आमिर खान के विवादित बोल

amir khan ke vivadit bol  

Ank ke aur Lekh | Sambandhit Lekh | Views : 1563 |  
amir khan ka janm pushya nakshatra ke chaturth charan men hua. nakshatra svami shani ekadash (labh) bhav men apni mulatrikon rashi men panchmesh surya va saptamesh shukra ke sath sthit hai. janm samay shani dasha- 1 varsh, 10 mah 5 din shesh thi. bhagyesh brihaspati lagn men mitra rashi men sthit hain. us par svakshetri labhesh shani ki drishti hai. lagnesh mangl pancham bhav men brihaspati, surya, shukra v shani se drisht hai. chaturth bhav men svakshetri chandrama lagn sthit brihaspati se kendra men gajkesri yog bana raha hai. aisi shubh grah sthiti ke karan unka janm pratishthit parivar men hua. unke pita tarik husain film prodyusar the aur chacha nasir husain apne samay ke safal filma nirmata v nirdeshak the. atah unka laln-palan bhali prakar se hua aur sab sukh suvidhaen prapt huin. dusre bhav vrish rashi men uchchastha chapraveshi rahu shubhakatrtari yog men hai. filmi parivarik parivesh men abhinay kala ko paripakva karne ka suavasar mila, parantu shiksha sadharn rahi. chaturth svakshetri chandrama ne sukh aur vivekshil buddhi pradan ki. faldipika granth ke anusar panchamastha mangal vidya aur santan sanbandhi kashta deta hai. saptamesh aur patni ke karak shukra par surya, shani aur mangl ke prabhav hone se 21 varsh ki ayu men tina datta se prem vivah kiya. unka 2002 men talak ho gaya. fir unhonen 2005 men apni asistenta kiran rav se dusra vivah kiya. navmansh men bhi shukra shani v rahu se pirit hai. ‘faldipika granth’ ke anusar ketu ashtam bhav men kalh’, chot v karya badha deta hai. navmansh men ketu saptam bhav men shani ke sath sthit hai. unke pita ne unko film men rishi kapur ke sath lanch kiya tha jismane unka kam saraha gaya. parantu ketu dasha ke karan kariyar tivra gati se nahin barha. shukra dasha ke shuru hone par 1991 se age 20 varsh saflta, dhan aur khyati barhi. shukra dvitiyesh hokar ekadash men svakshetri labhesh shani tatha panchmesh surya ke sath hai aur us par lagnesh mangal ki drishti hai, jisne apar saflta aur dhan pradan kiya hai. unki surya dasha 20-1-2011 se aranbh hui aur 13-9-2015 se ketu bhukti hai. 24-11-2015 ko surya dasha-ketu bhukti men rahu ka antra tha. 18-11-2015 se shani v surya ketu ke upar se gochar kar rahe hain, jo lagn se ashtam bhav hai aur chandrama se pancham bhav hai. shani is ashubh yuti ka prabhav lagn se karm, vani aur buddhi bhav par dal raha hai jiske falasvarup chot ke karan unhen apni nai film ‘dangl’ ki shuting rokni pari, aur fir buddhi bhram ke karan bina parinam soche vichare matibhram ke prabhav men ek vaktavya dekar bare vivad men fans gaye. yah vivad 21-1-2016 tak chalega. fir uske bad surya-shukra men 20-1-2017 tak ve sthiti samanya kar payenge. chandrama ki dasha (20-1-2017 se 20-1-2027) men gajkesri yog ke prabhav se punah saflta aur janmanas se adr payenge. uprokt jyotishiya samiksha darshati hai ki ashubh dasha-bhukti (surya-ketu-rahu) aur grah gochar se matibhram ke karan apne vaktavya se ve vivad men fans gaye hain.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2016

navavarsh 2016 ka agaman shighra hi ho raha hai. har vyakti naye sal ki shuruat shubhatva ke sath karna chahta hai tatha uski yah koshish hoti hai ki ane vala sal yadgar sabit ho. fyuchar samachar ke navavarsh visheshank men bahuvidh evan bahuayami alekhon ka sangrah hai jismen sammilit hainah uttarayan aur makar sankranti ki bhranti, amir khan ke vivadit bol, rahu-ketu ka rashi parivartan, 2016 men mausam ka hal, navavarsh 2016 manglkari kaise ho, 2016 men bharat ki rajniti, arthavyavastha aur sheyar bajar, varshik rashifal 2016 adi. iske atirikt is visheshank men sabhi sthai stambhon ka samavesh bhi purva ki bhanti kiya gaya hai jismen vividh ayami alekh sammilit hain.

Subscribe

Apne vichar vyakt karein

blog comments powered by Disqus
.