श्री बगलामुखी का परिचय

shri baglamukhi ka parichy  

Views : 554 | July 2004

un hrin baglamukhi sarvadushtanan vachan mukhan padan stanbhay jihvam kilay, buddhi vinashay hrin svaha

vyashtirup men shatruon ko nasht karne ki ichcha rakhne vali tatha samashtirup men parmatma ki sanhar shakti hi bagla hai. pitanbar vidya ke nam se vikhyat baglamukhi ki sadhna prayah shatru bhay se mukti aur vak siddhi ke lie ki jati hai. inki upasna men haridra mala, pit pushp evan pit vastra ka vidhan hai. mahavidyaon men inka athvan sthan hai.

kala tara mahavidya shodshi bhuvneshvari. bhairvi chinnamasta ch vidya ghumavti tatha.. bagla siddhavidya ch matangi kamlatmika. eta dash mahavidyaah siddhavidyaah prakirtitaah.

inke dhyan men bataya gaya hai ki ye sudha samudra ke madhya men sthit manimay mandap men ratnamay sinhasan par viraj rahi hain. ye pit varn ke vastra, pit abhushan tatha pile pushpon ki hi mala dharan karti hain. inke ek hath men shatru ki jina aur dusre hath men mugadar hai.

svatantra tantra ke anusar bhagvti baglamukhi ke pradurbhav ki katha is prakar hai

satya yug men sanpurn jagat ko nasht karne vala bhayankar tufan aya. praniyon ke jivan par aye sankat ko dekh kar bhagvan mahavishnu chintit ho gaye. vah saurashtra desh men haridra sarovar ke samip ja kar bhagvti ko prasann karne ke lie tap karne lage. shri vidya ne us sarovar se baglamukhi rup men prakat ho kar unhen darshan diya tatha vidhvanskari tufan ka turant stanbhan kar diya. baglamukhi mahavidya bhagvan vishnu ke tej se yukt hone ke karan vaishnavi hai. manglvaryukt chaturdashi ki ardh ratri men inka pradurbhav hua tha. is vidya ka upyog daivi prakop ki shanti, dhan-dhanya ke lie paushtik karm evan abhicharik karm ke lie bhi hota hai. yah bhed keval pradhanta ke abhipray se hai; anyatha inki upasna bhog aur moksh donon ki siddhi ke lie ki jati hai.


apni kundli men rajyogon ki jankari paen brihat kundli riport men


yajurved ki kathak sanhita ke anusar dason dishaon ko prakashit karne vali, sundar svarupdharini vishnu patni trilok jagat ki imri manota kahi jati hai. stanbhnkarini shakti vyakt aur avyakt sabhi padarthon ki sthiti ka adhar prithvirupa shakti hai. bagla usi stanbhanashakti ki adhishthatri devi hai. shaktirupa bagla ki stanbhan shakti se dyulok vrishti pradan karta hai. usi se aditya mandal thahra hua hai aur usi se svarg lok bhi stanbhit hai. bhagvan shri krishn ne bhi gita men ‘vishtabhyahmidan kritsramekanshen sthito jagat’ kah kar usi shakti ka samarthan kiya hai. tantra men vahi stanbhan shakti baglamukhi ke nam se jani jati hai.

shri baglamukhi ko ‘brahmastra’ ke nam se bhi jana jata hai. aihik, ya parlaukik desh, athva samaj men duahkhad arishton ke daman aur shatruon ke shaman men baglamukhi ke saman koi mantra nahin hai. chirkal se sadhak inhin mahadevi ka ashray lete a rahe hain. inke badvamukhi, jatvedmukhi, ulkamukhi, jvalamukhi tatha brihadbhanumukhi panch mantra bhed hain. kundika tantra men baglamukhi ke jap ke vidhan par vishesh prakash dala gaya hai. mundmala tantra men to yahan tak kaha gaya hai ki inki siddhi ke lie nakshatradi vichar aur kalshodhan ki bhi avashyakta nahin hai.

introduction-to-the-sri-baglamuki

bagla mahavidya udhrvamnay ke anusar hi upasya hai. is amnay men shakti keval pujya mani jati hai, bhogya nahin. shrikul ki sabhi mahavidyaon ki upasna, guru ke sannidhya men rah kar satarkatapurvak, saflta ki prapti hone tak, karte rahna chahie. ismen brahmacharya ka palan aur bahr-bhitar ki pavitrata anivarya hai.

sarvapratham brahma ji ne bagla mahavidya ki upasna ki thi. brahma ji ne is vidya ka updesh sankadik muniyon ko diya. sanatkumar ne devarshi narad ko aur narad ne sankhyayan namak parmhans ko iska updesh diya. sankhyayan ne 36 patlon men upnibaddh bagla tantra ki rachna ki. baglamukhi ke dusre upasak bhagvan vishnu aur tisre upasak parshuram hue tatha parshuram ne yah vidya acharya dron ko batayi..


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

  अकतूबर 2020

फ्यूचर समाचार के इस अंक में अधिक मास- आश्विन, भाव चलित पार्ट और उसका अध्ययन, लग्न चार्ट द्वारा भूत, भविष्य, वर्तमान ज्ञात करना, आजीविका में उतार-चढ़ाव आदि लेख सम्मिलित हैं।

Subscribe


.