भागवत व्रत

bhagavat vrat  

Ank ke aur Lekh | Sambandhit Lekh | Views : 2288 |  
bhagavat vrat ek aisa divya v sanpurn kamnaon ko siddh karne vala vrat hai, jiske palan se sanpurn vraton ka labh prapt ho jata hai. jiv matra ke charon purusharth dharm, arth, kam, moksh siddh ho jate hain. shastron men alg-alag kamna siddhi hetu alg-alag vraton ka vidhan hai. vidvanon ne bhagavat shabd ki vyakhya is rup men ki hai- ‘bha’ ke kahe se khul jat bhag jivan ke ‘ga’ ke kahe se gar guman mit jata hai ‘va’ ke kahe se vani shuddh hot hai, ‘ta’ ke kahe se bhav sagar tar jata hai bhagavat ke char varnon ka tatva chipa hai, in char shlokon men - chatuahshloki bhagavat. is divya tatva ka updesh sahaj men prapt nahin hota. yah to sarvantaryami paratpar parabrahm ki kripa ya vitragi santon ka sahaj ashirvad ka parinam hai, tabhi to narayan ne brahma ko karunavash, brahmaji ne devarshi narad, devarshi narad ne vedavyas, vedavyas ne shri shukdev v shri shukdev baba ne lok kalyanarth maharaj parikshit ko shravan karaya tha. brahmaji ne is bhagavat tatva ka srishti karya ki purnata, devarshi narad ne bhakti pravah men nimagnata, vedavyas ne vikshipt antahkaran ki shanti, shri shukdev baba ne shrikrishn charnarvindon men satat, aviram lin hone tatha maharaj parikshit ne lok kalyanarth shravan kiya tha. parikshit ka lok kalyanarth shravan hi unki mukti ka sadhan ban gaya aur vartaman jagat men to bhagavat ke svarup ko vikrit kar ashram, vriddhashram, mandir nirmanadi dhan sangrah men hi tuchch prayojan hetu laga diya. jo vishay taÿvanuchintan, atmabodh, atmagyan, purneshvar sagyan ka tha vah keval aur keval vishyon ka sadhan matra bana diya. ham sabhi ko vichar karna chahie, atm manthan karna chahie ki jo bhakti-gyan- vairagya ka sadhan tha, parmatma ki prapti ka alaukik marg tha, vah laukik sadhnon ka pratik kaise aur kin paristhitiyonvash ban gaya. santon ne kaha hai- hai bhagavat harirup, iska jo sada chintan kare, vo bhakti-gyan-vairagya se paripurn usse yam dare.. chinta hate vipda ghate aur sampada ghar men bhare, sukh shanti aur santosh rupi dhan sada us par hare.. premi bhakton ka yah divya ras hai, jisapar bhagavat kripa hoti hai vahi is ras ko prapt kar anubhav karta hai, apko bhi ‘fyuchar paint’ ke sahyog se is divya ras paripurn bhagavat vrat ka gyan karaya ja raha hai, ap jivan men niyam banayen, nityaprati nishkam bhav se chatuah shloki bhagavat ka path karne ka, fir dekhie apke jivan ka utkarsh charmotkarsha-asat se sat, andhkar se prakash v mrityu se amrit (jivn) ki or kaise padarpan hota hai. marg badal jayega, ‘dainyata-riktata apurnata athava duahkh-shok-mohadi dur honge, purnata ka samavesh hoga, purnatva ki prapti hogi. sansar ka pratyek prani purnata ko chahta hai, to purn to purneshvar (radha krishna) men hi nihit hai, atah jivan ke siddhant ko samjho sanyoganta marnantan ch jivitam.. samast sangrahon ka ant vinash hai, laukik unnatiyon ka ant patan hai, sanyogon ka ant viyog hai aur jivan ka ant maran hai. pashan yug, vaigyanik unnati aur sat-treta- dvapr-kali in charon yugon ka bar-bar ana-jana bana rahta hai. parantu prabhu kripa se divya bhagavat yog ko varnit kar apke samaksh preshit kar apurva anand (jo vani ka vishay nahin hai) ki prapti ho rahi hai, usi anand ko ap vratanuragi bhi prapt kar sakte hain, bas radhakrishn ki panchopchar ya shodshopchar puja kar chatuahshloki bhagavat ka path karen. puja mansik bhi ho sakti hai, jismen kisi sadhan ki avashyakta hi nahin hai. puja ke bina bhi yah vrat varniya hai.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2012

fyuchar samachar patrika ke vastu visheshank men vastushastra ke siddhant - vartaman samay men upyogita, jyotish, vastu evan ankshastra ke sanyukt kriyanvayan ki ruprekha, vastushastra evan fengshui- samrupta evan vibhinnata, vastu purush ka prardubhav evan pujan vidhi, vastu shastra ka vaigyanik drishtikon, bhukhand chayan ki ganitiya vidhi, grih nirman evan sukh samriddhi ka vastu, vastu evan fengshui, vastu dosh karan v nivaran, vastu evan bagvani, vrikshon v paudhon se vastu labh kaise len, vastu mantra, vastu shastra evan dharm, vastushastra men shakun evan apshkun, labhdayak vastu samagri, kristal ki upyogita, faladesh men ankshastra ki bhumika, paithagoriyan ank jyotish, vastu ke anusar shekshanik sansthan, havan pradushan men kami lata hai, man tripur sundri ka chamatkari shaktipith, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.