ज्योतिष शास्त्र में मूक प्रश्न

jyotish shastra men muk prashn  

Views : 4762 | June 2017

prashn shastra jyotish ki vah abhinn vidha hai, jiski siddhi ke pashchat ek jyotirvid kisi jatak ke man men uth rahe prashnon ko tatha prashn sanbandhi samadhan ko sarlta purvak gyat kar sakta hai. prashn shastra ke antargat prashn kya hai, mushtigat vastu ka rang kya hai, ghar se bahar gae vyakti ka agaman kab hoga, mukaddame men jit hogi ya har, shatru kab paida honge, vyapar men labh-hani, ann ke bhavon men utar-charhav, chori hui vastu ki jankari, chor stri hai ya purush, chor ghar ka hai ya bahar ka, chor ka svarup adi vishyon par prachin jyotirvidon ne kai yogayog bataye hain. jatak ke man men chal rahe vichar-rupi prashn ko prashn kundli dvara gyat karne ki vidya muk prashn kahlati hai.

‘muk’ ka arth hota hai shant athva chupa hua. muk prashnon par anusandhan evan khoj prachin bharat men sanbhvtah (ek tantriya) rajshahi shasan ke antargat hui hogi. chunki rajshahi shasan ke samay pratyek raja ka ek rajkiya jyotishi hota tha jo pratidin hone vale labh-hani, shubh-ashubh ghatnaon ki suchna prashn kundli ke madhyam se raja ko diya karta tha. kai bar raja athva mantri jyotish evan jyotish shastra ki pariksha hetu jhuth-muth ke prashn bana kar puchte the. yadi koi jyotirvid is prakar ke pariksha lene aye hue vyakti ki prashn kundli dvara pahchan kar leta tha to use bara vidvan samjha jata tha. iske viprit koi jyotishi is prakar satikta purvak pariksha lene aye jatak ki pahchan nahin kar pata to use ayogya samajh kar dandit tak bhi kiya jata tha. isi karanavash ‘muk prashna’ vidya atyadhik falne-fulne lagi evan kalantar men is par kai anusandhan hue.

muk prashn siddhi ek jyotishi men kisi jatak ke man men uthe prashnon ko prashn kundli dvara gyat karne hetu adhyayan ke atirikt, acharan evan niyamon ka samanvay hona bhi avashyak hai. jyotishi ko devagya bhi kaha jata hai kyonki jyotishi devon ki paristhiti ko bhi jyotishiya ganna dvara gyat kar lene ki kshamata rakhta hai. ek achcha jyotishi hona sabhi vidvanon ya mahatmaon ke bhagya men nahin hota. iske lie jyotishi ko astik, satyavadi, samdrishta tatha vinamra hona chahie. pratah suryoday se purva nidra ka tyag kar bhumi puja karke (bhumi bhi ek grah hai), shauchkaryon se nivritt hokar gayatri mantra ka jap kar, ishtadev ka smaran adi karke prashn kundli bana kar pahle ye dekhna chahie ki aj kitne jatak mere pas aenge athva kitne jatkon se milna hoga. is prakar abhyas karne se muk prashn ka falit karna adhik saral ho jata hai.

prashn kundli dvara prashn gyan: yah sarvavidit hai ki janm kundali ki tarah hi prashn kundli bhi prashnakarta ke fon karne athva vartalap karne ke samay ya milne ke sanpark karne ke samay, jo rashi purvi kshitij par udit ho rahi hoti hai use prashn lagn man liya jata hai. us samay ki grah sthiti ko janm kundli ki tarah manakar kundli ke vibhinn bhavon men rakhakar prashn kundli ka nirman kiya jata hai . adhunik yug men taknik ke barhte prayog ke karan prashn kudanli banana bahut saral hai. vahin dusri or prashn jyotish ko islie bhi mahatta prapt hui hai kyonki fesbuk, vhats epp evan intrnet ke madhyam se prashn puchne vale jatkon men vriddhi hui hai. durasth pradeshon men baithe jatkon se sarlta purvak sanpark hona jyotish ki is vidha ke prachalan ka mukhya karan hai. pra

kundli men prashn lagn, prashn lagnesh evan chandrama ki sthiti sarvadhik mahatvapurn hoti hai. purva jyotirvidon ke anusar prashnon ki sankhya ek se adhik hone ki sthiti men:


apni kundli men rajyogon ki jankari paen brihat kundli riport men


û pahle prashn ka lagn se, dusre prashn ka chandrama sthit bhav aur tisre prashn ka vichar surya sthit bhav ko lagn man kar karna chahie.

û chaithe prashn ka vichar brihaspati sthit bhav ko lagn man kar karna chahie. yadi brihaspati ast ya nich rashisth ho to us bhav ko lagn n man kar jis bhav men koi grah vakri avastha men ho us bhav ko lagn man kar chaithe prashn ka vichar karna chahie. agar ek se adhik grah vakri hon to unmen se sarvadhik bali grah ke sthit bhav ko lagn manakar chaithe prashn ka vichar karna chahie.

û isi prakar panchven prashn hetu budh, shukra tatha mangal men se jo grah bali hokar jis bhav men sthit hai us bhav ko lagn manakar falit karna chahie.

û prashn kundli men chandrama ka lagnesh se jitne bhavon ka antar hoga us sankhya vale bhav ke sanbandh men prashn hona chahie. udahrnarth vrishabh lagn men lagnesh shukra saptam bhav men vrishchik rashi men sthit hain aur chandrama makar rashigat ho kar dasham bhav men sthit hain. atah lagnesh shukra se chandrama char bhav ki duri par hain. atah prashn kundli ke chaithe bhav mata, bhumi, sanpatti adi se sambandhit ho sakta hai.

û lagnesh jis bhav men ho us bhav se sambandhit prashn hona chahie.

û prashn lagn men mesh, sinh tatha vrishchik rashi men agnikarak grah surya athva mangal sthit hon to prashn kisi dhatu se sambandhit ho sakta hai. yadi lagn par surya athva mangal ki drishti ho to prashn dhatu sanbandhi ho sakta hai. vartaman jyotish men prashn dhatu, jiv, mul adi tak hi simit nahin rahe hain apitu vivah, naukri, sthan parivartan, rog, satta-lotri adi kai prakar ke prashn jatak ke man men ho sakte hain. atah anusandhan ke anusar kuch falibhut yog is prakar hain:

û prashn lagnesh jis bhav men ho us bhav se sambandhit prashn hona chahie.

û prashn lagnesh jis bhav men ho us bhav ka svami lagnesh ko dekhe to jatak svayan ke bare men prashn lekar ata hai.

û lagnesh tatha chandrama men se jo grah bali, svagrihi, uchch ya mulatrikonasth hokar jis bhav men sthit ho us bhav se sanbandhit prashn ho sakta hai.

û shukra ka sanbandh chandra athva mangal ke sath ho to prem-vivah ya prem sanbandhon ke sambandh men prashn hona chahiye.

û chathe bhav ka sambandh dvitiya athva dasham bhav se ho to prashn naukri ke sanbandh men hai, yadi dvitiyesh, dashmesh ka sambandh saptam ya ekadash bhav se ho raha ho to prashn vyavsay ke bare men hona chahie.

û yadi dasham bhav par surya athva guru ki drishti ho to prashn sarkari naukri se sambandhit hona chahie.

û chathe bhav men nich rashisth chandrama ho to prashn chot athva kisi bimari ke sanbandh men hona chahie.

û dvadshesh, navmesh evan tritiyesh ka sanbandh lagnesh ke sath ho to videsh yatra ka prashn ho sakta hai.

û lagnesh ast ho tatha koi pap grah ashtamesh hokar, chandrama ko dekhe to ganbhir bimari ya jivan mrityu ka prashn ho sakta hai.

û kundli ke chathe bhav men kisi grah ka parivartan yog ho to khone ya chori hone ka prashn hona chahie. udahrnartha: prastut prashn kundli men jatika ne ratri men fon dvara prashn banane ko kaha. prashn samay ru 20 bajakar 22 minat dinank: 18-3-2017 sthan: gajiyabad kes 1: prashn lagn men kanya rashi hai evan lagnesh budh surya ke sath saptam bhav men hai. navam bhav ko dakshin bharat men pita ka bhav mana jata hai. navmesh shukra lagnesh budh evan surya ke sath yuti karke saptam bhav se lagn ko dekh rahe rahen hain. surya pita ka karak hai. atah prashnakarta ne sanbhvtya apne pita ke lie prashn kiya ho. lagnesh ke bad ham chandra ko dekhte hain.


apni kundli men sabhi dosh ki jankari paen kampalit dosh riport men


chandra ekadshesh hai evan nich rashi ka hokar ashtam se ashtam (tritiya) bhav men ashtamesh mangal se drisht hai. atah jatika ke pita ko kisi mrityu tulya kasht ka anuman hota hai. mangal par chandra ki drishti aspatal sanbandhi prashn ki bhi sanbhavna bana rahi hai. lagn men guru vakri hai tatha shashthesh shani dasham bhav, shashth bhav ko evan lagn ko dekh raha hai. atah prashn pita ki bimari se sanbandhit ho sakta hai. is tarah jatika ne apne pita ki bimari se sanbandhit prashn kiya hoga jo kadachit aspatal men ho. yah bat jatika ke agle kol se pramanit bhi ho gayi. jatika ke pita kidni ki samasya ke chalte aspatal men pbn men bharti the aur jatika ne unke svasthya sanbandhi prashn kiya tha. lagn men guru ka hona ayushya k lie shubh hai sath hi lagnesh bhi bali hai aur lagn vargottam hai is vajah se jatak ki ayu par prabhav nahin hoga, yadyapi mrityutulya kasht avashya hoga parantu lagn ast hai evan lagnesh budh navmesh shukra ke sath navansh men ashtam se ashtam yani tritiya bhavasth hai jo ayushya hetu chinta ka vishay hai.

udaharan 2 prashn samay ru 10ah45 subah dinank: 2-3-2017 sthan: dilli prastut udaharan men jatak ne fon karke shanka tatha samadhan hetu prashn kundli banane ko kaha. prashn lagn men lagnesh shukra shashthesh bhi hai evan uchch ka hokar ekadash bhav men ashtamesh tatha ekadshesh guru se drisht hai. atah prashn prashnakarta ke bhai-bahnon se sambandhit ho sakta hai evan lagnesh, ashtamesh ka samasaptak hona jivan mrityu athva bimari se sambandhit prashn ki sanbhavna banata hai. chandra dvadshesh mangal ke sath dvadash bhavasth hai jo aspatal men arth vyay ki sanbhavna bhi darshata hai. brihaspati ashtamesh hai evan navmansh men kanya rashisth ho kar ashtam bhav men hai. is tarah jatak ke kisi bhai athva bahan se sambandhit prashn ho sakta hai jo aspatal men kisi rog ke karan bharti hai.

iski pushti jatak se agle sanpark men ho gayi. jatak ki bhatiji aspatal men kidni ki samasya se jujh rahi thi aur jatika se ye kasht kab samapt hoga ye janne ke lie sanpark kiya tha. is prakar yadi jatak ke man men uthne vale prashn ko bina jatak ke bole hi prashn kundli bana kar prastut kar diya jaye to nissandeh vah achanbhit ho jayega . yah kala ek jyotishi ke prati jatak ke man men nishtha tatha shraddha utpann karti hai, jiske falasvarup jyotishi dvara bataye gae upay ko jatak lagn evan shraddhapurvak nibhata hai aur jatak apne karyon men saflta prapt karta hai.


kya apki kundli men hain prem ke yog ? yadi ap janna chahte hain desh ke jane-mane jyotishacharyon se, to turant link par klik karen.


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

madhumeh evan jyotish visheshank  June 2017

aj pratyek vyakti kharab jivan shaili evan galat khan-pan ke karan kisi n kisi bimari se grasit hai. unhin men se ek bimari hai madhumeh, jo pratyek varg ko bari asani se apni giraft men le leti hai. fyuchar samachar ke jun 2017 ke madhumeh evan jyotish visheshank men madhumeh par yogya jyotishiyon ne anek achche lekh likhe hain. sath hi jyotish ke achche alekh bhi pratyek mas ki tarah prastut hain jinmen se madhumeh par kuch lekh is prakar hain- madhumeh rog hone ke karan aur nivaran, madhumeh ke jyotishiya karan v nivaran, madhumeh rog aur aur jyotishiya drishtikon, madhumeh rog se sanbaddh mukhya grah evan bhav nakshatradi vivechan, madhumeh ahar aur savdhaniyan, jyotish aur madhumeh, daybitij aur prakriti chikitsa, hastarekha se madhumeh rog ka gyan, madhumeh ki giraft men selibriti valrd adi. inke atirikt jyotishiya lekhon men sthayi stambhon men bhi achche lekh purva ki bhanti rochak v gyanavardhak hain. satya katha men is bar ek charchit saif ki kundali ka vivechan kiya gaya hai - kvin aef indiyan vejiteriyan resepij-nisha madhulika, pavan sthal stambh men baba tarkeshvar ki mahima ko bataya gaya hai vastu men flait ke nakshe ka vastu samadhan adi.

Subscribe


.