वैदिक ज्ञान एवं शिक्षा

vaidik gyan evan shiksha  

Views : 581 | July 2004

anima mahima chaiv garima laghima tatha. praptiah prakamyamishitvan vashitvan chashtasiddhayah..
arthat
anima, mahima, garima, laghima, prapti, prakamya, ishitva evan vashitva, ye ath siddhiyan hain. anima - chota akar dharan karna, mahima - bara akar dharan karna, garima - bharipan prapt karna, laghima - ekadam halka ho jana, prapti - asanbhav shakti prapt karna, jaise akash men tairna, pani men chalna adi, prakamya- apni ichcha se akriti, rup, vastu adi ka parivartan karne men samarth hona, ishitva - sanpurn padarthon par shasan hona evan vashitva - kisi ko bhi ichchanusar niyantrit karne ki kshamata prapt kar lena adi siddhiyon ke prapt kar lene ki charcha vedon men anek sthanon par milti hai.

iske atirikt pakshi adi ki boli samjhna, kisi ke man ki bat jan lena, karn pishachini siddh hona adi anek siddhiyan shastron men milti hain. maharshi patanjli ke likhe yog sutra namak granth men is prakar ki chamatkarik siddhiyon ke bare men paryapt samagri upalabdh hai. tantra shastron men vibhinn devtaon ki vibhinn prakar ki sadhnaon ke dvara prapt ki ja sakne vali siddhiyan ullikhit hain. shri hanuman asht siddhiyon ke data hain, jaisa ki hanuman chalisa ke shlok asht siddhi nav nidhi ke data se pata chalta hai. atah koi bhi siddhi prapt karne ke lie hanuman ji ki aradhna avashyak hai.

aj ke yug men siddh purush ke darshan durlabh hain. unko apna guru bana lena to namumkin hi hai. yadi siddh purush hain bhi, to ve apne ko itna chupa lete hain ki sadharan manushya unke bare men kuch nahin jan pata. atah is gurh vidya ko prapt karna mushkil hi nahin, asanbhav hai. lekin iska arth yah kadapi nahin ki is vidya ka vilay ho chuka hai. bharat men abhi bhi anek siddh purush honge, jo in asht siddhiyon ke gyata hain.


kariyar se juri kisi bhi samasya ka jyotishiya upay paen hamare kariyar eksapart jyotishi se.


bharat vaidik yug men vigyan ke shikhar par tha. iske anek praman milte hain. udaharan ke lie viman is yug men bisvin shatabdi ki den hai, jabki shri ram lanka ko jitne ke bad vahan se ayodhya viman dvara hi aye the. shri tulsi das 16vin shatabdi men spasht likh gaye ki pushpak viman ke chalne se bahut kolahal hua; shri ram sita ji ko upar se marg men ane vale sthanon ka varnan karte gaye.

isi prakar shri ram ne ek tir ko, jo unhonne samudra ko sokhne ke lie nikal liya tha, afiraka ki or fenka, jisse sare jiv-jantu jal gaye evan vahan marusthal ka nirman hua. shayad yah anu bam hi raha hoga. sanjay ne kurukshetra yuddh ki sari jankari dhritrashtra ko mahal men di. avashya hi yah telivijan ka koi rup raha hoga. mohnjodro evan harappa ki khudai se bhi yahi pata chalta hai ki vaidik kal men bharat avashya hi vishva shakti raha hoga. us samay jyotish bahut viksit tha.

lekin jaise vishva yuddh ke bad ek sabhyata hi lupt ho jati hai, usi prakar shayad mahabharat ke bad sabhi vaigyanik, ya jyotish gyan prayah lupt ho gaye. yahi karan hai ki aj jyotish utna satik nahin rah gaya, jitna ki is par vishvas karne ke lie hona chahie. hal hi men amerika men ek khoj hui hai ki sheyar bajar ke mulyon ka upr-niche hona ek sanyog nahin hai, varan ganit ki ikai dvara pahle se iske bare men jana ja sakta hai. is khoj se yah siddh hota hai ki utar-charhav kisi se sanchalit hota hai aur keval sanyog nahin hota hai. prashn keval yah hai ki bharat men hajaron varsh purva khoyi vidya ko aj ham kaise dhanudhane? iske lie yah avashyak hai ki is vishay par shodh ho. bharat sarkar ne is bat ko svikar kiya hai ki is vidya ko dobara dhundh nikalna hoga. yah tab hi sanbhav hai, jab adhik se adhik vyakti is vidya ko sikhen.

shayad 50 ya 100 varsh purva ham yah anuman bhi nahin laga sakte the ki kabhi kanpyutar itne shaktishali ho jaenge ki chote-chote kam ke lie bhi manushya ise kam men laega; ya manushya kabhi prithvi se chal kar dusre grahon par bhi chala jaega, ya ek bam se vishva ko tahasanahas kiya ja sakta hai, jabki vedon men is prakar ki charchaen milti hain. isi prakar se yah bhi avashyak nahin hai ki manushya vedon men likhe gaye is dave ko ki kis prakar bhavishya bata diya jata tha, thik man le. jab ved ke anya kathan satya ho sakte hain, to satik bhavishya bata dene ka kathan bhi avashya hi satya hoga. aj jyotish ke prati bhavna shreshth nahin hai. yah bat kuch had tak islie sahi hai ki samaj men jitne vidvan jyotishi upalabdh hain, usse kahin adhik unki mang hai. jab vidvan nahin milte, to agyani bhi iska fayda utha lete hain. bat vaisi hi hai, jaise ganv men chikitsak upalabdh nahin hote, to anari bhi daektar ban jate hain. yah jyotish hajaro varshon se chala a raha hai. koi bhi asatya hajaron varsh, bina kisi kasauti ke, chal nahin sakta. vaidik gyan bharat ki ek shan rahi hai. aisa n ho ki videshi yahan ka gyan le ja kar, us par apni muhar laga kar, hamen vapis den aur tab ham jagen. is gyan ko hamen hi sahi prakar se janopyogi banana hai.

inhin uddeshyon ko le kar akhil bhartiya jyotish sanstha sangh ka gathan hua hai evan bharat ke 40 se bhi adhik shahron men jyotish, samudrik shastra evan vastu shastra parhane ka karyakram shuru kiya gaya hai. hamen vishvas hai ki yah prayas avashya hi ek nayi jagriti paida karega evan bharat ke kone-kone men vaidik shiksha ka adhyayan karaya jaega. gunvan avashya hi, shodh dvara, is lupt vidya ko dobara se janopyogi banaenge.


kya apki kundli men hain prem ke yog ? yadi ap janna chahte hain desh ke jane-mane jyotishacharyon se, to turant link par klik karen.


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

September 2020 Special  सितम्बर 2020

फ्यूचर समाचार के इस विशेषांक में - श्राद्ध, गोल्ड में उतार-चढ़ाव, बहु विवाह के ज्योतिषीय योग, रुद्राक्ष भगवान शिव का आशीर्वाद आदि सम्मिलित हैं ।

Subscribe


.