विवाह सुख बाधा

vivah sukh badha  

Ank ke aur Lekh | Sambandhit Lekh | Views : 1900 |  
hamare dharma-shastron men anek prakar ke vivahon ka ullekh milta hai. unmen se kuch samaj dvara prashansniya v svikarya hone ke karan shreshth vivah mane jate hain jabki kuch anya anaitik, tiraskrit hone ke karan samaj men svikarya nahin hai. brahm vivah: ismen kanya ka pita kanyadan dvara apni putri ka vivah uchit evan yogya var ke sath karta hai. yah samaj men aj bhi purnataya manya vivah paddhati hai aur shreshtha bhi hai. arsh vivah: kanya ke pita ko mulya dekar (mukhyatah gay dekr) kanya se vivah karna arsh vivah kahlata hai. yadi kanya ke pita ko yah dan svikar n ho to rishta nahin hota. dev vivah: kisi dharmik anushthan ke mulya athva pratifal ke rup men anushthan sanpann karanevale purohit ko kanya ka pita dan svarup pradan karta hai. yah ek svikarya v adarsha vivah tha parantu aj ke parivesh men lupt ho chuka hai. prajapatya vivah: iske antargat kanya ka pita putri ki sahmti ke bina uska vivah abhijatya/pratishthit kul ke var se kar deta tha. gandharva vivah: var-kanya ke parivar janon ki sahmti ke bina hi var-kanya dvara bina kisi riti-rivaj ke apsi sahmti se vivah kar lena ya ishvar ko sakshi mankr kanya ki mang bhar dena, gandharva vivah kahlata hai. ajakal isi ka svarup prem-vivah ke rup men hamare samaj men parilakshit hota hai. asur vivah: var dvara kanya ko kharidakar usse vivah karna iska svarup hai. rakshas vivah: kanya ki sahmti ke bina uska apaharan karke ya raja dvara stri ko yuddh men prapt hui vastu ke rup men prapt karke patni banana rakshas vivah kahlata hai. paishach vivah: yah sabse tiraskrit v sarvadhik nindniya mana jata hai. ismen kanya ki murcha, madhoshi, mansik durbalata adi ka labh uthakar usse sharirik sanbandh sthapit kar lena tatha antim vikalp ke rup men usse vivah kar lena paishach vivah kahlata hai. aj ke adhunik jivan men yah nikrishta mana jane vala vivah fal-ful raha hai. uprokt men se brahm, daiv, arsh v prajapatya ko shreshth mana jata tha. jabki anya ko anaitik. ab prashn yah uthta hai ki vivah hona athva n hona athva vilanb se hona ya anek bar hona ya hokr samasyaprad rahne ka vichar kaise kiya jay is hetu jyotishshastra men anekon aise sutra v yog diye gaye hain jinke adhar par vivah ka purn rupen gyan yathochit rup men gyat kiya ja sakta hai. iske bhitar jane se purva yah jan lena avashyak hai ki ajakal ke pariprekshya men apne gyan ko desh-kal-patra ki avdharna ke sath hi in sutron par lagayen to avashyak rup se sahi jankari prapt ki ja sakti hai. udahrn ke liye aj se lagabhag 100-200 varsh pahle jabki rajaon ka shasan hota tha tab unke anek vivah hote the. parantu ajakal kuch ek sandarbhon ko chorakar prayah aisa drishtigochar nahin hota. iska tatparya yah nahin ki kundliyon men aise yog banne band ho gaye hain apitu vartaman pariprekshya men kanun dvara rokne ke karan kuch prani un yogon men matra sharirik sanbandh banakar in yogon ko purn kar dete hain parantu vivah nahin karte. ashy yah hai ki ise samjhne hetu hamen vartaman samaj ki avdharna aur prachlit vyavasthaon ko dhyan men rakhna hoga. kisi bhi janmakundli men vivah hetu mukhya vicharniya bindu nimnalikhit hain: saptam bhav tatha saptamesh, vivah ka naisargik karak grah shukra, kundli men saptama bhav v saptamesh ki uttam sthiti vivah ki sanbhavna ko prakt karti hai. shukra grah ki dasha vivah karak dasha mani jati hai. yadi guru grah ka prabhav aye to atyant hi shubh mana jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2016

Apne vichar vyakt karein

blog comments powered by Disqus
.