ग्रहों की तपिश और छांव के बीच जीवन

grahon ki tapish aur chanv ke bich jivn  

Ank ke aur Lekh | Sambandhit Lekh | Views : 555 |  
vivah ek samajik aur vyaktigat avashyakta hai. vivah ek aisa samajik niyam hai jisse pura samaj santulit vatavaran men rahta hai. hindudharm ke anusar vivah ek sanskar hai aur pratyek manushya ke lie anivarya bhi hai, kyonki char purusharth dharm, arth, kam, moksh ke uddeshya ki purti ke lie vivah avashyak hai aur sukhi, santulit jivan ka lakshya bhi, parantu kabhi-kabhi vivah jo bahut hi man se kiya jata hai vah bhi safal nahin hota. uske piche samaj jin karnon ko dhunrhta hai vah kafi nahin hai, asal men yah puri srishti grahon se prabhavit hoti hai aur iska manviya jivan par bhi prabhav parta hai. jab kisi bhi tarah vivah ki saflta ki koi yukti nahin milti to danpÿia dvara alag hone ka nirnay lekar dusra vivah karna ek matra vikalp rah jata hai. aisi hi ek ghatna ka jyotishiya vishleshan kiya jay to kuch is tarah grahon ki chal dikhai degi . yah ghatna nupur ke jivan ki hai jiske do vivahon ki asflta ke bad tisra vivah safal hua. nupur ka pratham vivah 22 farvri 1991 men 24 varsh ki ayu men hua tha. us samay inki rahu men shani ki dasha aur budh ki pratyantar dasha thi. yah vivah nupur ka prem vivah tha kintu durbhagya se yah vivah safal nahin raha. yah vivah kuch hi samay chala. do varshon ke andar hi shani ki dasha samapt hote-hote pati-patni alag rahne lage. 28 farvri 1993 se 27 farvri 1995 tak rahu men budh ki dasha thi. isi samay aktubar 1994 men talak ka kes kiya gaya. disanbar 1997 tak yah kes chala aur pati-patni kanuni rup se alag ho gaye. us samay rahu men shukra ki dasha chal rahi thi. chaturthesh shukra saptamesh shani ke sath min rashi men hai aur us samay gochar ka shani bhi min rashi men tha aur brihaspati ka gochar makar rashi men tha jo nupur ki saptam bhav ki rashi hai. chandrama jo ki lagnesh hai us par brihaspati ki navam drishti aur gochar shani ki saptam drishti thi. lagn aur shashthesh brihaspati par gochar brihaspati ki saptam drishti thi. iske bad inke jivan ka dusra adhyay shuru hua. dusra vivah sanpann hua aprail 2001 men. us samay nupur ki rahu men chandrama ki antardasha aur shani ki pratyantardasha thi. shani saptamesh hai, chandrama lagnesh hai. videsh men uska pati us samay karyarat tha halaind men, islie hi use bhi svabhavik hi inglaind jana para. aranbh men 6 mahine to shayad sab kuch thik raha ho, lekin uske bad vahi larai aur mar-pit. is samay ek bat aur thi, uska pati koi aisi aradhna karta tha jo shayad kuch samanya se alag thi aur ratri 12 baje se subah tak 15 din men ek bar is tarah ka samaroh jarur hota tha, bara havan, kuch tantrik gatividhiyan adi. nupur ko ismen kuch ghutan mahsus hoti thi. parantu vivah chalane ke lie use uska sath bhi dena hota tha. is tarah dhire-dhire uske pati ka vyavhar bahut asamanya hota gaya. apni patni ke prati bahut adhik atanki kism ka vyavhar, inhin sab men viprit paristhitiyon men nupur garbhavati hui. use laga shayad iske bad uske pati ka vyavhar badal jay. kintu iska ulta hua aur uska garbh bhi gira diya gaya. usi dauran uski mata ji isse milne pahunchi. chunki yah andar se bahut duahkhi thin, usne sari baton ko apni mata ji ko bataya. turant mata ji ne jo nirnay liya vah yahi tha ki is vivah ko samapt karne men hi beti ki bhalai hai. uske bad kuch din kes chala aur donon kanuni rup se alag hue. beti ne haelaind men rahne ka nirnay liya. vahan talak ka kes bhi chal raha tha is lie desh ana sanbhav bhi nahin tha. vahan rahakar jivika ki samasya thi islie use kai choti naukriyan karni parin, jivika to chalani hi thi. rahu, chandrama ki vinshoÿari dasha men vivah aur rahu mangal ki dasha men mai 2003 men kanuni rup se talak hua. us samay brihaspati kark rashi men gochar kar raha tha aur shani ka gochar mithun men tha. lagn, saptamesh donon hi prabhavit the. gochar shani brihaspati se bhagya bhav bhi hanai, vakri bhi, lagn men iski upasthiti pahle sangharsh aur fir sukh ko dikhati hai. iske bad jivan ka tisra parav, ek aur vivah jo sanpann hua disanbar 2006 men. is samay nupur ki brihaspati men shani ki dasha aur chandra ka pratyantar chal raha tha. gochar ka shani kark rashi men aur guru tula rashi men tha. 12ven bhav evan ashtam ko drishti deta guru, sthan parivartan ke yog bhi bana raha tha aur vaivahik sukh ke yog ko bhi shani saptam bhav aur lagnesh ko, apni drishti se vivah ke samay ki suchna de raha tha. nupur ka vivah amerika men hua aur nupur kuch hi dinon men janvri 2007 men halaind se amerika a gayi. yahan par uska jivan sukh samriddhi se chal raha hai. bare sangharsh ke bad uske jivan men shanti aur sukh ki anubhuti ne kripa dali hai. ishvar kare yah drishti us par sadaiv bani rahe. ... abha bansal ki kalam se nupur ki kundli par pratham drishti dalen to aisa pratit nahin hota ki uske tin vivah honge. parantu sukshm rup se adhyayan karne se pata chalta hai ki aisa kyon hua. vaise bhi jyotish men bhavishya ka purn rup se, purn akalan karna kafi mushkil hota hai. ghatna hone ke bad usko tathyon ke adhar par jyotish ke aine men dekhna ek alag bat hai. parantu isi ke adhar par ham anya janmapatriyon ke purn akalan men madad le sakte hain. prastut kundli men nupur ki kundli saptamesh shani ki yuti chaturthesh v ekadshesh shukra ke sath navam bhav men ban rahi hai. chandrama se vichar karen to saptam bhav men donon ki yuti hai. vaivahik jivan ke lie yah yuti adhik ashubh bani. char lagn ke lie ekadash bhav ka svami badhkesh hota hai, kark lagn ke anusar shukra badhkesh grah hai tatha vah apni uchch rashi men sthit hokar saptamesh shani (jo vivah ka svami hai) ke sath yuti bana raha hai, vivah ki drishti se yah yuti ashubhkari hoti hai. iske atirikt nupur mangli hai, chaithe ghar men mangal aur ketu donon sthit hain, jiske karan nupur ke jivan men asthirta bani rahi kyonki rahu mangal se drisht hai. nupur ke donane vivah rahu ki mahadsha men hue aur donon vivah rahu ki mahadsha men hi tut gaye. rahu ki dasha ke bad uchchasth guru ki mahadsha aranbh hui. guru ki purn drishti saptam bhav ke sath-sath saptamesh shani par bhi hai, islie guru ki dasha shuru hote hi inke vaivahik jivan men sthirta banne lagi. guru bhagyesh hokar lagn men apni uchch rashi men baithe hain isilie apni dasha men nupur ko punarvivah ka sukh prapt hua aur grahon ki anukulta yahi dikhati hai ki yah vivah sukhad hi rahega aur nupur apne vaivahik jivan ka purn anand utha payegi.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2012

fyuchar samachar patrika ke vastu visheshank men vastushastra ke siddhant - vartaman samay men upyogita, jyotish, vastu evan ankshastra ke sanyukt kriyanvayan ki ruprekha, vastushastra evan fengshui- samrupta evan vibhinnata, vastu purush ka prardubhav evan pujan vidhi, vastu shastra ka vaigyanik drishtikon, bhukhand chayan ki ganitiya vidhi, grih nirman evan sukh samriddhi ka vastu, vastu evan fengshui, vastu dosh karan v nivaran, vastu evan bagvani, vrikshon v paudhon se vastu labh kaise len, vastu mantra, vastu shastra evan dharm, vastushastra men shakun evan apshkun, labhdayak vastu samagri, kristal ki upyogita, faladesh men ankshastra ki bhumika, paithagoriyan ank jyotish, vastu ke anusar shekshanik sansthan, havan pradushan men kami lata hai, man tripur sundri ka chamatkari shaktipith, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.