मधुमेह रोग का ज्योतिषीय विवेचन

madhumeh rog ka jyotishiya vivechn  

Views : 1696 | June 2017

hamari pachan kriya bhojan ko sharkara (glukoj) aur sharir ke svasthya ke lie vibhinn avashyak tatvon men parinat karta hai. ‘painkriyaj’ granthi dvara sravit ‘insulin namak harmaen is sharkara ko sharir ki koshikaon tak rakt sanchar dvara pahuncha kar unhen shakti pradan karta hai tatha rakt men sharkara ki matra niyantrit rakhta hai. khali pet sharkara ka star 60 se 100 miligram prati 100 si. si. tatha bhojan ke do ghante bad iska star 100 se 140 miligram ke bich rahna chahie. rakt men ‘insulin’ ki kami rahne par sharkara koshikaon tak nahin pahunchti aur rakt men hi ekatrit hoti rahti hai. rakt men sharkara ki barhi matra kidni dvara puri tarah avshoshit nahin hone par vah mutra ke sath nishkasit hone lagti hai aur vyakti shaktihinta evan alasya anubhav karta hai.

is sthiti ko ‘madhumeh’ ya ‘daybitij’ rog kahte hain. madhumeh rog lanbe samay tak rahne par andar hi andar hriday, kidni aur ankhon par dushprabhav dalta hai. kuch garbhavati mahilaon ko is rog ki shikayat ho jati hai jo prasav tak chalti hai. uchit khan-pan aur upchar se is rog ko niyantrit rakha jata hai. ‘madhumeh’ vanshanugat rog hai. mata ya pita ko madhumeh rog lanbe samay tak rahne par unki santan ko bhi yah rog hone ki sanbhavna rahti hai. ek dashak purva tak yah rog 45-50 varsh ke vyaktiyon ko hota tha, parantu ajakal ke aniyamit rahn-sahan aur khan-pan ke karan choti ayu ke yuvaon aur bachchon men bhi is rog ki vriddhi ho rahi hai.


apni kundli men sabhi dosh ki jankari paen kampalit dosh riport men


rakt sharkara adhik rahne par vyakti ko pratidin ‘insulin’ ka injekshan lena parta hai. is rog ka abhi tak purn upchar sanbhav nahin hai, parantu khan-pan men sudhar, sabji v salad ka adhik sevan, chaval, alu v chini ka parhej, niyamit vyayam tatha uchit dava lete rahne par madhumeh ko niyantran men rakhakar uske dushprabhavon se bacha ja sakta hai. is rog ke prati savdhan rahne ke lie prativarsh 14 navanbar ko ‘valrd daybitij de’ ke rup men manaya jata hai.

madhumeh ke pratyaksh lakshan is prakar hain:

1. bar-bar pyas lagna aur peshab ana.

2. bar-bar khate rahne par bhi vajan ghatna.

3. sharir men thakan, susti v dard rahna.

4. fore, funsi v jakhm jaldi thik n hona.

5. tvacha ka shushk rahna.

6. hath pair sunn rahna.

7. drishtihinta ke karan dhundhla dikhai dena. inmen se kuch ek lakshan hone par apna medikal chekap avashya karvana chahie.

jyotishiya vivechn: vyakti ke svasthya ka akalan lagn (sharir), shashth bhav (rog) tatha ashtam bhav (ayu), unke svamiyon ke balabal aur un par shubh-ashubh grahon ke prabhav anusar kiya jata hai.

yadi kundli men lagn, lagnesh tatha ashtam bhav v ashtamesh balvan ho aur shashth bhav v shashthesh nirbal ya pirit ho to vyakti nirogi rahta hai. viprit sthiti men - lagn, lagnesh, ashtam bhav v ashtamesh nirbal tatha papi grah dvara pirit hone tatha shashth bhav v shashthesh ke balvan hone par jatak kisi n kisi rog se grasit rahta hai. kanya rashi (bhachakra ka shashth bhav) tatha svami budh pap grahon se pirit hone athva uski trikeshon se yuti ya drishti sanbandh hone par sharir rogi rahta hai.

is prakar sarvapratham kisi vyakti ke svasthya ka akalan kiya jata hai. jyotish shastra ‘painkriyaj’ sahit sharir ki sabhi granthiyon tatha prajanan angon par shukra ka adhipatya manta hai. shukra grah ke nirbal (nichasth, ast, shatru rashi men athva pap prabhav men) hone par vyakti yoni, granthiyon tatha mutra pranali ke rog se grast hota hai. shashth bhav (rog) athva rogesh ka shukra se sanbandh hone par madhumeh ki sanbhavna barh jati hai. brihaspati grah sharir men livar, charbi, motapa v mithe tatva se sanbandh rakhta hai.

madhumeh rog rakt men sharkara ki adhik matra ke karan hota hai. atah madhumeh ka brihaspati grah se sidha sanbandh hai. shashth bhav v shashthesh ka brihaspati grah se sanbandh bhi madhumeh ka karan hota hai. surya amashay aur jathragni ka karak hai, jo pancham bhav ke karyakshetra men ata hai. madhumeh ke rogi ki kundli men pancham bhav grasit paya jata hai. chandrama sharir men jal tatva aur rakt pravah ka karak hai.

shani ka sanbandh dirghakalin rog deta hai. is prakar shukra, brihaspati, surya, chandra par papi grahon (shani, mangal, rahu, ketu) athva trik bhavon (6, 8, 12) ke svamiyon ka prabhav athva inki trik bhavon men sthiti hone par vyakti ko madhumeh rog hota hai.

is rog se sanbandhi grah yog is prakar hain:grah yog

1. lagnesh tatha shashthesh shukra ya chandrama se yukt hokar lagn ya shashth bhav men hon.

2. lagn men pirit shukra grah sthit ho.

3. brihaspati, shukra, lagnesh, pancham bhav aur panchmesh rahu/ketu ke pap prabhav men hon.

4. brihaspati ki dvadash bhav men sthiti tatha shukra ki chathe/athven bhav men sthiti. aise brihaspati ki shukra par drishti bhi madhumeh ka karan banti hai.

5. brihaspati ka nich rashi ya 6, 8, 12 bhav men sthit hokar ashubh grahon se drisht hona.

6. vakri brihaspati lagn men tatha shukra saptam bhav men pap grahon se pirit hokar brihaspati par drishti dale aur lagnesh shashth, ashtam ya dvadash bhav men ho to madhumeh rog hota hai.

7. brihaspati v shani ka sanbandh bhi painkriyaj par ashubh prabhav dalta hai.

8. shukra v chandrama (jaliya grah), jaliya rashi (kark, vrishchik tatha min) men papi grahon se pirit hone par madhumeh rog hota hai.

9. papi grahon ka tula ya vrishchik rashi men hona tatha brihaspati ka nichasth ya kisi pap grah ki rashi men hona.

10. brihaspati tula rashi men tatha shani kark rashi men sthit hone se madhumeh rog hota hai.

11. tula rashi tatha adhipti shukra ka papi grahon se akrant hona. madhumeh janit anya rog madhumeh dvara sharir ki rog pratirodhak kshamata kam ho jane se nimn rogon ki sanbhavna barh jati hai:

1. pirit shukra ke sath netra jyoti ke karak surya v chandrama ka sanbandh hone par netra jyoti kshati (retinopaithi) ki sanbhavna hoti hai.

2. shukra ke sath surya aur budh grah ke grasit hone par snayu rog (nyuropaithi) ho sakta hai.

3. surya, brihaspati tatha chaturth bhav ka sanbandh hone par madhumeh ke karan hriday rog ki sanbhavna rahti hai.

4. saptam bhav, tula rashi, shukra v chandrama pirit hone par madhumeh ke karan kidni par dushprabhav parta hai.

5. ghav thik n hona athva gaingrin ki sthiti, pirit shukra ke sath chandrama, budh aur mangal ke sanbandh se hoti hai.

is prakar madhumeh andar hi andar sharir ke mahatvapurn angon par dushprabhav dalakar unhen rogagrast karta hai. yadyapi abhi tak madhumeh ka purn upchar upalabdh nahin hai parantu is rog ke ho jane par sahi bhojan, niyamit vyayam aur uchit dava ke sevan se niyantran men rakhakar svasth jivan vyatit kiya ja sakta hai.

is sandarbh men lekhak ke sangyan men ai kuch kundliyan prastut hain:

1. bharat ratn dae. em. es. subbalakshmi, prasiddh karnatak sangit gayika dinank: 16-9-1916, samy: 9ah25 subah sthan: madurai kundli men shashthesh brihaspati aur lagnesh v ashtamesh shukra, jinka painkriyaj par niyantran rahta hai kramshah mangal, shani v ketu se pirit hain. shukra jaliya rashi (karka) men hai. inko 1948 (rahu-shani) men madhumeh ka pata chala. brihaspati ki lagn par tatha navmansh men bhi lagn par drishti ke karan rog niyantran men raha. unka yashasvi jivan bitane ke bad 88 varsh ki ayu men 11 disanbar, 2004 ko svargavas hua.


book online 9 day durga saptashati path with hawan


2. purush: dinank: 14-9-1938, samy: 21ah36 sthan: jhansi (u.pra.) jatak ki mata ko madhumeh tha, atah usne apne khan-pan ka pura dhyan rakha. panchmesh shukra tula rashi men rahu se pirit hai. rahu ki navam bhav sthit brihaspati par tatha ekadash bhav sthit chandrama par drishti hai. ashtamesh shani jaliya rashi (min) men hai aur us par shashthesh mangal ki drishti hai. mai, 2002 men (shani-shukra ke samy) 63 varsh ki ayu men varshik medikal chekap ke samay madhumeh ka pata chala. santulit bhojan, pranayam aur dava dvara rog niyantran men chal raha hai. brihaspati ki lagn, surya v shukra par shubh drishti hai.

lagnesh shani shatru ketu ke sath tritiya bhav men jaliya rashi men hai aur uski dvadash bhav sthit brihaspati par drishti hai. shashth bhav par dushit brihaspati ki drishti hai. panchmesh shukra ashtam bhav men hai. usapar rahu-mangal ka papakatrtari prabhav hai. jatak ko aprail, 2008 men adhik pyas lagne, bar-bar peshab ane aur sust rahne par chekap karane par madhumeh ka pata chala. vartaman men nidan chal raha hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

madhumeh evan jyotish visheshank  June 2017

aj pratyek vyakti kharab jivan shaili evan galat khan-pan ke karan kisi n kisi bimari se grasit hai. unhin men se ek bimari hai madhumeh, jo pratyek varg ko bari asani se apni giraft men le leti hai. fyuchar samachar ke jun 2017 ke madhumeh evan jyotish visheshank men madhumeh par yogya jyotishiyon ne anek achche lekh likhe hain. sath hi jyotish ke achche alekh bhi pratyek mas ki tarah prastut hain jinmen se madhumeh par kuch lekh is prakar hain- madhumeh rog hone ke karan aur nivaran, madhumeh ke jyotishiya karan v nivaran, madhumeh rog aur aur jyotishiya drishtikon, madhumeh rog se sanbaddh mukhya grah evan bhav nakshatradi vivechan, madhumeh ahar aur savdhaniyan, jyotish aur madhumeh, daybitij aur prakriti chikitsa, hastarekha se madhumeh rog ka gyan, madhumeh ki giraft men selibriti valrd adi. inke atirikt jyotishiya lekhon men sthayi stambhon men bhi achche lekh purva ki bhanti rochak v gyanavardhak hain. satya katha men is bar ek charchit saif ki kundali ka vivechan kiya gaya hai - kvin aef indiyan vejiteriyan resepij-nisha madhulika, pavan sthal stambh men baba tarkeshvar ki mahima ko bataya gaya hai vastu men flait ke nakshe ka vastu samadhan adi.

Subscribe


.