कैसा रहेगा योगी आदित्यनाथ का कार्यकाल

kaisa rahega yogi adityanath ka karyakal  

Views : 1789 | May 2017

uttar pradesh ke vidhan sabha chunav par uttar pradesh ke logon ki hi nahin apitu pure desh ke logon ki nigahen tiki thin. is bar 2017 ke vidhan sabha chunav men bhajpa ka uttarapradesh men 14 varshon se chal raha vanvas samapt hua tatha use chunavon men bari aitihasik jit mili. shri narendra modi ke netritva men bhartiya janta parti ko bhari vijay prapt hui.

uske bad is bat par sabhi ki najar thi ki uttar pradesh ki gaddi kise saunpi jayegi? kai dinon ke vichar manthan ke bad gorkhpur se sansad yogi adityanath ke nam par mohar lagi tatha unhonne mukhyamantri pad ki shapath li. us samay ki shapthkalin kundli ke anusar kaisa rahega unka karyakal? is sanbandh men yah jyotishiya vishleshan prastut hai: shapthkalin char lagn hone se yah sarkar tej gati se apne karyon ka sanchalan karegi. lagnesh buddhi sthan men sthir rashi men hone se yogi ji jo bhi nirnay lenge vah soch samajhakar yojnabaddh tarike se lenge.


for immediate problem solving and queries, talk to astrologer now


parakram bhav men bhagyesh brihaspati hone se tatha us par navam bhav se tin grahon ki drishti hone se yah nai sarkar apne parakram se aise nirnay legi jiski logon ne kabhi kalpana bhi n ki hogi tatha kathor parishram karne se bhi piche nahin hategi. kundli men striyon ka karak grah shukra apni uchch rashi men trikon bhav men sthit hai jiske falasvarup ye mahilaon ke prati apradh, atyachar ke mamlon men ganbhirtapurvak sakht karyavahi karne men bhi piche nahin hatenge. karmesh mangal apni mulatrikon rashi men, karm bhav men sthit hone se atyant shubh sthiti men hai jiske karan yah sarkar purn imandaripurvak tvarit gati se sarkari yojnaon ko janta tak pahunchane men safal hogi.

dharm bhav ka svami brihaspati grah dharm bhav ko dekh raha hai tatha dharm bhav men uchchasth shukra hone se ram mandir banne ka vivadit masla hal ho sakta hai. halanki is bhav men vyayesh budh tatha dvitiyesh surya ke hone se adhik asani se yah vivad hal nahin hoga, lekin donon paksh agar kuch udarta dikhaen to apsi batchit se masla sulajh sakta hai. shashth bhav men shani ki sthiti ke karan yah sarkar apne virodhiyon par bhari rahegi. virodhiyon ke rajnaitik shadyantra adi se apne ko bachane men adhikanshtah safal hogi. kundli men dhanesh aur labhesh ka yog bhagya bhav men hone se is sarkar ko arthik sankton ka samna nahin karna parega.

krishi ke kshetra men yah sarkar vishesh karyaniti banakar pradesh ki vikas dar ko age le jane men safal rahegi. dusri or rojgar tatha vyapar ke kshetra men sarkar ganbhirtapurvak achcha karya karegi. kark lagn hone se tatha lagnesh nich rashi men hone se evan ashtam sthan men ketu hone se yah sarkar kabhi-kabhi adhik bhavuktavash aise nirnay bhi le sakti hai jisse usko pareshani ka samna karna pare.


apni kundli men sabhi dosh ki jankari paen kampalit dosh riport men


atah koi bhi bara nirnay lene se pahle uske durgami parinamon ki samiksha avashya kar lena sarkar ke lie shubh rahega. bhadrakalin samay men shapath grahan samaroh sanpann hua. lekin jyotish shastra ke anusar us din vrishchik rashi men svargalok ki bhadra hona ashubh nahin hai tatha din ke madhyahnan ke bad ki bhadra bhi ashubh nahin hoti. is drishti se bhadrajnit dosh ka parihar ho raha hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

jyotish evan vet laes visheshank  May 2017

svasth sharir svasth mastishk ko janm deta hai. motapa ek aisa abhishap hai jiske karan sharir vibhinn prakar ke rogon ke prati sanvednshil ho jata hai tatha anek rog ek-ek kar vyakti ko gher lete hain. madhumeh, hriday rog, uchch rakt chap tatha thakan jaisi bimariyon se vyakti akrant ho jata hai. fyuchar samachar ka vartaman visheshank is vikat samasya se hi sambandhit hai tatha motapa rog ke jyotishiya drishtikon ko varnit karne hetu vibhinn ullekhniya alekhon ko sammilit kiya gaya hai. in alekhon men mahatvapurn hain- motapa par jyotish vichar evan vibhinn yog, hast rekha se janen motapa barhne ke karan, jyotish ki najar men motapa, motapa barhane vale grah yog, guru barhaega vajan, dait se karen kantrol adi. avaran katha men sammilit in saragarbhit alekhon ke atirikt sadaiv ki bhanti sthayi stambhon men bhi jivan ke har kshetra se jure pahluon jaise rajniti, manoranjan adi vishyon se sambaddh ullekhniya alekh bhi sannahit hain.

Subscribe


.