वास्तु का कुंडली से सम्बन्ध

vastu ka kundli se sambandh  

Views : 6681 | December 2012

aksar dekha jata hai ki ek vyakti ko grih parivartan ke bad bhi usi prakar ke vastu dosh sahit dusra ghar prapt hota hai. arthat kuch vastu dosh aise hote hain jo hamari kundli ke doshon ko darshate hain ya yun kahen ki hamari kundli ke grahanusar hi hamen apna ghar prapt hota hai. islie ham sabhi vastu doshon ko chahte hue bhi dur nahin kar pate hain ya grah dosh dur kar bhi diye jayen to bhi punah ve dosh anjane men vapas a jate hain. bhavan sukh hetu kundli men chaturth bhav v chaturthesh ka mahatvapurn sthan hai.

lal kitab ke anusar makan ka karak grah shani hai. kisi ki janmakundli men shani bali ho to purn bhavan sukh milta hai. yadi shani nich, ast ya shatru grahon se ast ho to jatak ko shani dasha men makan sukh se vanchit rahna parta hai. lal kitab men makan ka karak dusre bhav ko mana gaya hai. satven bhav se bhi bhavan ke sukh-duahkh ka vichar kiya jata hai. shani yadi gochar men dusre, chaithe ya satven bhav par bhraman kare to grih parivartan ke yog bante hain. lal kitab ke anusar yadi shani pahle ghar men ho tatha satvan v dasvan ghar khali ho to achche ghar ki prapti hoti hai varna makan banane men jatak rini ho jata hai.

  • yadi shani dusre bhav men ho to makan ka nirman madhya men nahin rokna chahie anyatha kasht bhogne parte hain.
  • yadi shani tisre sthan men ho to vyakti makan banane ke bad tin kuÿo palen varna duahkh bhogne parte hain.
  • yadi shani chaithe ghar men ho to makan banane se sas, man, mama, dadi ko kasht uthane parte hain.
  • yadi shani 5ven ghar men ho to makan banne ke bad santan ko pira rahti hai. iske viprit yadi santan makan banvae to khushhal rahti hai.
  • yadi shani chathe ghar men ho to beti ke sasural men pareshani ho jati hai.
  • yadi shani 7ven ghar men shubh ho to vyakti ek ke bad ek makan banvata hai aur ashubh ho to apna makan bhi bechna par jata hai.
  • yadi shani athven bhav men ho to makan banane men anek samasyaon ka samna karna parta hai.
  • yadi shani navam bhav men ho to makan nirman se pita ko mrityutulya kasht prapt hote hain.
  • 10ven shani ke karan vyakti apne ghar men jate hi daridra ho jata hai isse achcha hai vah kiraye ke makan men rahe.
  • 11ven men shani ho to burhape men makan banta hai.
  • 12ven bhav men shani ho to dhire-dhire makan banta hai.

is prakar ye the ghar ke karak shani ke fal. kundli men vibhinn grah vibhinn dishaon ke suchak hote hain. kundli men unki sthiti hi hamen prapt vastu doshon ke bare men jankari deti hai.


apni kundli men rajyogon ki jankari paen brihat kundli riport men


kundli men lagn ko purva disha mana gaya hai evan saptam bhav ko pashchim. isi prakar chaturth bhav uttar disha hai v dasham bhav dakshin. dvitiya v tritiya bhav ishan kon ko darshate hain, pancham v shashth bhav vayavya kon, ashtam v navam bhav nairitya kon evan ekadash v dvadash bhav agney kon ko darshate hain. jis bhav ka svami uchch ya prabal hokar kendra trikon men sthit hota hai us disha se sanbandhit vastu dosh nahin hote tatha jis bhav ka svami nich, ast ya shatrukshetriya hota hai athva shatruon ke sath baitha ho to us bhav se sanbandhit disha ke dosh utpann hote hain.

vastu-relationship-horoscope

isi prakar se vibhinn grah bhi vibhinn dishaon ke svami hote hain. jaise- surya-purva, chandra-uttara-pashchim, mangl-dakshin, budh-uttar, guru-uttara-purva, shukra-dakshin-purva, shani-pashchim v rahu-ketu dakshin-pashchim kon ka adhipatya rakhte hain. yadi koi grah nich, ast ya shatrukshetriya ho to us grah se sanbandhit disha men vastu vikar paye jate hain.

  • lagnesh lagn bhav men (shubh grah) ho to purva men khirkiyan hone ka yog banta hai.
  • lagnesh ka lagn men nich, pirit hona purva disha ke dosh ko darshata hai. yah yog vastudosh ke sath-sath jatak ke svasthya ko bhi prabhavit karta hai. is dosh ke karan jatak ka mastishk pirit ho sakta hai. vyakti ke deh sukh men kami hoti hai.
  • lagnesh janmakundli men 6, 8, 12ven bhav men pirit ho to vyakti ko ghar ki purva disha men dosh deta hai.
  • shashthesh lagn bhav men hone se purva bhag avaj v shor sharabe vala hota hai.
  • lagnesh janmakundli men tritiya bhav men hone par ishan kon men tut-fut v int ka nirman karya shesh hone ka suchak hota hai.
  • lagnesh ka pancham bhav men sthit hona vayavya kon men vastudosh ki sanbhavna banata hai.
  • ekadash, dvadash men pap grah, shashthesh, ashtamesh hone par ghar ka ishan kon doshyukt hota hai.
  • saptamesh shashth bhav men ho to pashchim disha men vastudosh deta hai.
  • ashtamesh pancham men ho to nairitya (dakshin-pashchim) disha men vastudosh hone ki sanbhavna rahti hai.
  • dashmesh shashth bhav men ho to dakshin disha men vastudosh deta hai.
  • rahu/ketu ki yuti us grah sanbandhi disha men dosh utpann karti hai jis disha men kundli men rahu-ketu sthit hon.
  • kundli men brihaspati ki disha arthat ishan kon shubh grahyukt ho to ghar ke ishan kon men khuli jagah, khirki, roshndan, dharmik vastuen hoti hain.
  • yadi janmakundli men chandrama shubh grahon ke sath ho to ghar ki uttara-pashchim disha vastu doshon se rahit hoti hai.
  • janmakundli men shukra ka uchch ya bali hona dakshin purva disha men vahan v sukh sanbandhi vastuen hone ka suchak hai.
  • janmakundli men mangal ki shubhta dakshin disha ke vastu doshon men kami ke sath khan-pan sanbandhi vastuon ki adhikta pradan karti hai.
  • budh ka shubh hona uttar disha ko shubh banata hai tatha uttar disha men adhyayan kaksh ya shiksha sanbandhi vastuen hone ki suchna deta hai.
  • pashchim disha ka svami shani hai. kundli men shani pirit ho to pashchim disha men lohe ya lakri ka purana saman para ho sakta hai.

ukt parinam tab adhik ayenge jab gochriya v janmakalik mahadshaen bhi pratikul hon. janmakundli men balvan grah shubh bhav, kendra v trikon men, shubh sthiti men hon to unse sanbandhit disha vastudosh se mukt hokar jatak ko shreshth parinam dene vali hoti hai.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

vastu visheshank  December 2012

fyuchar samachar patrika ke vastu visheshank men vastushastra ke siddhant - vartaman samay men upyogita, jyotish, vastu evan ankshastra ke sanyukt kriyanvayan ki ruprekha, vastushastra evan fengshui- samrupta evan vibhinnata, vastu purush ka prardubhav evan pujan vidhi, vastu shastra ka vaigyanik drishtikon, bhukhand chayan ki ganitiya vidhi, grih nirman evan sukh samriddhi ka vastu, vastu evan fengshui, vastu dosh karan v nivaran, vastu evan bagvani, vrikshon v paudhon se vastu labh kaise len, vastu mantra, vastu shastra evan dharm, vastushastra men shakun evan apshkun, labhdayak vastu samagri, kristal ki upyogita, faladesh men ankshastra ki bhumika, paithagoriyan ank jyotish, vastu ke anusar shekshanik sansthan, havan pradushan men kami lata hai, man tripur sundri ka chamatkari shaktipith, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, ank jyotish ke rahasya, adi vishyon par gahan charcha ki gai hai.

Subscribe


.