कुंडली में धन योग

kundli men dhan yog  

Ank ke aur Lekh | Sambandhit Lekh | Views : 9681 |  
kundli men dhan yog sita ram sinh su khamay jivan ke lie dhan param avashyak hai. atah har ek vyakti dhan-sanpann hone ka prayatn karta hai. parantu yah bhi satya hai ki bhagya se adhik aur samay se pahle vyakti ko jivan men kuch bhi prapt nahin hota. prarabdh (bhagya) ke anurup dhan prapti tatha anukul samay ke bare men jyotish shastra, jatak ki janmakundli men sthit grah yog ke adhar par, uchit margadarshan karta hai. kundli ka pratham bhav lagn muladhar hota hai. lagn aur lagnesh ki sthiti jatak ke jivan star ko darshati hai. dusra bhav dhan sthan kahlata hai. usse paitrik dhan, bachat, baink bailens adi ka vichar kiya jata hai. ekadash bhav labh sthan kahlata hai. isse sab prakar ke labh tatha uske svarup adi ka vichar kiya jata hai. kendra sthanon ko ‘vishn au’ (sukh) sthan, aur trikon bhavon ko ‘lakshmi’ (dhan) sthan mana gaya hai. lagn bhav ke kendra tatha trikon donon hone se balvan lagnesh ki dasha jatak ko uchch stariya dhan-sanpannata pradan karti hai. pancham tatha navam bhav dhankarak hone se unke svami aur unse sanbandh rakhne vale grah bhi apni dasha antardasha men jatak ko dhan pradan karte hain. multah balvan lagnesh, dhanesh aur labhesh ka apsi sanbandh jatak ka e bahut dhani banata hai. yadi lagnashe a dhan bhav men, dhanesh labh bhav men tatha labhesh lagn bhav men ho to jatak bahut dhanvan hota hai. brihat parashar hora shastra ke anusar yadi dhanesh tatha labhesh donon ek sath kendra ya trikon sthan men yukt hon, to jatak bahut dhanvan hota hai. keval dhanesh ya labhesh ki trikon ya kendra men sthiti jatak ko dhanvan banati hai. parantu yadi dvitiyesh nchturth bhav men brihaspati se yukt ho, ya dhanesh sukh bhav men uchch rashi ka ho to jatak raja tulya aishvaryavan hota hai. yadi lagnesh dhan bhav men, dhanesh lagn se kendra sthan men, tatha brihaspati labh sthan men ho to jatak bahut dhanvan hota hai. uttarakalamrit granth ke anusar jab dvitiya, pancham, navam tatha ekadash bhavon ke svami balvan hon aur unmen se kinhin do ka paraspar yuti, drishti ya sthan parivartan sanbandh ho to jatak bahut dhanvan hota hai. upar varnit grahon ka paraspar sanbandh jatak ko dhanvan banata hai. parantu inke sath chathe, athven athva barhven (trik) bhav ke svamiyon ka bhi sanbandh ho to ‘hani’ tatha ‘rin’ yog ka nirman hota hai. is sthiti men bhav 2, 5, 9 v 11 ke svamiyon ki dasha antardasha men dhan hani ki sanbhavna rahti hai. vibhinn dhan yog yadi lagnesh ka dvitiya, chaturth tatha pancham bhav ke svamiyon ke sath sanbandh ho to jatak dhani hota hai. yadi dvitiyesh ke sath lagnesh, chaturthesh tatha panchmesh ka sanbandh ho to jatak dhani hota hai. yadi panchmesh ke sath chaturthesh ka sanbandh ho to jatak dhani hota hai. yadi navmesh ka dvitiya, lagn, chaturth, dasham aur ekadash sthanon ke svamiyon se yog sanbandh ho to jatak dhani hota hai. yadi dashmesh ka lagn, dvi tiya, chaturth aur pancham tatha ekadash sthan ke svamiyon se yog (sanbandh) ho to jatak dhani hota hai. yadi labhesh ka lagn, dvitiya, chaturth v pancham bhav ke svamiyon se sanbandh ho to jatak dhani hota hai. yadi lagnesh apne uchch, mul trikon, sva grih ya mitra rashi men shubh grah (brihaspati, shukra, budh) se yukt ya drisht ho to, jatak sukhi, dhani v yashashvi hota hai. vibhinn nirdhan yog yadi shashthesh ke sath lagn, dvitiya, tritiya, chaturth, pancham, saptam, ashtam, navam, dasham, ekadash tatha dva adash bhav ke svamiyon ka sanbandh ho to daridra yog banta hai. vyayesh ke sath lagn, dvitiya, chaturth, tritiya, pancham, saptam, ashtam, navam, dasham tatha ekadash bhav ke svamiyon ka sanbandh ho to dhan-hani yog ka nirman hota hai. uparyukt dhan aur daridrya yog nirman karne vale grah panch ansh ke antral men hone par vishesh prabhavi hote hain. 5 se 12 ansh ke antral tak unka prabhav kam hota hai aur 12 ansh se adhik antral ke uprant unka prabhav naganya ho jata hai. kuch vishisht dhan prapti yog vasumat yog: lagn athva chandrama se upachay (3, 6, 10, 11) bhav men keval shubh grah sthit hon to jatak atishay dhani hota hai. do shubh grahon ke in sthanon men hone par jatak madhyam dhani hota hai. keval ek hi shubh grah ukt sthan men hone par alp dhani hota hai. in sthanon men koi shubh grah nahin hone par jatak dhanhin hota hai. kundli men vasumat yog balvan ho to anya kuyog/ daridra yog nishprabhavi ho jate hain. lagn aur chandra rashi donon se upachay bhav men sab shubh grah sthit hon to prabal dhan yog banta hai. mahapurush yog: kendra sthan men shubh grah (brihaspati, shukra v budh) hon to jatak dhani hota hai. yadi ye shubh grah svarashi ya uchch rashi men hon to shubh ‘mahapurush’ yog ka nirman kar jatak ko raja saman aishvaryavan banate hain. brihaspati tatha budh ki dhanesh (dvitiyesh) se yuti jatak ke lie dhandayak hoti hai. jiske lagn ya chandrama se chathe, athven tatha satven sthan men shubh grah hon, vah dhanvan aur pratishthit hota hai. yadi lagnesh v chandra rashish ki yuti kendra men adhimitra ki rashi men ho aur un par bali shubh grah ki drishti ho to jatak sanpattivan tatha pratishthit hota hai. lagnesh aur dashmesh ka sthan parivartan jatak ko dhani v prasiddh banata hai. viprit rajyog: yadi (1) ashtamesh shashth ya dvadash bhav men ho, (2) shashthesh ashtamasth ya dvadashasth ho, athva (3) dvadshesh shashthasth ya ashtamasth ho to viprit rajyog ka nirman hota hai jiske falasvarup jatak ko sukh vaibhav ki prapti hoti hai tatha kashton se mukti milti hai. vishesh dhan hani yog yadi lagn men shubh grah ho aur barhven men pap grah hon to us vyakti ke pas dhan nahin thahrta. dvitiya bhav men sthit pap grah anya pap grahon se drisht ho to jatak daridra hota hai. kundli men 2 ya 3 grah nich hokar kisi bhi bhav men sthit hon to jatak un grahon ki dasha-bhukti men rini rahta hai. in nich grahon par brihaspati ya shukra ki drishti hone par dhan ata-jata rahta hai.  kendra bhavon men keval papi grah ke sthit hone par jatak bare parishram se dhan kamata hai parantu vah uske pas nahin tikta.  yadi kundli men kendra men koi grah nahin ho to jatak dvara kamaya dhan sthayi nahin rahta.  lagnesh, surya v chandra par jitna pap prabhav hoga usi anupat men manushya nirdhan, ashay v pirit rahega. sarvarth chintamni granth ke anusar yadi tritiya (bhai), chaturth (mata), pancham (putra), shashth (mama/ nanihal), saptam (patni, sasural) adi ke svami balvan hokar dhan bhav athva dhanesh se sanbandh banae to jatak ko kramshah bhai, mata putra, nanihal, patni adi se dhan prapt hota hai. iske viprit yadi tritiyesh ityadi grah nirbal hokar dhan bhav ke svami se sanbandh banaen aur papi grah dhan bhav ko prabhavit karte hon to jatak ko sanbaddh sanbandhi dvara dhan ki hani hoti hai. chaturthesh tatha saptamesh ka rashi parivartan yog ho tatha bhagyesh saptam sthan men ho to sasural se dhan prapt hota hai. shashthesh ki shubh grah se yuti ho tatha dhanesh aur bhagyesh ki shashth sthan men yuti ho to jatak ko nanihal se dhan prapt hota hai. sheyar, satta adi se labh dhanesh v ashtamesh ka sanbandh jatak ko latri se dhan dilata hai. ashtamesh v navmesh ka parivartan ho to latri se dhan milta hai. panchmesh aur ashtamesh ka parivartan yog bhi jatak ko sheyar, satte ya latri se dhan labh karata hai. gade dhan ki prapti chandra, budh, brihaspati athva shukra lagnesh hokar dhan (dvitiya) bhav men aur dhanesh ashtam bhav men ho to jatak ko bhumi men gara dhan milta hai. lagnesh ashtam bhav men ho aur chaturthesh evan ashtamesh men shubh sanbandh ho to us sthiti men bhi gare dhan ki prapti hoti hai. kala dhan: dvitiya bhav ke viprit ashtam bhav ka svami gupt dhan, ayu tatha bina mehanat ke dhan prapti ka karak hai. labh bhav ke viprit pancham bhav ka bhavesh achanak dhan ki prapti karta hai. iske sath balvan chandrama aur brihaspati ka sanyog hone se atul dhan ki prapti hoti hai. dhan yogon ka ashtam bhav, ashtamesh v rahu se sanbandh hone par jatak kala dhan ekatra karta hai. dhandayak dasha bhukti lagnesh ka ay ekadash bhav se sanbandh ho to lagnesh ki dasha dhandayak hoti hai. lagnesh ka dhan bhav se sanbandh ho to lagnesh tatha dhanesh ki dasha-antardasha men dhan ki prapti hoti hai. balvan ekadshesh ki dasha men jatak ko dhan labh hota hai. panchmesh aur ashtamesh men sanbandh ho to ashtamesh ki dasha-antardasha men dhan ki prapti hoti hai. ayu ke anusar dhan prapti brihat parashar hora shastra granth ke anusar:  yadi brihaspati navam bhav men aur navmesh kendra men ho to jatak ko 20ven varsh men vishesh dhan ki prapti hoti hai.  yadi dhanesh aur labhesh ka rashi vinimay ho to vivahoprant jatak ka bhagya chamkta hai aur use dhan ki prapti hoti hai. balvan panchmesh yadi navam bhav men sthit ho to santan ke janm ke bad jatak ke dhan ki vriddhi hoti hai. dhanesh tatha navmesh ke rashi vinimay se 32ven varsh men jatak ko dhan, vahan aur yash ki prapti hoti hai. lagnesh tatha labhesh ka rashi vinimay ho to jatak ko 33 ven varsh men dhan ki prapti hoti hai. budh uchch ka ho aur navmesh navam bhav men ho to jatak ko 36ven varsh men atul dhan ki prapti hoti hai. ekadshesh shubh grahon ke sath kendra ya trikon men sthit ho to jatak ko 40 ven varsh men atul dhan ki prapti hoti hai. yadi lagnesh, dhanesh aur labhesh kendra men sthit hon aur un par shubh grahon ki drishti ho to jatak apni mehanat se madhya ayu men dhanvan hota hai. yadi lagnesh aur koi anya shubh grah dhanesh ke sath sthit ho tatha us rashi ka svami lagn men balvan ho, to jatak praurh avastha men dhani hota hai. dhan aur daridra yogon ka akalan pratyek kundli men dhan aur daridra yog donon vibhinn anupat men rahte hain. jatak ko in yogon ka fal desh, kal v patra ki sthiti tatha grahon ke balabal ke anurup unki dasha bhukti men prapt hota hai. in yogon ka akalan karte samay kundli men jitne dhan yog milen unhen ek or likh len. fir jitne daridra yog milen unhen alag likh len. tatpashchat unke balabal par vichar karen. yadi daridra yogon ki apeksha dhan yogon ki sankhya adhik ho aur ve balshali hon to jatak ko arthik sankat ka samna nahin karna parta. aur uska jivan sukhamay rahta hai. kundli men dhan yogon ki apeksha daridra yog atyant nirbal hon to jatak jivanaparyant dhanadhya rahega. parantu dhan yogon ki apeksha daridra yog sankhya men adhik tatha balshali hon to dhan yogon ke hote hue bhi daridra yogon ke prabhav men jatak jivan men bar-bar arthik tangi ka samna karta hai. dhanadhya kul men janm lekar age daridra banne vale jatkon ki kundli men daridra yog sankhya men adhik tatha balvan hote hain. dhan yogon ke apekshakrit kuch balvan hone par jatak apna jivan bhali prakar vyatit kar pata hai. yogon ke balabal ka sahi akalan karne men kundli ke dhan bhag tatha daridray bhag ka mahatvapunr a yogdan hota hai. kundli men navam sthan se chah bhav (navam, dasham, ekadash, vyay, lagn tatha dhan) tak ka bhag dhan bhag aur tritiya sthan se chah bhav (tritiya, chaturth, pancham, shashth, saptam, tatha ashtam bhav) tak daridrya bhag hota hai. dhan yog kundli ke dhan bhag men tatha ‘daridray yog daridray bhag men adhik prabhavi hote hain. jab dhan aur daridrya yog donon dhan bhag men sthit hon aur dhan yog uttam hon to jatak nirdhan parivar men janm lekar bhi dhanvan banta hai. jabki dhani parivar men janma apni parivarik dhan sanpatti men vriddhi karta hai. parantu yadi daridrya yogon ki shakti adhik ho to nirdhan parivar men janma vyakti bharasak prayas karne ke bavjud apni sthiti men adhik parivartan nahin kar pata.
Kya aapko lekh pasand aaya? Subscribe

Kya aapko lekh pasand aaya? Subscribe


tantra, mantra evan mahalakshmi visheshank  November 2007

tantra mantra ka apsi sambandh, mahalakshmi ji ki upasna evan dipavli pujan, tantra mantra dvara dhan prapti, shri prapti men sahayak shri yantra, dipavli par ki jane vali tantrik siddhiyan, shri sukt, lakshmi sukt adi mantron ka mahatva

Subscribe

Apne vichar vyakt karein

blog comments powered by Disqus
.