दीपावली पर किये जाने वाले उपाय

dipavli par kiye jane vale upay  

Ank ke aur Lekh | Sambandhit Lekh | Views : 4345 |  
dipavli par kiye jane vale upay nur chaidhri is adhyay men apko main kuch aise upay bata rahi hun jinke madhyam se ap apne karya siddh kar sakte hain, mantra v yantra ka prayog bhi kar sakte hain. pahle ap apne mastishk se yah bhram nikal den ki dipavli ki ratri men keval dhan se sanbandhit upay kiye ja sakte hain. yah bat sahi hai ki adhikatar vyakti dipavli ki ratri men lakshmi kripa prapt karne ke lie hi upay karte hain parantu ap yadi is shubh muhurt men apni kisi anya samasya ka samadhan karna chahte hain to us samasya se bhi mukti pa sakte hain, yadyapi apko is lekh men dhan-samriddhi ke upay adhik milenge parantu main kuch aisi vishesh samasyaon ke upay bhi bata rahi hun jo samanya jivan men a sakti hain. man lakshmi ki kripa prapt karne ke lie upay: yah ek bahut hi prabhavshali upay hai. apne ise yadi dipavli ki ratri men kar liya to ap kabhi arthik samasya men nahin ayenge. ap pratyek dhanteras par koi n koi bartan kharidte hain to is bar ap thori si chandi kharidakar apni anamika ungli men bina jor ka challa banvakar pahnen. dhanteras ke pujan ke samay us challe ka bhi pujan karen. madhyaratri men challe ko nikalakar ek ghi ke dipak men dalen aur dipak jalaen. fir man lakshmi ki tasvir ke samne lal asan par baithakar kamalagatte ki mala se ‘‘shrin shriyayai namah’’ mantra ka 11 mala jap karen. jap ke bad pranam kar uth jayen. agle din snan kar man lakshmi ko pranam kar dipak men se challe ko nikal kar man ke charnon se sparsh karvakar apni anamika ungli men dharan kar len. ismen apko yah dhyan rakhna hai ki pratyek varsh uparyukt vidhi se hi challe ki shakti prapt karte rahane. dhanteras ki sham ko ap ek chandi ki katori kharidakar us katori ka pujan karen, fir dipavli ki ratri men us katori men sabudane ki khir se man lakshmi ko bhog arpit karen aur prasad ke rup men usi khir ka svayan sevan karen. ab ap pratyek purnima ko us katori men sabudane ki khir ka sevan karen. yah upay bahut hi prabhavshali hai. iske prabhav se ap arthik sankat men nahin a sakte hain. agar ap chandi ki katori kharidne men saksham nahin hain to pital ki athva stil ki katori lekar usmen chandi ka tukra athva chandi ka koi bhi abhushan jaise chandi ki anguthi dalakar pujan karen. usi katori men khir dalakar uparyukt vidhi ke anusar prayog karen. khir sevan karne se purva chandi ka tukra athva abhushan nikal len. fir age bhi isi prakar se prayog karte rahen. dipavli se aranbh kar fir lagatar 11 shukravar tak yah upay karna hai. mera vishvas hai ki apko is upay men itna anand ayega ki ap yah upay band hi nahin karenge. yadi ap is upay ko niyamit karen, to apko labh adhik milega tatha hani ki sanbhavna kam hogi. sandhyakal men man shakti ki tasvir ke samne baithakar chandan ki agrbÿai arpit kar safed bhog lagaen. sfatik ki mala se nimn mantra ki ek mala jap karen, kuch hi samay men ap parivartan anubhav karenge. mantra: un smritadvarsi bhitimshesh jantoah svasthaiah smrita matimtiv shubhanddasi. daridray duahkhbhy- karini katvadanya sarvopkarkrna sadardrachiÿaa.. yah ek bahut prabhavshali upay hai, apko yah upay lagatar 9 din karna hai. yadyapi upay men adhik samay nahin lagega lekin kai log aise hote hain jo labh bara chahte hain parantu kisi bhi upay men shram nahin karna chahte hain, aise log 9 din ko bhi bandish mante hain. ap yadi kuch pana chahte hain to uske lie apko kuch to karna hi hota hai. man lakshmi karmath aur parishrami logon ke ghar men hi sthai vas karti hain. ap yah upay dipavli se aranbh kar sakte hain. vaise, ap pratyek mah shukla paksh ki pratham tithi se bhi yah upay aranbh kar sakte hain. iske lie apko ek kamalagatte ki mala ki avashyakta hogi. dipavli ke pujan ke bad athva shukla paksh ki pratham tithi ko sandhyakal men kisi svachch sthan men pashchim ki or mukh kar baith jayen. apne samne ek patte par lal kapra bichaen. thali men 21 lal gulab, prasad tatha kuch paise rakh len. kalave athva mauli ki baÿai vala shuddh ghi ka dipak, agrbÿai, dhup arpit karen. fir prasad arpit karen, iske bad kisi jalte kande, jinhen ham uple bhi kahte hain, par thora sa kapur rakhen, kapur ke upar ek batasha tatha batashe par laung ka jora rakhen. thori hi der men sugandh se vatavaran shuddh ho jayega. fir ap ankhen band kar man lakshmi ka smaran kar dhire-dhire panch gahri sans len. kamalagatte ki mala se man lakshmi ke kisi mantra ki ek mala ka jap karen. yadi apko koi mantra gyat nahin hai to ap shri athva shri shriyayai namah ka jap kar sakte hain. jap ke pashchat gulab uthakar kisi shuddh sthan par rakh den tatha prasad bachchon men bant den, jo paise rakhe the, use ap apne prayog men la sakte hain. 9 din tak arthat navmi tak ap yahi prakriya karte rahane. antim din arthat navmi tithi ko sare gulab ikatthe kar lal kapre men bandhakar apne dhan ke sthan par rakh den. ab yadi agle mah fir prayog karna chahte hain to pichle mah vale gulab ke pushpon ko kapre sahit visarjit kar den tatha is bar ke prayog ke gulab dhan ke sthan par rakh den. kuch hi samay men ap dekhenge ki man lakshmi ka apke nivas men sthai vas ho gaya hai. yadi ap chahte hain ki apke pas sadaiv dhan rahe tatha ap jis kshetra men hath dalen vahan apko saflta prapt ho, to dipavli ki ratri men ek asli sfatik ki mala se ‘‘ain hrin shrin klin’’ mantra ka 11 mala jap karen. ap is prakar dipavli ki ratri se lagatar 40 din tak mantra jap karen. 40ven din us mala ko svayan dharan kar len. us din 9 varsh ki ayu ki kanyaon ko bhojan karaen v dakshina dekar charan sparsh karen. ismen apko yah avashya dhyan rakhna hai ki jab tak, mantra purn n ho arthat 40 din tak, mala puja sthan par hi rahegi. is upay se man lakshmi ki kripa se apko kabhi dhan ki kami nahin rahegi. dipavli ka parva chote-chote jag- magate dipon ka parva hai. amavasya ki gahan andhkar vali ratri ko jab asankhya chote-chote dipak jal uthte hain to andhakar ekadam se dur hokar charon or roshni ki adbhut chata bikhar jati hai. is ratri ko jalne vale chote-chote dipak mano sabhi ko yah sandesh dete pratit hote hain ki yadi jivan men nirasha ke andhkar ko dur karna hai, to hamen nirantar karya karte rahna hoga taki jivan men ujale ke rup men khushiyon ko bhara ja sake. iske lie chote-chote prayas bhi kabhi-kabhi bare sukhad parinamon men rupantrit ho jate hain. ap apni sanpannata ke lie upyukt upay karen, sath hi puri nishtha tatha lagan ke sath apne karya bhi sanpann karte rahen tab nishchit rup se lakshmi ji ki asim kripa apko sarabor kar degi.
Kya aapko lekh pasand aaya? Subscribe

Kya aapko lekh pasand aaya? Subscribe


shri mahalakshmi visheshank  November 2012

fyuchar samachar patrika ke shri mahalakshmi visheshank men mahalakshmi ke udgam ki pauranikta, hindu dharm shastron men mahalakshmi ke svarup ka varnan, vishva ke anya dharm granthon men mahalakshmi ke samakaksh, devi-devtaon ke nam tatha unse judi dant kathaen, lakshmi pujan vidhi evan shubh muhurt, dipavli pujan paik, devi kamla sadhna, tantrokt lakshmi kavach, lakshmiji ke sath ganpti pujan kyan, lakshmipujan ke vishesh upay, dipavli par kiye jane vale vishesh upay v mantra, lakshmi prapti ke 51 achuk upay, dipavli par kiye jane vale anuthe prayogdipavli par kiye jane vale dipavli par kiye jane vale adbhut totke, mahalakshmi ke pramukh puja sthal tatha unki mahta aur manyata ke atirikt janmakalik sanskar, ahoiashtami vrat, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.