अब्राहम लिंकन

abraham linkn  

Views : 3574 | January 2016

‘‘vyarth sandehon ko mitane ke lie bolne se achcha hai chup rahna aur murkh samjha jana’’... yah kahna tha amerika ke 16ven rashtrapti abraham linkan ka. rashtrapti banne ke bad jab logon ne unke bite hue kal ko tatolna chaha to unhonne kaha - ‘‘mere bite hue kal ko ulat pulatakar usmen mahanta dhunrhakar itihas banane ki koshish nira pagalapan hai- mera jivan aisa hi hai, ek sadharan kisan jaisa.’’ abraham linkan jaisi mahan shakhsiyat ka janm 1809 ki karkrati sardi men ek nirjan banjar men bani jhopri men hua tha. tab kaun janta tha ki bhalu ki khal men lipta yah balak age chalakar amerika ka rashtrapti banega. linkan ka bachapan behad abhavyukt tha. parhai ka shauk unhen bachapan se tha. ve jaisa bhi jahan se bhi prapt hota tha parhne ka, sikhne ka koi bhi mauka ganvate nahin the. unki hastalipi bahut sundar thi. likhne ke lie lakri ki takhti aur adhjli lakri hoti thi. kabhi-kabhi ve apni jhopri ki divaron par bhi likhte the.

apni sauteli man dvara di gai baibil aur isa ke febuls unhonne itni bar parhi ki unki apni shaili par in pustakon ki amit chap par gai. unke pas ‘kvin ke chutkule’ namak pustak bhi thi jo unhen thahake marne par majbur kar deti thi. unke jivan men aisi anek ghatnaen ghatin jinhonne unhen nirasha se bhar diya tha. apni mrityu ke kuch samay purva unhonne apne ek mitra se kaha tha ki ‘‘ilinaeyas men nange panv rahne vale majdur ke rup men ve rashtrapti bhavan men bitae kisi bhi kshan se adhik khush the. unhonne apne sapne shanti, vijay, sangh, ajadi ki raksha ki. yuddh samapti ke bad ve bahut khush the kintu yah shanti unke lie chir shanti ban gai. jab ve apne parivar aur doston ke sath vijay jashn mana rahe the tabhi vilkins buth ne unki hatya kar di. nau ghante tak mrityu se sangharsh ke bad unki mrityu ho gai. unke ek sachiv ne likha --- ‘‘unke thake hue chehre par avarnaniya shanti cha gai.’’


jivan ki sabhi samasyaon se mukti prapt karne ke lie yahan klik karen !


aiye jante hain linkan ke utar-charhav se bhare jivan ko unki janm kundli ke madhyam se-- linkan ka janmalagn kunbh hai tatha svami shani baithe hain dasham bhav men mangal ki vrishchik rashi men. lagnesh hone ke sath hi shani vyayesh bhi hain. shani apne hi nakshatra men aur chandrama ke upanakshatra men hain. chandrama shashthesh hokar dvadash bhav men sthit hain. shadbal men shani surya ke bad dusre nanbar par hain. lagn men su. bu. ka budhaditya yog bana hua hai aur budh ast bhi nahin hain. isi karan linkan sujh-bujh ke atyant dhani the. parhne men unki atyadhik ruchi thi. ve sikhna chahte the aur jab bhi unhen avasar milta tha ve iska labh uthate the. lagnesh shani dasham bhav men sthit hai. mantri nriptirdhani krishi parah shurah prasiddho'mbare. faldipika, 8 adhyay, shlok-24 dashamasth shani jatak ko krishi karya men tatpar, raja ya raja ka mantri, atyant prasiddh aur shurvir banata hai. linkan ne bachapan v yuvavastha men krishikarya kiya kintu atyant nirdhan jivan vyatit kiya anttah unhonne rashtrapti pad prapt kar svayan ko sabit kiya.

dvitiya bhav men dvitiyesh brihaspati ke sath hi sukhesh v bhagyesh shukra uchchasth hokar baithe hain. dvitiyasth guru jatak ko buddhiman aur vagmi arthat bolne men kushal banate hain. dvitiyasth shukra jatak ko kavya premi banate hain. uparyukt donon hi gun linkan men the. unhonne anek kitabon ka adhyayan kiya tha jinmen sabse mulyavan upalabdhi ‘skaets lesansa’ thi. bolne ki kala se usne unhen avagat karaya aur sisro, demasthanij aur sheksapiyar ke patron ke mashhur vyakhyanon se parichit karaya. adhikansh bhashan aur kavitaen unhen kanthasth thin. banrs v unki kavitaon ne bhi linkan ki sanvednaon ko chua tha. tritiyesh mangal rahu se yuti banakar navam bhav men angarak yog bana rahe hain. mangal apne bhav ko drishti pradan kar rahe hain kintu pirit bhi hain. linkan ne bachapan se hi kathor parishram kiya kintu ve har karya ko tatparata se nahin karte the. unhen majduri par rakhne vale kisanon ko shikayat thi ki linkan behad sust the.

chaturthesh shukra dhan bhav men chaturth se ashtamesh arthat ekadshesh brihaspati se yut hanai aur uchchasth hokar sthit hain. chaturth bhav sukh v mansik shanti ka hota hai. jab vyakti mansik rup se shant hota hai tabhi use jivan ke sukhon ka anubhav hota hai. chaturthesh shukra ko ashtamesh ka sath mila is karan linkan ne ajivan mansik pira jheli. rashtrapti banne ke bad bhi linkan ko ek bhi kshan sukun ka nahin mila. vyayesh shani yadyapi lagnesh bhi hain kintu ve vyay bhav ke gun bhi lie hue hain aur shani ki purn drishti chaturth bhav par hai. yahi karan hai ki linkan sadaiv pira ki anubhuti karte rahe. panchmesh budh lagn men surya ke sath budhaditya yog bana rahe hain. pancham bhav gyan v shiksha ka hota hai. budh, brihaspati aur shukra gyan ke karak grah hain. linkan ki kundli men inki sthiti kafi achchi hai. linkan ki parhai men gahri ruchi thi arthat unhen jab bhi kuch parhne v sikhne ko milta tha ve sadaiv sikhte the.

shashthesh chandrama dvadash bhav men baithakar viprit rajyog ka nirman kar rahe hain. linkan ka janm surya ki mahadsha men hua tha jo ki ek varsh 9 mah shesh thi. uske bad lagabhag 11-12 varsh ki avastha tak linkan ko chandra ki dasha prapt hui. is avdhi men unhonne kafi jatil paristhitiyon ka samna kiya. uske bad praranbh hui mangal ki mahadsha. mangal apne hi nakshatra aur shukra ke upanakshatra men hai. sath hi mangal karmesh hokar apne se vyay arthat navam bhav men baithe hain. isi karan mangal ki dasha men bhi lagabhag 18-19 varsh tak linkan ko apne kiye hue karyon se koi labh nahin prapt hua. fir praranbh hui rahu ki mahadsha. bhagya bhav men rahu parakramesh v karmesh mangal se yut hokar apne hi nakshatra aur ketu ke upanakshatra men hain. rahu par ketu aur mangal ke alava anya kisi grah ka prabhav nahin hai. bhagya bhav men sthit rahu ne unhen majduri karne se lekar amerika ke rashtrapti banne tak ka safar karvaya.


get detailed kundli predictions with brihat kundli phal


saptam bhav ke svami surya lagn men panchmesh budh se yuti banakar lagn, pancham v saptam ko purn prabhav pradan kar rahe hain jinapar bhagya bhav men baithe rahu ki purn drishti bhi hai. surya mangal ke nakshatra v ketu ke upanakshatra men tatha budh rahu ke nakshatra v chandra ke upanakshatra men hain. lagn, pancham, saptam ka sanbandh prem tatha prem vivah ka dyotak hota hai. linkan ne prem bhi kiya aur unka vivah bhi hua. kintu panchmesh budh chandra ke upanakshatra men hai aur chandra vyay bhav men hai. linkan ki pratham premika ki bimarivash asamay mrityu ho gai . is ghatna ne linkan ko hilakar rakh diya. unhonne atmahatya tak ka prayas kiya. fir unke jivan men bhai ain taid jinse unhonne vivah kiya. saptamesh surya shadbal men sarvadhik bali hain aur lagn men panchmesh v ashtamesh budh se yut hokar baithe hain. linkan ki patni ne linkan ko badlne ka kafi prayas kiya. linkan ka vivah apni premika se hota to shayad ve jivan bhar khush rahte kintu rashtrapti kabhi nahin ban sakte the.

mairi ne linkan ki jivan shaili badli aur sust ravaiye ki ninda ki. mairi ne unhen rajnaitik gatividhiyon men sakriya kiya aur namankan pane ki daur men sanlagn kiya. ashtam bhav ke svami budh aur markesh arthat saptamesh surya lagn men baithakar marak bhav ko purn drishti de rahe hain. ayu par ashubh prabhav spasht hai isi karan linkan apne jivan ke 50 varsh bhi purn nahin kar pae. 15-4-1865 ko linkan ki goli marakar hatya kar di gai. us samay shani ki mahadsha men budh ka antar aur ketu ka pratyantar chal raha tha. shani lagnesh v vyayesh, budh ashtamesh tatha ketu ashtam se ashtam arthat tritiya bhav men baithe hain. gochar men surya v budh mesh rashi men tritiyasth, shani tula rashi men navamasth, shashthesh chandrama vrishchik rashi men nich ke hokar dashamasth gochar kar rahe the. lagnesh vyayesh, ashtamesh, markesh sabhi ne milakar unki mrityu ki bhumika bana di. navmesh shukra marak bhav men sthit hai aur pitri karak surya svayan markesh hai.

linkan ke apne pita se sanbandh sadaiv katutapurn rahe. linkan ne apne pita ka arthik sahyog to kiya kintu unke jivan ke antim dinon men bhi unse milne nahin gae. dashmesh mangal apne se vyay bhav navam men rahu se yut hai. isi karan se linkan ko apne karyon se koi labh nahin hua. lagn men bane budhaditya yog, dasham men sthit shani jis par svarashisth brihaspati ki drishti hai, ne unhen ek nyayapriya vakil avashya banaya. shani hi unhen rajniti men lae aur shani ne hi unhen das pratha ka prabal virodhi banaya. linkan peshe se vakil the. vakalat karte the kintu linkan ko kabhi bhi itni amdni nahin hui ki ve apna udhar chukta kar saken. yahan tak ki rashtrapti banne ke bad bhi linkan logon se liya hua apna karj ada karte rahe. surya v shani jab bhi lagn se kendra men hote hain, jatak ko mahatvapurn pad pradan karte hain. linkan ki kundli is bat ka udaharan hai. ekadshesh brihaspati svarashisth hokar dhan bhav men bhagyesh shukra se yut hai.


apni kundli men sabhi dosh ki jankari paen kampalit dosh riport men


ekadash mitra bhav bhi hai. linkan ke do ghanishth mitra the jinke bina shayad linkan apne vakalat ka kariyar shuru bhi nahin kar pate. khane-kapre aur rahne ka prabandh inhin mitron dvara hota tha aur linkan sadaiv ishvar se iske lie abhar vyakt karte the. brihaspati apne hi nakshatra men aur mangal ke upanakshatra men hai. isi karan linkan ke mitron ke karan hi linkan ko saflta prapt hui. brihaspati/ rahu men hi linkan rashtrapti bane. dasham bhav men shashthesh chandra sthit hai. dvadshesh svayan shani hain. chandrama ke upanakshatra men, budh v shani baithe hain. budh panchmesh v ashtamesh tatha shani lagnesh v vyayesh hain jiske prabhavavash unhonne pane se bhi adhik khoya. rashtrapti banne ke bad bhi grih yuddh men mare gaye 5 lakh logon ka apayash bhi linkan ke sir marha gaya aur unhen ghor ninda ka samna karna para. katu ninda ko jhelte hue bhi linkan shantipurvak apna sarvashreshth yogdan karne ka prayas karte rahe.

jivan ke antim din linkan asim anand ki anubhuti kar rahe the kyonki unhonne apne sapnon ki raksha ki thi--- ‘‘shanti vijay sangh aur ajadi’’. tippani: linkan ki kundli men navam v tritiya bhavasth rahu-ketu ke madhya sabhi grahon ke upasthit hone ke karan shankhchur namak kalasarp (dosh) yog ban raha hai. is yog men mansik ashanti, dhan prapti men badha, grihasthi men kalah, bure svapn ana, apni kshamata v karya kushlta ka purn fal n prapt hona, achanak saflta milna v achanak hi pratishtha nasht hona adi ashubh fal prapt hote hain. kalasarp dosh linkan ki kundli men purn prabhav dikha raha hai. linkan majdur se rashtrapti ban gaye kintu mansik shanti unhen kabhi nahin mili.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

navavarsh visheshank  January 2016

navavarsh 2016 ka agaman shighra hi ho raha hai. har vyakti naye sal ki shuruat shubhatva ke sath karna chahta hai tatha uski yah koshish hoti hai ki ane vala sal yadgar sabit ho. fyuchar samachar ke navavarsh visheshank men bahuvidh evan bahuayami alekhon ka sangrah hai jismen sammilit hainah uttarayan aur makar sankranti ki bhranti, amir khan ke vivadit bol, rahu-ketu ka rashi parivartan, 2016 men mausam ka hal, navavarsh 2016 manglkari kaise ho, 2016 men bharat ki rajniti, arthavyavastha aur sheyar bajar, varshik rashifal 2016 adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe


.