डायबिटीज और प्राकृतिक चिकित्सा

daybitij aur prakritik chikitsa  

Views : 1699 | June 2017

jin logon ko daybitij ho jati hai, unhen hamesha dar bana rahta hai ki ab jindgi men mithas nahin hai, jabki hakikat to yah hai ki daybitij ka hona apko jivan ke prati sachet kar raha hai ki ap ab tak keyrles jivan ji rahe the, ab bari hai jagrukta ke sath jine ki. daybitij matra insulin harmon ki kami ke karan paida hua rog hai aur insulin ka nirman sharir ki painkriyaj granthi dvara kiya jata hai. ham jo bhojan karte hain, vah sharir men vibhinn prakriyaon se gujrne ke bad glukoj men badal jata hai jo ki sharir men urja ke rup men karya karta hai.

jab rakt men glukoj ka star barh jata hai to painkriyaj dvara sravit insulin harmon glukoj star ko niyantrit rakhta hai. jab insulin sravan ki matra men vyavdhan a jata hai to rakt men glukoj ka star adhik hone ki vajah se daybitiz ho jata hai. daybitiz rog ke kya-kya lakshan hain ? kisi bhi lakshan ko puri tarah daybitij ke lie jimmedar nahin thahraya ja sakta hai. fir bhi nimn lakshan spasht ho sakte hain, jaise:- 1. peshab ka bar-bar ana. 2. bahut pyas lagna. 3. munh sukhna. 4. thakan v shithilta. 5. ankhon men jalan v chubhan. 6. sharir men khujli. 7. vajan kam hona. 8. bhukh adhik lagna. 9. peshab par chinti lagna. 10. kisi ghav ka shighra n bharna. iska upchar kya hai ? vyavasthit jivnshaili apnakar daybitij ko niyantrit rakha ja sakta hai, jisse ki jivan bhar davaon ki avashyakta nahin pare aur ab tak ke sarvekshan dvara siddh ho chuka hai ki davaon ke sath bhi yadi jivnshaili vyavasthit nahin hai to yah rog anya rogon ko janm deta hai. har halat men jivnshaili men badlav kar daybitij jaise rog ko kabu kiya ja sakta hai. jivnshaili men badlav kis tarah ho? aisa mana jata hai ki sab rogon ki shuruat pet se hi hoti hai, atah prakritik chikitsa ki vidhiyon dvara pet ko saf rakhen. pet par pratidin 30 minat tak mitti ki patti v 10 minat garm sek len.

painkriyaj vale hisse ko pratidin 3ah1 ke reshane men garm v thanda sek len. subah ke samay nimn asan niyamit rup se karen: 1. vajrasan 2. arddhamatsyendrasan 3. chakrasan 4. shavasan 5. naukasan 6. kapalbhanti 7. nari shodhan 8.udyan bandh 9. mulabandh 10. 3 se 4 kimi. ghumna. ahar men aise khadya padarthon ka chayan karna hoga, jinse sharir, painkriyaz v bita sels sakriya hote hon, jisse insulin nirman men sahayta milti ho. jaise-pattagobhi, fika dudh, mausam ke khatte fal, karela, khira, lauki, jamun, amrud, falsa, turai, bhindi, singhara, jau, jvar, chana ki roti adi. ek svasth vyakti jiska vajan 70 kigra. ke aspas hai, uske painkriyaz se 35 yunit insulin banta hai.

jab yah akriya ho jata hai, tab uski purti hetu upar se insulin usi kam hui matra ke anupat men lena parta hai. vyakti svasth ho ya daybitik, use har hal men aisa ahar v vyayam karna hi chahie, jisse insulin adhik se adhik prapt ho sake. jatiltayen:- daybitij ke rogiyon ko anya vyaktiyon ki tulna men jatil rog hone ki adhik sambhavnayen rahti hain, kyonki daybitij rogi vaise sharirik rup se to daybitik hota hai, par vah mansik rup se bhi apne ko daybitik man leta hai.

rog hone par sharir v ahar ke prati jagruk rahakar apni jivni shakti ko barhana hoga taki anya rog akraman hi n kar payen. iske lie samy-samay par khun v peshab ki janch karvate rahna chahie.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

madhumeh evan jyotish visheshank  June 2017

aj pratyek vyakti kharab jivan shaili evan galat khan-pan ke karan kisi n kisi bimari se grasit hai. unhin men se ek bimari hai madhumeh, jo pratyek varg ko bari asani se apni giraft men le leti hai. fyuchar samachar ke jun 2017 ke madhumeh evan jyotish visheshank men madhumeh par yogya jyotishiyon ne anek achche lekh likhe hain. sath hi jyotish ke achche alekh bhi pratyek mas ki tarah prastut hain jinmen se madhumeh par kuch lekh is prakar hain- madhumeh rog hone ke karan aur nivaran, madhumeh ke jyotishiya karan v nivaran, madhumeh rog aur aur jyotishiya drishtikon, madhumeh rog se sanbaddh mukhya grah evan bhav nakshatradi vivechan, madhumeh ahar aur savdhaniyan, jyotish aur madhumeh, daybitij aur prakriti chikitsa, hastarekha se madhumeh rog ka gyan, madhumeh ki giraft men selibriti valrd adi. inke atirikt jyotishiya lekhon men sthayi stambhon men bhi achche lekh purva ki bhanti rochak v gyanavardhak hain. satya katha men is bar ek charchit saif ki kundali ka vivechan kiya gaya hai - kvin aef indiyan vejiteriyan resepij-nisha madhulika, pavan sthal stambh men baba tarkeshvar ki mahima ko bataya gaya hai vastu men flait ke nakshe ka vastu samadhan adi.

Subscribe


.