अहोई अष्टमी व्रत

ahoi ashtami vrat  

Ank ke aur Lekh | Sambandhit Lekh | Views : 3713 |  
ahoi ashtami vrat pan. brajkishor sharma brajvasi ahoi ashtami vrat kartik krishn paksh ashtami ko karne ka vidhan hai. kintu lokriti ke anusar dipavli pujan ke din jo var ho uske thik ath din pahle usi var ko bhi karne ka ullekh prapt hota hai. parantu sarvamanyata to ashtami ko hi ahoi ashtami ka vrat purn karne ka hai. dirghayu prapti tatha mrit putron ke punarjivan hetu is vrat ko matayen nirjala rakhti hain. is vrat ke prabhav se santan ke jivan men sukh-samriddhi barhti hai. ahoi ashtami ko ahoi saptami nam se bhi khyati prapt hai. pratahkal snanadi kriyaon se nivriÿa hokar yah sankalp karen ki aj main sanpurn din nirahar rahte hue sayankal ko ahoi mata ka vidhi-vidhan se pujan karungi, mateshvari is vrat ki saflta ka mujhe mangalamay ashirvad pradan karen, jisse ki vrat ko sahjta se purn kiya ja sake. sayankal ko tare niklne ke bad dival ko chuna adi se potakar sundar tarike se chitra navchitra rangon, geru v haldi adi se ahoi mata ka chitra banakar pujan ki sanpurn samagriyan taiyar kar len, svarnakar se ek chandi ki ahoi mata ki murti banvaen aur jis prakar har men pendent laga hota hai uski jagah ahoi ko sthan den tatha usi dore men chandi ke dane dalva den, fir dival par v dore men sthit ahoi ki vibhinn samagriyon pakvan v dudh, bhat-sira adi se ganeshadi devtaon ke sath shodshopchar pujan karen. jal ke lota par svastik banakar ek patra men sira (halva) ya vayna tatha rupya nikalakar tatha hath men sat dane gehun ke lekar kahani sunen, fir ahoi ko gale men dharan kar len. jo vayna nikala tha use sasu man ke pair lagakar sasu man ko arpan kar den, is din radha-kund snan bhi karen. dipavli ke bad kisi achche (shubh) din men ahoi gale men se utarakar jitne bete hon utni bar aur jitne beton ka vivah sanskar hua ho utni bar do chandi ke dane us ahoi ki mala men piroti jayen. jab ahoi utaren to jal se chinte dekar gur ka bhog avashya lagayane. is din bhagvan chandra dev ko aghrya avashya hi den tatha brahmanon ko petha dan to avashya hi karen aur iske alava shraddhanusar jo bhi ban pade dakshina sahit dekar unka ashirvad prapt karen. itna karne ke bad parivarik sadasyon ke sath svayan bhi ahoi man ka prasad grahan karen. yah vrat chote-chote bachchon ke kalyan ke lie kiya jata hai atah ahoi mata ki pratima ke sath hi bachchon ka chitra banakar unki bhi vidhi-vidhan se shodshopchar pujan avashya karen.
Kya aapko lekh pasand aaya? Subscribe

Kya aapko lekh pasand aaya? Subscribe


shri mahalakshmi visheshank  November 2012

fyuchar samachar patrika ke shri mahalakshmi visheshank men mahalakshmi ke udgam ki pauranikta, hindu dharm shastron men mahalakshmi ke svarup ka varnan, vishva ke anya dharm granthon men mahalakshmi ke samakaksh, devi-devtaon ke nam tatha unse judi dant kathaen, lakshmi pujan vidhi evan shubh muhurt, dipavli pujan paik, devi kamla sadhna, tantrokt lakshmi kavach, lakshmiji ke sath ganpti pujan kyan, lakshmipujan ke vishesh upay, dipavli par kiye jane vale vishesh upay v mantra, lakshmi prapti ke 51 achuk upay, dipavli par kiye jane vale anuthe prayogdipavli par kiye jane vale dipavli par kiye jane vale adbhut totke, mahalakshmi ke pramukh puja sthal tatha unki mahta aur manyata ke atirikt janmakalik sanskar, ahoiashtami vrat, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.