बारह वर्ष का इंतजार

barah varsh ka intjar  

Ank ke aur Lekh | Sambandhit Lekh | Views : 1091 |  
vidhata ne har chij ka samay niyat kiya hua hai aur har chij vyakti ko usi samay milti hai jab ishvar ki kripa hoti hai. yahi sthiti isha ke sath hui, use bahut chahne ke bad bhi barah varsh tak santan nahin hui, aur anttah use 12 varsh ki lanbi pratiksha ke uprant putri ki prapti hui. aiye dekhte hain ki isha ki kundli men kaun se aise grah yog vidyaman the jiske karan isha ko itna lanba intjar karna para. nirmala ji ek rais marvari parivar se hain. unke parivar se hamare sanbandh kafi purane hain. unhonne apne putra nitin ka vivah lagabhag terah varsh purva atyant dhum dham se kiya aur bahut hi sundar aur sushil bahu isha unke ghar a gai. nirmala ji bahut hi khush thin, unki barson ki tamanna jo puri hone ja rahi thi. pichle kuch varshon se jahan bhi ve koi chota bachcha dekhtin use pyar karne ko unka ji machal uthta aur ab unhen intjar tha ki kab nanhen kanhaiya unke angan men khelenge aur ve pure pyar aur dular se uski dekhbhal karanegi. unhane yad hai ki jab nitin hua tha to sanyukt parivar hone ki vajah se ve sara din rasoi ya ghar ke anya kam kaj men vyast rahti thin aur nitin ko ji bhar kar khila nahin pati thin. isilie ab unki yah ek chah thi ki vah apna sara lar aur pyar apne pote ya poti ko den aur uske bachapan men apna sara khali samay bita den. shuru-shuru men to nitin aur isha ne ghumne-firne men do varsh nikal diye aur nirmala ji ko bhi samjha diya ki ve do varsh se pahle bachche ka moh n karen. do varsh bitne ke bad bhi jab isha ne unhen koi khushkhbri nahin di to unki bechaini barhne lagi. ve bar-bar isha se is babat puchtin. jid karke ve isha ko daektar ke pas bhi le gain. daektar ne chekap kar sab kuch thik bataya lekin unki asha purn nahin ho rahi thi. dhire-dhire samay bitne laga aur nitin aur isha ne shahar ke sabhi bare daektaron se chekap kara liya v ilaj bhi karaya par koi natija nahin nikla. nirmala ji ne kitni hi puja rakhvai, mannaten mangin aur sabhi mandiron men jakar bhagvan se minnaten kin par unki khushiyan mano unse ruth si gai thin. nitin v isha ne videsh jakar bhi test tyub bebi ke lie kai bar jatan kiye par unhen usmen bhi saflta nahin mili. idhar isha bhi bahut pareshan rahti thi. ek taraf to use man n banne ka dukh tha to dusri or use yah dar tha ki kahin usapar banjh ka tamga n lag jae. vah jahan bhi jati thi sab usse ek hi saval puchte the. usne kahin bhi ana jana band kar diya aur apne men simat kar rah gayi thi. pure ghar ki khushiyan mano khatm ho gayi thi. sabhi ke hote hue bhi ghar men sannata sa rahta tha. harakar unhonne ek bachcha god lene ka vichar bana liya. nirmala ji iske lie taiyar ho gain. chote bachche ke lie unki mamta ne unhen vivash kar diya ki ve ek chota bachcha anathalay se god le len. bachcha god lene ka shubh muhurt nikalne ke lie jab ve apne pandit ji ke pas gaye to unhonne nitin aur isha ki kundli dekh kar unhen kuch samay ke lie rukne ke lie kaha aur kaha ki jab itne sal intjar kiya to kuch samay aur karo. ishvar chahenge to nishchit rup se santan hogi anyatha fir bachcha god le lena. nitin aur isha ne jab yah bat nirmala ji ko batai to ve bahut khush huin aur fauran hanuman ji ko sava man ka prasad bol diya. ise kudarat ka karishma kahen ya unki duaon ka fal ki chah mahine bad hi isha ne sabko manchahi khushkhbri suna di aur nau mahine bad ek svasth v sundar putri ko janm diya. pandit ji ka kaha pura sach ho gaya. ve to mano sabke lie bhagvan ka rup ho gaye. barah varsh bad unke ghar men khushiyan ai thin. pure ghar ko dulhan ki tarah sajaya gaya aur bachchi ke janm ka jashn pure dhum-dham se manaya gaya. aur ab isha fir se garbhavati hai aur ham ishvar ke is chamatkar ko salam karte hain ki kahan to itna ilaj karane ke bad bhi ek bhi santan nahin hui aur kahan achcha samay ane par bhagvan use fir se man banne ki khushi pradan kar rahe hain. aiye karane nitin aur isha ki kundli ka vivechan aur janen sitaron ka rahasya: nitin: inki kundli men panchmesh grah shukra barhven bhav men sthit hai, tatha chandra evan lagn se akarak brihaspati pancham bhav men sthit hai. brihaspati grah santan karak bhi hai, evan santan bhav men hi hone se jaisa ki kaha gaya hai ki karko bhav nashkah sthan haniah karo jivah. in sabhi jyotish shastra ke niyam ke anusar nitin ko itne vilanb se santan ki prapti hui. is sanbandh men anya grah yog par bhi vichar karen to pancham bhav par surya evan mangal do pap grahon ki drishti hai tatha pancham se pancham sthan arthat navam sthan par bhi shani ki purn drishti hai evan navmesh budh bhi pap grahon ke sannaidhya men sthit hai. vinshottari dasha ke anusar nitin ki navanbar 2008 tak brihaspati ki dasha chal rahi thi, jiske karan santan hone ki koi sanbhavna najar nahin a rahi thi. ab inki kundli men sakaratmak paksh par vichar karen ki itni deri tatha badhaon ke bad bhi akhir inhen santan sukh kaise prapt hua? sukshmata se vichar karen to inka panchmesh grah shukra chalit men barhven sthan se hat kar lagn men hai tatha navansh kundli men shukra tula men hai, pancham sthan par bhagyesh budh ki bhi drishti hai, lagnesh aur kutambesh shani saptam kendra men hone se balvan hanai. in sabhi shubh grahon ke sanyog se inko anttah santan prapt hui. vinshottari dasha par vichar karen to jab tak inki santan badhak grah brihaspati ki mahadsha chal rahi thi, tab tak santan prapti upay adi karne par bhi nahin hui. jab lagn tatha chandra lagn se yogkarak grah balvan shani ki mahadsha praranbh hui tatha shani men shani ki hi antardasha men unhen sundar evan svasth santan ki prapti hui. patni (isha): inki kundli men santan sanbandhi vishesh bara ashubh yog nahin hai. keval kutumb sthan men rahu ki sthiti evan sath hi shani ki kutumb sthan par purn drishti hone se kutumb vriddhi men vilanb darshata hai tatha vinshottari dasha men inki ashubh shani ki mahadsha ke karan santan prapti ka sukh inhen nahin mil pa raha tha, shani men antim antardasha panchmesh balvan evan shubh brihaspati ki antardasha men hi inko sundar putri ki prapti sanbhav ho pai. putri: putri ki kanudli men dasham sthan men svagrihi mangal hone se ruchak panchmhapurush yog tatha kuldipak yog ban raha hai. mangal ke sath shubh grah bhagyesh brihaspati hone se yah yog atyant shubh faldayi hoga jisse bhavishya men balika ko uchch shiksha, achcha vyavsay, dhan, man-pratishtha prapt hogi.
Kya aapko lekh pasand aaya? Subscribe
Kya aapko lekh pasand aaya? Subscribe


shri mahalakshmi visheshank  November 2012

fyuchar samachar patrika ke shri mahalakshmi visheshank men mahalakshmi ke udgam ki pauranikta, hindu dharm shastron men mahalakshmi ke svarup ka varnan, vishva ke anya dharm granthon men mahalakshmi ke samakaksh, devi-devtaon ke nam tatha unse judi dant kathaen, lakshmi pujan vidhi evan shubh muhurt, dipavli pujan paik, devi kamla sadhna, tantrokt lakshmi kavach, lakshmiji ke sath ganpti pujan kyan, lakshmipujan ke vishesh upay, dipavli par kiye jane vale vishesh upay v mantra, lakshmi prapti ke 51 achuk upay, dipavli par kiye jane vale anuthe prayogdipavli par kiye jane vale dipavli par kiye jane vale adbhut totke, mahalakshmi ke pramukh puja sthal tatha unki mahta aur manyata ke atirikt janmakalik sanskar, ahoiashtami vrat, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.