त्रिशक्ति लाॅकेट

trishakti laeket  

Ank ke aur Lekh | Sambandhit Lekh | Views : 1302 |  
ratnon ka itihas bahut prachin hai. hamare ved, puran, smriti adi granthon men inke bare men vistrit varnan milta hai. prachin kal men raja, maharaja sanpurn ratnon ke mahatva se bhali-bhanti parichit the. tatha ve ratnon ko hamesha pahne rahte the. rajmhlon ki divaron tatha sinhasan adi par ratn jare hote the. aj bhi in prachin smarkon par yah ratn jarit kala dekhne ko milti hai. jyotish shastra men, khasakar falit jyotish men, ratnon ka ghanishth sanbandh hai. jyotish granthon men grah janit pira se bachne ke lie pratyek grah ke anusar alg-alag ratn dharan karne ka vidhan hai. ratnon ko mala ki tarah laeket men dharan karna vishesh shubh faldayak hota hai. kuch khas samasyaon ke nirakaran ke lie panch mukhya trishakti laeket kavach viksit kie gae hain. 1. lakshmidayak trishakti kavach laeket 2. svasthya varddhak trishakti kavach laeket 3. vidya pradayak trishakti kavach laeket 4. badha mukti trishakti kavach laeket 5. kal sarp raksha kavach laeket lakshmidayak trishakti kavach laeket ‘sarvegunaah kanchnmashrayante’ shastra vachan ke anusar jo vyakti dhan-sanpda se paripurn hota hai vah samaj ki drishti men sarvagunsanpann mana jata hai. aj pratyek vyakti arthik rup se sanpann hona chahta hai. aisi sthiti men yah lakshmidayak laeket dharan karna lakshmi vriddhi men vishesh labhdayak hota hai. yah laeket munga, moti aur pitanbri in tin ratnon ko ek sath jorakar banaya gaya hai. munga mangal ka ratn hai. mangal grah shakti evan sahas ka pratik hai. munga dharan karne se atmavishvas men vriddhi hoti hai, karyon men man lagta hai tatha parishram ka uttam fal prapt hota hai. moti chandrama ka ratn hai. moti ratn ka lakshmi ke sath vishesh sanbandh hai, kyonki in donon ki utpatti samudra se hi hui hai. yah ratn lakshmi vriddhi men vishesh sahayak hai. moti man ke karak grah chandra ka ratn hone ke karan mansik shanti pradan karta hai. pitanbri ratn brihaspati grah ka uparatn hai. brihaspati dhan ka karak grah hai. is ratn ko dharan karne se samman aur dhan ki prapti hoti hai tatha ay ke navin sroton men vriddhi hoti hai. in tinon ratnon se bane laeket ko gale men dharan karne se jivan men arthik sampannata bani rahti hai. svasthya varddhak trishakti kavach laeket pratyek vyakti apne jivan men sabhi prakar se svasth rahna chahta hai, lekin vartaman samay men adhikansh log sharirik ya mansik rup se rogagrast hain. yuvavastha men hi log anek asadhya rogon se grasit ho jate hain. aisi paristhiti men is trishakti laeket ko dharan karne se svasthya thik rahta hai. is laeket men moti, munga aur manik tin ratnon ka samavesh kiya gaya hai. munga ratn ko dharan karne se sharirik shakti men vriddhi hoti hai, hriday evan rakt se sanbandhit bimariyon se raksha hoti hai evan krodh par niyantran rahta hai. moti ratn ko dharan karne se mansik rogon se raksha hoti hai jisse sharirik svasthya bhi achcha rahta hai. iske atirikt jukam, khansi, dama adi rogon se bachav hota hai. manik ratn ko dharan karne se sharirik svasthya achcha rahta hai. yah atmakarak grah surya ka ratn hone ke karan dirghayu pradan karta hai aur atmabal men vriddhi karta hai jisse rog pratirodhak kshamata barhti hai. in tin ratnon ke sanyukt rup se bane laeket ko dharan karne se sanpurn sharirik tatha mansik rogon se raksha hoti hai. vidya pradayak trishakti kavach laeket manav jivan men shiksha ka vishesh mahatva hai. kaha bhi gaya hai ‘vidya dhanan sarva dhanan pradhanam’ arthat vidya rupi dhan sabhi dhanon men pradhan hai, jisse vyakti ke jivan men gyan rupi jyoti ka uday hota hai. vidyavan vyakti apne sath-sath dusre logon ka bhi kalyan karta hai. aj shikshit vyakti ka sabhi kshetron men vishesh mahatva hai. vah krishi kshetra hi kyon n ho vahan bhi shikshit vyakti adhik unnati kar sakta hai. apne nam ko anurup yah laeket vidyarthiyon ke lie labhdayak hai. yah vidya pradayak laeket panna, pitanbri evan moti in tin ratnon ko ek sath jor kar banaya gaya hai. panna budh ka ratn hai aur budh buddhi ka karak grah hai atah is ratn ko dharan karne se buddhi tivra hoti hai aur vyakti kisi bhi kathin vishay ko sahjta se hi atmasat kar leta hai. pitanbri ratn ko dharan karne se vyakti apni parhai ke prati ganbhir banta hai evan samarpit hokar vidya adhyayan karta hai. brihaspati grah ka gyanarjan se sidha sanbandh hai. atah is ratn ko pahnne se dharan kshamata men vriddhi hoti hai aur kisi bhi vishay ko lanbe samay tak smaran rakhne men sahayta milti hai. moti chandrama ka ratn hai. chandrama man ka karak grah hai atah moti dharan karne se man men sthirta bani rahti hai jisse vidya adhyayan ke kshetra men manovanchit saflta prapt hoti hai. badhamukti trishakti kavach laeket: manushya ke jivan men nana prakar ki badhaen utpann hoti rahti hain. is laeket ko dharan karne se sabhi badhaon se mukti milti hai aur korta-kachahari ke mamlon men labh hota hai. iske atirikt bhut-peratadi badhaon se mukti ke lie yah laeket kavach ki tarah karya karta hai. aur buri najar, jadu tatha tona tantrik prabhavon se bhi raksha karta hai. yah badhamukti trishakti kavach laeket jarakan, gomed, nili in tin ratnon ko jorakar banaya gaya hai. jarakan shukra grah ka uparatn mana jata hai. shukra grah bhautik sukh sansadhnon ka karak hai. atah ise dharan karne se sukh-samriddhi men vriddhi hoti hai jisse jivan men sarsta bani rahti hai. gomed rahu ka mukhya ratn hai. rahu vyakti ke jivan men akasmik ghatnaon ko ghatit karta hai. yah ratn achanak ane vali badhaon se raksha karta hai. iske atirikt isko dharan karne se parishram ka purn fal milta hai tatha shatruon ki or se utpann hone vali badhaon se mukti milti hai. nili ratn shani grah ka uparatn mana jata hai. is grah ka prabhav hamare jivan ki sukh-shanti par vishesh rup se parta hai. is ratn ko dharan karne se jivan men buri shaktiyon se raksha hoti hai. kalasarp raksha kavach laeket: janm kundli men jab sare grah rahu-ketu ke madhya sthit hote hain to kalasarp namak yog banta hai. jis jatak ki kundli men yah yog banta hai uske jivan men asthirta bani rahti hai. vyakti jitna parishram karta hai utna labh nahin milta aur jivan sangharshamay ban jata hai. vyakti ko dhan aur vaibhav ki prapti ho bhi jae to bhi santushti nahin milti hai. aisi sthiti men is mahadosh karak yog ki shanti ke lie yah kalasarp raksha kavach laeket pahnna labhdayak hai. nili ratn shani ka uparatn hai. shani duahkh evan vighna-badhaon ka karak grah hai. is ratn ko dharan karne se duahkh, klesh evan vighna-badhaon se mukti milti hai tatha vyakti dhire-dhire unnati ki or agrasar hota hai. gomed rahu ka mukhya ratn hai. ashubh rahu ke karan jivan ke pratyek ksheetra men asflta prapt hoti hai. aise men gomed ratn ko dharan karne se pratyek karya men saflta prapt hoti hai. virodhiyon ki parajay hoti hai. lahsuniya ketu ka mukhya ratn hai. ketu ke ashubh prabhav se vyakti ke jivan men nirasha, duahkh, bhay, vyadhi, shok chaye rahte hanai. inse bachne ke lie lahsuniya dharan karna labhdayak hota hai. fyuchar paeint ne jyotirvidon ke vishesh anusandhan se upar varnit laeketon ka nimarn kiya hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2005

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.