan evan mrityu ke rahasya ko anavrit karne ka sarthak prayas kiya hai. bhartiya jyotish shastra ke manishiyon ka kahna hai ki hamen janmakal ka gyan hota hai. yadi kisi prakar mrityukal ka gyan ho jae to ayu ka thik-thik prakar se gyan/ nirdharan ho sakta hai. etadarth hamare rishiyon evan acharyon ne yog evan dasha in do pravidhiyon ka vikas kiya. jyotish shastra men ayu ka nirnay yog evan dasha-in do ke adhar par kiya jata hai. vividh yogon ke dvara nirnit ayu ko yogayu tatha markesh grahon ki dasha-antardasha ke adhar par nirnit ayu ko dashayu kahte hain.2 yogayu yogayu ka nirnay mukhyatya nimnalikhit chah3 prakar ke yogon se hota hai. 1. sadyorisht yog, 2. balarisht yog, 3. alpayu yog, 4. madhyamayu yog, 5. dirghayu yog, 6. amitayu yog in chah prakar ke yogon men se alpayu, madhyamayu evan dirghayu-ye tinon yog ayu ka nirnay karne ke lie markesh grahon ki dasha ki sapekshata rakhte hain jabki sadyorisht, balarisht evan amitayu yog markesh grahon ki dasha ki apeksha nahin rakhte kyonki sadyorisht evan balarisht yogon men mrityukal ka nirnay gochar ke anusar kiya jata hai. amitayu yog m ne ayu ka vichar hi nahin kiya jata kyonki is yog men ‘‘jivem shardah shatam’’ is jijivisha ki purti ho jati hai. yahi karan hai ki adhikatam acharyon ne 12 varshon tak ayu ka nirnay karne ka nishedh kiya hai.4 alpayu, madhyamayu evan dirghayu yogon men ayu ki nyunatam evan adhikatam avdhiyon men kafi antar rahta hai. yatha-alpayu yog men ayu ki avdhi 13 varsh se 32 varsh tak, madhyamayu men 33 varsh se 65 varsh tak aur dirghayu yog men avdhi 66 varsh se 100 varsh tak hoti hai. ayu ki avdhi men 20 se 35 varsh ka antar hone ke karan ayu ka spashtikaran tatha markesh grah ki dasha ke adhar par nirdharan kiya jata hai. ayu ka spashtikrn: alpayu adi yogon se manushya ki ayu ki sthul jankari milne ke karan maharshi parashar evan unke bad men may, yavan, manitth, shakti, jivasharma, satyacharya, varahmihir evan kalyan varma adi acharyon ne sukshmata ke lie ayu ka spashtikaran karne ki anek vidhiyon ka pratipadan evan upyog kiya hai jinmen pramukh hain - 1. anshayu, 2. nisargayu 3. pindayu evan 4. lagnayu . in ritiyon men se kis vyakti ki ayu ka spashtikaran kis riti se kiya jae? is prashn ka samadhan karte hue maharshi parashar ne batlaya hai ki - ‘‘jatak ki janm kundli men lagnesh, chandrama evan surya in tinon men yadi lagnesh bali ho to anshayu dvara, yadi chandrama bali ho to nisargayu dvara aur yadi surya bali ho to pindayu ki riti se ayu ka spashtikaran karna chahie.5 yadi in tinon men do ka bal saman ho to donon ka ayurday nikalakar adha kar lena chahie aur yadi in tinon ka bal saman ho to tinon ritiyon se ayurday nikal kar uske yog ka tritiyansh kar lena chahie.6 prachin acharyon men keval vrihatparashar horashastra men yogayu ka nirnay nimnalikhit sat prakar ke yogon se kiya jata hai.7 1. balarisht yog, 2. yogarisht, 3. alpayu yog, 4. madhyamayu yog, 5. dirghayu yog, 6. divyayu yog, 7. amitayu yog balarisht yog men jatak ki adhikatam ayu 8 varsh, yogarisht men adhikatam ayu 20 varsh, alpayu yog men adhikatam ayu 30 varsh, madhyamayu yog men adhikatam ayu 64 varsh, dirghayu yog men adhikatam ayu 100 varsh, divyayu yog men adhikatam ayu 1000 varsh aur amitayu yog men adhikatam ayu ki koi sima nahin batlayi gayi.8 samast jatak granthon ke pariprekshya men vyavharik evan samyik drishti se vichar kiya jae to balarisht evan yogarisht ke sthan par sadhorisht evan balarisht ko adhar manna bahusammat paksh hai kyonki hora shastra ke acharyon ne prayah aisa hi vargikaran kiya hai. isi prakar divyayu evan amitayu yog jo apvad yog hain ko ek hi varg men rakhna vyavharik hai kyonki jan-jivan men inka bahudha upyog nahin ho pata. atah samsamyik drishti se yogon ka ukt chah vargon men vargikaran karna adhik vyavharik hai. is vargikaran men sadyorisht yog men jatak ki adhikatam ayu 1 varsh, balarisht yog men adhikatam ayu 12 varsh, alpayu yog men adhikatam ayu 32 varsh, madhyamayu yog men adhikatam ayu 64 varsh, dirghayu yog men adhikatam ayu 100 varsh tatha amitayu yog men adhikatam ayu ki sima nirdharit nahin hai.9 is yog men ayu ki nyunatam sima 100 varsh mani ja sakti hai. satyacharya aise vidvan hain jinhonne ayudarya ke spashtikaran ke lie keval lagnayu ki riti ko hi pramanik mana hai.10 acharya varahmihir evan kalyan varma satyacharya ke mat ke pakshadhar lagte hain.11 ekrupta hi praman hai ayu-nirnay ke prasang men vividh yogon evan spashtikaran ki riti se nirnit ayu men ekrupta hone par use praman iak mana jata hai. yadi yogon ke dva ara aur spashtikaran ke dvara nirnit ayu ke man men ekrupta n ho to markesh grahon ki dasha ke adhar par ayu ka nirnay karna chahie. is prakar yog evan spashtikaran se mrityu ka sanbhavna kal aur markesh grahon ki dasha-antardasha se mrityukal ka nirdharan hota hai. ayu ka nirnay karte samay yah bat sadaiv dhyan men rakhni chahie ki yahan sanvad arthat ekrupta ko hi praman mana jata hai. tatparya yah hai ki vividh ritiyon se prapt ayu ke parin aam men ekrupta hi use pramanik siddh karti hai. mrityu ka gyan ek rahasya ya gurh paheli hai jiska hal khojne ke lie jaimini evan parashar jaise rishiyon ne tatha may, yavan, manitth, shakti, jivasharma, satyacharya, varahmihir, kalyan varma evan mantreshvar jasai e manishi acharya ne n e anke upyage i evan sumanya ritiyon ka avishkar evan vikas kiya hai. in ritiyon ki vividhta ke karan kabhi-kabhi parin aam men vividhta dikhlai parti hai. aisi sthiti men yadi ekrupta sanbhav n ho to bahusammat paksh ko hi praman iak manna chahie. ayunirnay ki darshanik prishthabhumi yogayu evan anshayu adi ke spashtikaran ka adhar janmakalin grah sthiti hoti hai jo janmantron ke sanchit karmon ke fal ki suchak hoti hai. jyotish shastra men sanchit prarabdh evan kriyaman karmon ke fal ko janne ke lie tin paddhatiyan viksit ki gayi hain jinhen yog, dasha evan gochar kahte hain. is shastra men sanchit karmon ke fal ki jankari janmakalin grah sthiti ya grah yogon ke dvara ki jati hai jabki prarabdh karmon ka fal grahdsha dvara tatha kriyaman karmon ka fal gochar dvara kiya jata hai. janmantron men kiye gaye vividh karmon ke sanklit bhandar ko sanchit kahte hain. karmon ki vividhta ke karan sanchit ke falon men vividhta hoti hai aur isi vividhta ke karan samast sanchit karmon ke falon ko ek sath bhoga nahin ja sakta. kyonki karmon ki vividhta ke parinamasvarup milne vale fal bhi paraspar virodhi hote hain atah inko ek ke bad ek ke kram se bhogna parta hai. vartaman jivan men hamko sanchit karmon men se jitne karmon ka fal bhogna hai; keval utne hi karmon ke fal ko prarabdh kahte hain. in prarabdh karmon ke fal ka gyan dasha ke dvara hota hai. is jivan men jo karm ham kar rahe hain ya jin karmon ko bhavishya men kiya jaega ve sab kriyaman karm kahlate hain aur unke fal ka vichar gochar ki riti se kiya jata hai. ayurday ke prasang men ek mahatvapurn prashn yah hai ki yogon ke dvara nirnit ayu men tatha anshayu adi ke dvara spashtikaran ke parinam men ekrupta kyon nahin hoti jabki ayu nirnay men ekrupta ko praman mana jata hai. iska karan yah hai ki yogayu evan anshayu adi ka adhar sanchit karm hain kyonki in donon ka vichar janmakalin grah sthiti ke adhar par hota hai jo sanchit karm ki suchak hoti hai. chunki sanchit karm paraspar virodhi hote hain islie yogayu evan ashn aay u adi k e parinama ne m ne ekrupta nahin hoti. jaise kali mitti se kala ghara, lal mitti se lal ghara, pili mitti se pila ghara ya safed dhagon se safed kapra aur rangin dhagon se rangin kapra banta hai usi prakar sanchit karmon ki vividhta ke karan yogayu evan anshayu adi ke parinamon men svabhavik rup se vividhta hoti hai. manushya ki ayu sanchit karmon ki apeksha prarabdh karmon par jyada adharit hoti hai. kyonki prarabdh karmon ka fal bhogne ki samyavdhi ko ayu kahte hain atah uska vichar evan nirnay markesh grahon ki dasha-antardasha dvara kiya jata hai. is prakar nirnit ayu ko dashayu kahte hain. dashayu ke bare men vichar karne se purva iski purvokt yogon ke sath sapekshata evan nirpekshata ke bare men kuchek mahatvapurn baton par vichar kar lena avashyak hai. pahle kaha ja chuka hai ki sadyorisht, balarisht evan amitayu yog markesh grahon ki dasha-antardasha ki sapekshata nahin rakhte. vastutah sadyorisht evan balarisht ye donon yog aise hain jo n keval jatak ke purvarjit karmon ke fal ki suchna dete hain apitu ve unke mata-pita ke dvara kiye gaye anuchit karmon ki bhi suchna dete hain. islie in yogon ka vichar janmakundli ke sath-sath adhan kundli se bhi kiya jata hai. kisi balak ki janm ke bad turant ya bachapan men mrityu ka jitna mahatvapurn karan uske purvarjit karmon ka fal hai utna hi mahatvapurn karan uske mata-pita ka anuchit acharan hai. markesh grahon ki dasha-antardasha mata-pita ke anuchit acharan par paryapt prakash nahin dalti islie sadyorisht evan balarisht yogon men grah dasha ki sapekshata nahin hoti. amitayu yog men jivan ki nyunatam kalavdhi ek sau varsh se adhik hoti hai jo hamari sau sal tak jien jaisi jijivisha ko santusht kar deti hai. is prakar is yog ke prabhavavash jijivisha ki purti evan santushti ho jane ke karan is yog men bhi markesh grahon ki dasha-antardasha ka vichar nahin kiya jata. alpayu, madhyayu evan dirghayu yogon men se katipay yog aise bhi hote hain jinmane mrityu ke sambhavit varsh ka ullekh rahta hai kintu adhikansh yogon men keval itna batlaya jata hai ki amuk yog men manushya ki ayu madhya ya dirgh hogi. yahan yah dhyan rakhna chahie ki alpayu, madhyayu evan dirghayu ki jo nyunatam evan adhikatam avdhiyan batlayi gayi hain unmen bison varshon ka antar hota hai, atah in yogon men utpann vyaktiyon ki ayu ya mrityu ki jankari ke lie markesh grahon ki dasha-antardasha ka vichar anivarya bhi hai aur apriharya bhi. dashayu: horagranthon men pratipadit yogon ke dvara ayu ki sthul jankari karne ke bad sukshm rup se uska gyan karne ke lie markesh grahon ki dasha-antardasha ka ashray liya jata hai. markesh grahon ki dasha-antardasha dvara nirnit ayu ko dashayu kahte hain. dasha dvara ayu ka nirnay karne se pahle yogon dvara alpayu, madhyayu evan dirghayu ka vidhivat nishchay kar lena chahie aur fir markesh grahon ki dasha-antardasha ke aghar par mrityu ka purvanuman karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.