हस्त रेखाएं और शुभ योग

hast rekhaen aur shubh yog  

Future Point
Views : 1739 | May 2017

gajalakshmi yog: jis manushya ke donon hathon men bhagya rekha manibandh se praranbh ho kar sidhi shani parvat par ja rahi ho tatha surya parvat viksit hone ke sath-sath usapar surya rekha bhi patli, lanbi tatha lalima lie hue ho aur iske sath hi mastishk rekha, svasthya rekha tatha ayu rekha pusht hon, to uske hath men gajalakshmi yog banta hai. jiske hath men gajalakshmi yog hota hai, vah vyakti sadharan gharane mane janm le kar bhi uchchastariya samman prapt karta hai. iske sath hi vah apne karyon se pahchana jata hai.

arthik evan bhautik drishti se aise vyaktiyon ke jivan men kisi prakar ki koi kami nahin rahti. shubh yog: dahine hath men shani parvat viksit ho tatha usapar spasht bhagya rekha bani ho, uske hath men shubh yog hota hai. aisa vyakti prasiddh vakta tatha janta ko mohit karne ki kshamata rakhne vala hota hai. shubh yog se sanpann vyakti ka bhagyoday apne janm sthan se dur jane par hi hota hai. lakshmi yog: hatheli men guru, shukra, budh aur chandrama ke parvat purn viksit hon tatha lalima lie hue hon, us vyakti ke hath men lakshmi yog banta hai.

jis jatak ke hath men lakshmi yog hota hai, vah jivan men apne prayatnon se bahut adhik unnati karta hai. jivan ki sabhi bhautik ichchaen samay par puri hoti hain aur vahan sukh, bhavan sukh tatha stri sukh men kisi prakar ki koi kami nahin rahti hai. kala yog: hatheli men mastishk rekha se koi sidhi rekha anamika ki jar tak pahunchi ho ya donon hathon men surya rekha jivan rekha se praranbh hoti ho, to kala yog banta hai. jis manushya ke hath men kala yog ho, vah manushya kala ke madhyam se jivikoparjan karta hai tatha saflta prapt karta hai. dhan vriddhi yog: hath men kahin par bhi kalash ka chihn ho, to dhan vriddhi yog hota hai. jiske hath men yah chihn hota hai, us vyakti ko nirantar dhan ki prapti hoti rahti hai aur uski baink men jama punji barhti hi rahti hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business


.