भारतीय ज्योतिष के उपग्रह: मान्दि या गुलिक

bhartiya jyotish ke upagrah: mandi ya gulik  

Ank ke aur Lekh | Sambandhit Lekh | Views : 3825 |  
bhartiya jyotish ke adhar stanbh rashi, grah aur bhav hain. ek daivagya ka inse purn parichay ho jane par kis kundli men kaun sa grah kab kaisa prabhav utpann karega, iska vah adhyayan kar sakta hai. kintu jis prakar khagol shastra men kuch grahon ke katipay upagrah khoje gaye hain, usi prakar bhartiya jyotish men bhi nav grahon men se pratyek ke ek-ek upagrah ki satta svikar ki gayi hai. khagol shastra ke upagrah jahan apna-apna svatantra aur vastavik astitva rakhte hain aur nangi akhon (jaise chandrama) athva durbin ki madad se dekhe ja sakte hain, vahan bhartiya jyotish ke upagrah, akashiya pind n ho kar, kuch ganit siddh bindu (jaise rahu evan ketu) hain, kintu unka manav jivan par spasht prabhav mana gaya hai. daivagya vaidyanath dikshit apne granth ‘jatak parijat’ men vibhinn upagrahon ka parichay dete hue likhte hain: kramshah kal paridhi ghumarddh prahra hvayaah. yamkantak kodand mandi patopketvah.. arthat suryadi nav grahon ke kramshah kal, paridhi, dhum, ardhayam, yamghant, kodand, mandi, pat tatha upket- ye nau upagrah hain. brihat parashar hora shastran men in upagrahon ko ‘aprakash grah’ kaha gaya hai. acharya mantreshvar ne ‘faldipika’ ke pachchisven adhyay ke pratham shlok men, uparyukt nav upagrahon ko pranam karte hue, mandi, athva gulik ke vibhinn bhavon men sthit fal ki charcha ki hai. unhone likha hai: ‘‘gulikasya tu sanyoge doshansarvatra nirdishet’’, arthat gulik ke sanyog se sarvatra dosh hi hote hain, keval chathe aur gyarhven bhav ko chor kar. gulik spasht karna: kisi bhi sthan ke dinman men 8 ka bhag dekh kar pratyek bhag men ek-ek upagrah ki sthiti mani gayi hai. athven khand ko nirish mana gaya hai. jis khand ka adhipti shani hota hai, usi men mandi ki sthiti mani gayi hai. pratyek din ke in bhagon ke adhiptiyon ki ganna us din ke varesh se ki jati hai, arthat yadi ravivar ka janm hai, to is din pahle athven bhag ka svami surya hoga, fir chandra, mangal, budh adi. spasht hai ki ravivar ke satven khand ka adhipti shani hoga aur athvan khand nirish hoga. yadi ratri ke samay janm ho, to prakriya men kuch bhed hain. ratri men janm hone par dinman ki tarah ratriman ke bhi 8 bhag karen. ratri ke pratham khand ke adhipti ka nirdharan us var ke varadhipti se pancham grah se karen; arthat yadi ravivar ko suryast ke pashchat kisi ka janm hua hai, to ratriman ke pahle athven bhag ka svami surya se pancham, yani brihaspati grah hoga aur tadnusar is ratri ke tritiya khand ka svami shani hoga aur yahin par mandi, athva gulik ki sthiti mani jaegi. ise nimn chakra se bari asani se samjha ja sakta hai: gulik gyapan chakra var ravi som bhaum budh guru shukra shani diva mandi khand 7 6 5 4 3 2 1 ratri mandi khand 3 2 1 7 6 5 4 jis din ka mandi, ya gulik spasht karna ho, to yadi din ka janm hai, to dinman men aur yadi ratri ka janm hai, to ratriman men ath ka bhag den. jo labdh ave, usmen uparyukt chakra men likhit us din ke ank se guna kar dene par gulik ka isht kal gyat ho jata hai. is isht kal se lagn sadhan ki prakriya ke anusar jo lagn niklega vah gulik khand ke antim bindu ka lagn spasht hoga. is sandarbh men ‘vrihat parashar hora shastram’ ka nimn shlok vishesh rup se drishtavya hai: ‘‘gulikarambh kale yat sfutan yajjanm kalikam. gulikan prochyate tastam jatakasya fal vadet.. arthat gulik lagn ka nirnay gulik kal ke praranbh bindu ko gulik ka isht kal man kar gulik isht ki ganna karni chahie. udahrn- janm tithi 19 navanbar 1917, samay 11ah11 ratri, sthan-ilahabad, sthaniya suryoday 06ah22, sthaniya suryast 5ah04, dinman 10 ghan. 42 mi. din somvar. kyonki janm somvar ki ratri ka hai, atah ratriman 13 ghan. 18 mi. ke ath bhag kiye pratyek khand 1 ghan. 41 minat ka hoga. kyonki ratri men janm hone par pratham khand ka svami us varadhipti se panchva grah hota hai, atah somvar ki ratri ke pratham khand ka svami chandrama se pancham grah, yani shukra hoga. spasht hai shani yahan dvitiya khand ka svami hoga. atah suryast ke samay men yadi ratriman ki athven bhag ko jor diya jae, to ratri ke pratham khand ki samapti evan dvitiya khand ka praranbhik bindu prapt ho jaenge. iska lagn spasht karne par gulik lagn prapt ho jaenge. prastut udaharan men gulik ka isht kal suryast $ ratriman ka 1/8, arthat 16 ghan. 16 ghan. 59 mi. $ 1 ghan. 41 mi. = 18 ghan. 40 mi., arthat 6ah40 ratri hoga. dhyan den, yah sthaniya samay hoga. yah ratri ke dvitiya khand ka praranbhik bindu hoga. isapar gulik spasht 01ah28ah29ah48 hoga; arthat gulik ki sthiti vrish rashi men mani jaegi, jo is kundli ka ekadash bhav hoga. is prakar jo kundli banegi vah kuch is prakar hai: is kundli men gulik spasht kyonki 01ah28ah29ah48 hai, atah gulik thi. kundli ki vrish rashi ekadash bhav men darshayi jaegi. yah bharat ki bhutpurva pradhanmantri indira gandhi ki janmakundli hai. lagn shuddhi men gulik lagn ka upyog: jyotish shastra men gulik lagn dvara janm lagn ki shuddhata ki janch karna bataya gaya hai. is siddhant ke anusar yadi gulik lagn se janm lagn rashi visham sthan men ho, to purva sadhit lagn ko shuddh manna chahie, anyatha uski shuddhi ka upay karna chahie. shrimti indira gandhi ki kundli men janm lagn gulik lagn se tritiya rashi men hai. atah uparyukt kundli shuddh manni chahie. fal kathn: gulik, athva mandi ke fal ke sandarbh men faldipikakar ne likha hai: ‘‘gulikasya tu sanyoge doshannasarvatra nirdishet, gulik ke sanyog se prayah ashubh fal hi milte hain. shastron men bhavanusar mandi, athva gulik ki sthiti ke nimn fal kahe gaye hain: û yadi gulik lagn men ho, to jatak krish, chor, krur, vinyrhit, krodhi, murkh aur bhiru prakriti ka hota hai. aisa jatak shastra virodhi, vishay vasna men lipt tatha lanpat svabhav ka hota hai. û janmakundli men mandi yadi dvitiya sthan men ho, to jatak katubhashi tatha vyarth ka vad-vivad karne vala hota hai. jatak ke pas dhan-dhanya ki kami rahti hai tatha vah prayah ghar se dur rahta hai. û yadi gulik tisre ghar men ho, to jatak ghamandi, krodhi aur lobhi hota hai. aise vyakti ko bhai-bahan ka sukh bahut kam milta hai. aisa vyakti prayah akele rahna pasand karta hai tatha atyant mad priya (ghamandi, athva vyasni, athva donon) hota hai. û jiski janmakundli men mandi chaturth bhav men sthit ho, vah vyakti prayah bandhu evan dhanhin hota hai. aise vyakti ko vahan sukh bhi bari kathinai se hi mil pata hai. û yadi gulik panchven ghar men ho, to jatak drirh buddhi hota hai. uske nirnay kshana-kshan badlte hain tatha vah kisi ek bat par drirh nahin rah pata. aise vyakti ki naitik mulyon par bhi astha nahin hoti tatha vah alp santan vala hota hai. 6. jiske chathe ghar men gulik ho, vah bahut shurvir hota hai tatha uske shatru usse prayah parajit hi rahte hain. aisa vyakti bhut vidya ka shaukin hota hai. jo vyakti dakini, shakini, yakshini, bhut-pret adi ki aradhna kar unse kam nikalte hain, unhen bhut vidya ka premi kaha jata hai. û yadi gulik satven ghar men ho, to jatak kalah priya tatha samaj se dvesh karne vala hota hai. aisa jatak anek striyon se sanbandh sthapit karta hai. vah kami aur kritadhn donon hi hota hai. û yadi gulik ashtam bhav men ho, to jatak ka sharir chota hota hai. chehre tatha netron men koi asvabhavikta hoti hai. tatparya yah hai ki aise jatak ke sharir meen koi dosh, athva viklangta avashya hoti hai. û yadi kisi kundli ke navam bhav men gulik sthit ho, to jatak apne guru tatha putra se hin hota hai. yahan guru ka tatparya pita se bhi hai. û yadi dasham ghar men gulik ho, to jatak ashubh karm karne vala hota hai. uske hath evan sharir se dan, dharm, yagyadi jaise shubh karya nahin hote. û ekadash bhav ka gulik jatak ko sukhi, dhani, ati tejasvi tatha kantivan banata hai. use putra sukh bhi prapt hota hai. û yadi mandi dvadash bhav men ho, to jatak vyarth bhraman karne vala, apavyayi tatha vyasni hota hai. aisa jatak vishay sukh se rahit tatha din aur nirdhan hota hai. isi prakar samanya niyam yah hai ki gulik jis kisi grah ke sath baithta hai, vah prayah us grah ke karakatva ko dushit karta hai. islie shastron men kaha gaya hai: û yadi gulik surya ke sath ho, to jatak ke pita ke lie arishtakari. û yadi chandrama ke sath ho, to jatak ki mata ko kasht. û yadi mangal ke sath ho, to bhaiyon se virodh, athva viyog . û yadi budh ke sath ho, to jatak ko unmad, histiriya, pagalapan jaise manorog. û yadi brihaspati ke sath ho, to jatak dharmik kam, pakhandi adhik. û yadi shukra ke sath ho, to jatak nich striyon men rat, kami, nirlajj. û yadi shani ke sath ho, to kushth jaisi vyadhiyon se pirit. û yadi rahu ke sath ho, to vish rogi tatha û yadi ketu ke sath ho, to jatak agni se pirit hota hai. û jis din balak ka janm hua hai, us din gulik yadi tyajya kal men pare, to jatak, rajputra hi kyon n ho, bhikh mangta hai. tatparya yah hai ki gulik ke tyajya kal men parne ka fal bara garhit hai. nakshatron ke tyajya kal is prakar hain: nakshatra tyajya kal nakshatra tyajya kal 1. ashvini 50 se 54 ghati 2. bharni 24 se 28 ghati 3. kritika 30 se 34 ghati 4. rohini 40 se 44 ghati 5. mrigshira 14 se 18 ghati 4. adrra 21 se 25 ghati 7. punarvasu 31 se 34 ghati 8. pushya 20 se 44 ghati 9. ashlesha 32 se 36 ghati 10. magha 30 se 34 ghati 11. pu.fa. 20 se 24 ghati 12. u.fa. 18 se 22 ghati 13. hasta 21 se 25 ghati 14. chitra 20 se 24 ghati 15. svati 14 se 18 ghati 16. vishakha 14 se 18 ghati 17. anuradha 10 se 14 ghati 18. jyeshtha 14 se 18 ghati 19. mul 56 se 60 ghati 20. pu.sha. 24 se 28 ghati 21. u.sh. 20 se 24 ghati 22. shravn 10 se 14 ghati 23. dhanishtha 10 se 14 ghati 24. shatabhisha 18 se 22 ghati 25. pu.bha. 16 se 20 ghati 26. u.bha. 24 se 28 ghati 27. revti 30 se 34 ghati uparyukt ke alava û vyatipat evan vaighriti yog û bhadra tatha vishtikrn û kshay aur vriddhi tithiyan û kulik, ardhayam, pat yog, vishkunbh tatha vajra yog û paridh yog ka purvardha û gand ki chah tatha û vyaghat yog ki 9 ghatiyan bhi tyajya hain. gulik aur ayurday: jatak ki ayu ganna ke lie surya, chandra, gulik evan lagn se pran, deh tatha mrityu sfut nikalane aur fir pran tatha deh sfut ka yog karen. yah yog yadi mrityu sfut se adhik ho, to jatak ko dirghayu janna chahie. yadi mrityu sfut deh evan pran sfut ke yog se adhik ho, to jatak ki akal evan anayas mrityu janni chahie. sva. indira gandhi ki kundli men mrityu deh aur pran sfut ke yog se adhik tha, islie unki apratyashit mrityu hui thi. pran, deh evan mrityu sfut nimn prakar nikalen: û pran sfut = lagn spashtansh × 5 $ gulik spashta û deh sfut = chandra spashtansh × 8 $ gulik spashta û mrityu sfut = gulik spasht × 7 $ surya spashtansh upchar: arisht ki nivritti evan isht ki prapti ke lie bhartiya jyotish men anek prakar ke upay evan upchar bataye gaye hain. gulik ke upchar ke lie maharshi parashar likhte hain: ‘dip shivalye bhaktya goghriten pradapyet’ arthat bhagvan shiv ke mandir men sany go ghrit ka dipak jalaen. anya upayon men surya tatha vishnopasna bhi gulik pradatt doshon ko shant karti hai. praman gulik: gulik spasht ke thik 6 rashi age sthit rashi men gulik spasht ke saman ansh kala-vikla men bhi gulik jaise hi dushprabhavon ki sthiti mani gayi hai. ise bhartiya jyotish men praman gulik kaha gaya hai. gulik tatha praman gulik donon ke hi rashyadhish evan navanshpti apni-apni mahadshaon tatha antardashaon men ashubh evan marak fal dene vale mane gaye hain. gulik pradatt rajyog: gulik ka rashyadhish, athva navanshpti, athva donon, yadi janmakundli ke kanedra, athva trikon men hane, svarashi, athva uchcharashi ke hon, to, gulik pradatt dosh samapt ho kar, rajyog falit hota hai. shrimti indira gandhi ki kundli men gulik ka navanshpti sudh pancham trikon hai tatha rashyadhish svanvansh men hai. atah rajyog falit hua hai. fir bhi marakatva dosh ki nivritti nahin hogi.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.