कुंडली विवेचन के मुख्य घटक

kundli vivechan ke mukhya ghatk  

Views : 3964 | June 2017

kundli vivechan ke anyanya sutron ka pratipadan maharshi parashar ne brihat parashar hora shastra men kiya hai. kundli vivechan men anek mandandon ka vishad v vyavasthit adhyayan karna ati avashyak hai, anyatha falakathan men truti sanbhavya hai. is alekh men kundli vivechan ke mukhya ghatkon ki vyakhya ki ja rahi hai:

1. janmakundli/rashichakra (lagn kundli)

2. chandra kundli - chandra se anya barah bhavon ka vivechan. - lagn v chandra- donon bhavon ki sthiti - achchi sthiti - jatak dhani, sanpattivan - viprit sthiti hone par dhan sanpda samanya ya nirdhana

3. navansh tatha anya varg kundliyon ka vivechan - koi grah rashi (lagna) kundli men anukul ho parantu varg kundliyon men shatru, nich ya ashubh sthiti men ho to rashi kundli ke shubh parinamon men kami. - viprit sthiti ya sudhar hone ki sthiti men shubh fal - donon hi sthiti men bali hone par ya shubh sthiti men hone par sarvottam fal.

4. dashafal - dasha anukul n hone par yog hone par bhi vyarth hi hai arthat fal nahin milenge. - dashanath ko lagnesh ki tarah manakar sabhi bhavon ka vichar karna chahie aur dekhna chahie ki uski dasha men kaun se bhav kaise-kaise fal denge jaise dashanath se dvitiya bhav dhan, tritiya sahodar, chaturth bhu-sanpatti, panchm- vidya-santan, shashth se pratiyogita, saptam - vyapar, ashtama- khoj, anveshan, bima, guptata, navm- dharma-dharmik karya/yatra, dashm- karm, ekadash amdni tatha dvadash se vyay/ bahar, videsh adi-adi.

5. kundli men grahon ki sthiti v grahit rashiyon ki prakriti - adhikatar grah char rashiyon men- yatra ka shaukin, parivartanashil vichar - sthir rashiyon men - rurhivadi, nishchit karyashaili, ek sthan par rahna, samayabaddh karya karna, kal-karkhanon ki dakshata - dvisvabhav rashiyon men mishrit parinam, asthirta - agni tatvon men sthit grah jatak ko sahsi, utsahi, uchch vichar v jivan men upalabdhiyan prapt karne ki prabal ichcha dete hain. - prithvi tatvon men sthit grah jatak ko prayogatmak soch arthat vyavharik v udyogi banate hain. - vayu tatvon men sthit grah jatak ko buddhiman, pathn-pathan men asakt banate hain. - jal tatvon men sthit grah jatak ko bhavuk, sammanit, buddhiman v asthir mansik sthiti dete hain.

6. grahon ki sabl/nirbal sthiti - uchch, mul trikon, svarashi, mitrarashi, shubhakartari ki sthiti bali - nich, shatrurashi, papakartari nirbal sthiti


get detailed kundli predictions with brihat kundli phal


7. kundli men sthit yog

8. visham rashi ke antim 6 ansh tatha samrashi ke praranbhik 6 ansh grahon ke bal ko kho dete hain. aisi sthiti ke grah mrityu bhag men sthit mane jate hain.

9. bhav-bhavesh-karkon ka vivechan - vicharniya bhav ka svami (bhavesh) ya karak lagn se ya bhav se 6, 8, 12 men sthit ho to bhav ka nash, yadi bhav shubh grahon se drisht ho to shubh fal prapt.

- lagn ya vicharniya bhav se 6, 8, 12 bhavon men ashubh grah hon to bhav ka nash

. - lagnesh sadaiv shubhfldayi, jis bhav men sthit ho uski unnati v shubhafal prapt, yadi us bhav ka svami bhi lagnesh ki yuti ya drishti se prabhavit ho to shubh parinam aur adhik.

- ek hi rashi ka svami hone ke karan surya v chandrama ko ashtamesh ya markesh ka dosh nahin arthat ashtamesh hone par bhi surya-chandra ashubh nahin.

- vicharniya bhav ka svami janm nakshatra se tisre nakshatra men ho to vipat tara, panchven nakshatra men ho to pratyari tara tatha satven nakshatra men ho to vadh tara hoti hai. in nakshatron ka svami ashubh prabhav dene vala hota hai.

10. rajyog pahle prakar ke rajyog se uchch pad ki prapti hoti hai:

- navm-dasham bhav men parivartan yog ho

- navmesh - dashmesh uchch ke hon

- navam - dasham men svarashi ke grah hon

- shani tula rashi men sthit ho ya tula rashi ko drishti de.

- mangal navmesh ya dashmesh ho

- navmesh ya dashmesh navam, dasham ya ekadash men ho

- guru - shani ki yuti ho ya donon uchch ke hon dusre prakar ke rajyog men uchchadhikari banne ka yog hota hai

 - navmesh v dashmesh ki yuti navm- dasham men ho - navm-dasham men uchch ke grah hon

- navm-dasham men uchch grahon ki drishti ho.

- navm-dasham men drishti parivartan yog ho. tisre prakar ke rajyog jatak ko adhikaron ki prapti karate hain:

- dashmesh ki dasham par tatha ekadshesh ki ekadash par drishti ho

- navmesh-dashmesh ek dusre ke viprit avastha men sthit hon tatha koi ek grah uchch ka ho aur koi bhi grah 6, 8 ya 12 bhavon men n ho

- navmesh-dashmesh ki kendra men yuti chaturth shreni ke rajyog jatak ko sukh-samman dete hain:

- adhikansh grah amne samne hon parantu 6, 8, ya 12 bhavon men n ho.

11. faladesh hetu do mahatvapurn sutron ka bhi vichar karna avashyak hai: - jivit vastuen - nirjiv ya jo jivit n hon (makan, jamin ityadi). bhale hi grah svarashi ke hi kyon n hon, ashubh grah yadi jivit vastuon vale bhavon men sthit hon to unko (jivit vastuen) hani hi pahunchate hain aur jo jivit vastuen n hon unko labh pahunchate hain.


apni kundli men sabhi dosh ki jankari paen kampalit dosh riport men


shubh grah jivit vastuon vale bhavon ki vriddhi karte/labh pahunchate hain aur mrit vastuon ki hani karte hain ya tatsambandhi falon men kami karte hain. ashubh grah ek sarp ki tarah shubh bhavon ya jivit vastuon vale bhavon ka fal dete hain jaise ki sarpani ande to bahut deti hai kintu lagabhag sabhi ko svayan hi kha jati hai.

12. bhav majbut (bali hona)

- svami se drisht ho.

- uchch ke grah se drisht ho ya uchch ke grah hon.

- drishti parivartan se/rashi parivartan se/ svami se. - svarashi ke grah se.

- bhavesh uchch ki rashi men ho.

- shubh kartari yog ho. bhav kamjor (nirbal hona).

- bhavesh 6, 8 ya 12 bhavon men sthit ho

- 6, 8 ya 12 ke svami jis bhi bhav men sthit hon

- bhavesh nich ka ya nichabhilashi ho

- papakartari men ho

- bhavesh barhven bhav ya apne se 12ven bhav men ho ya fir 12ven bhav men surya v budh hon.

13. grahon ka kisi bhav men akele sthit hona

- koi bhi grah kisi bhi bhav men yadi akele sthit ho to vah apne falon ko purn rup se dene/failane ya karne ki pravritti ka hota hai.

- jaise rahu kisi bhi bhav men akele sthit hone par jatak ko us bhav ke falon men kinkartavyavimurhta ya anishchay ki sthiti banate hain.

- surya kisi bhi bhav men akele sthit hone par jatak ko us bhav ke falon men adhik sahas v dabav yukt banate hain.

- chandrama kisi bhi bhav men akele sthit hone par jatak ko us bhav ke falon men utar-charhav ki sthiti tatha dil v hriday ko majbut banate hain.

- mangal kisi bhi bhav men akele sthit hone par jatak ko us bhav ke falon men dabav banane, manmani karne ki pravritti dete hain.

- budh ke kisi bhi bhav men akele sthit hone par jatak ko us bhav ke falon men milnsar, bachpna ya jid karne athva asani se manne vala tatha vyavharik banate hain.

- guru kisi bhi bhav men akele sthit hone par jatak ko us bhav se sanbandhit shubhta, buddhi, vivek tatha dhan-sanpattivan banane ke alava bhav ka hras bhi karate hain.

- shukra ke bhav men akele sthit hone par jatak ko us bhav se sanbandhit shubhta, amodi-pramodi, madhurta, samanjasya banane ki pravritti dete hain

 - shani bhav men akele sthit hone par jatak ko us bhav ke falon men kinkartavyavimurhta ya anishchay ki sthiti banate hain.

- ketu kisi bhi bhav men akele sthit hone par jatak ko us bhav ke falon men kami, nakaratmakata, andherapan ya risarch karne ki pravritti dete hain.

14. pati-patni se sanbandhit vishesh yog

- lagnesh mand gati vala grah hokar kendra men sthit hone par purush bali hoga

- saptamesh mand gati vala grah kendra men sthit hone par stri balshali.

- donon yadi kendra men sthit hon to donon balshali.

- surya (purush grah), shukra (stri grah)

- shukra ke age surya ho to purush pahle moksh ko prapt karega.

- surya ke age shukra ho to stri pahle jayegi.

- purush ki rashi age ho to purush pahle jayega.

- stri ki rashi age ho to stri pahle jayegi

- bhakut dosh hone ki sthiti men viprit prabhav hoga.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

madhumeh evan jyotish visheshank  June 2017

aj pratyek vyakti kharab jivan shaili evan galat khan-pan ke karan kisi n kisi bimari se grasit hai. unhin men se ek bimari hai madhumeh, jo pratyek varg ko bari asani se apni giraft men le leti hai. fyuchar samachar ke jun 2017 ke madhumeh evan jyotish visheshank men madhumeh par yogya jyotishiyon ne anek achche lekh likhe hain. sath hi jyotish ke achche alekh bhi pratyek mas ki tarah prastut hain jinmen se madhumeh par kuch lekh is prakar hain- madhumeh rog hone ke karan aur nivaran, madhumeh ke jyotishiya karan v nivaran, madhumeh rog aur aur jyotishiya drishtikon, madhumeh rog se sanbaddh mukhya grah evan bhav nakshatradi vivechan, madhumeh ahar aur savdhaniyan, jyotish aur madhumeh, daybitij aur prakriti chikitsa, hastarekha se madhumeh rog ka gyan, madhumeh ki giraft men selibriti valrd adi. inke atirikt jyotishiya lekhon men sthayi stambhon men bhi achche lekh purva ki bhanti rochak v gyanavardhak hain. satya katha men is bar ek charchit saif ki kundali ka vivechan kiya gaya hai - kvin aef indiyan vejiteriyan resepij-nisha madhulika, pavan sthal stambh men baba tarkeshvar ki mahima ko bataya gaya hai vastu men flait ke nakshe ka vastu samadhan adi.

Subscribe


.