नैर्ऋत्य (दक्षिण-पश्चिम) में भारी निर्माण क्यों

nairritya (dakshin-pashchim) men bhari nirman kyon  

Ank ke aur Lekh | Sambandhit Lekh | Views : 456 |  
prakriti ke andar do prakar ki shaktiyan payi jati hain, ek hai sakaratmak tatha dusri hai nakaratmak. inmen se vyakti ke jivan men sukh-samriddhi prapt karne men sakaratmaka shakti sahayta karti hai. iske viprit nakaratmak shakti vyakti ke andar krodh evan nirasha utpann karti hai. vastushastra men panchmhabhuton ke talmel se ek aise nirman ki prakriya batlai gai hai jo bhavan ke andar vyavastha banati hai. is shastra men pratyek kon evan disha men uski prakriti ke anusar nirman karne par jor diya gaya hai. vibhinn dishaon men vibhinna devi-devtaon ka adhipatya hota hai, atah bhukhand ke vibhinn bhagon men us disha se sanbandhit devtaon ka adhikar hota hai. atah bhukhand par nirman karate samay kis bhag men kis prayojan hetu kaksh banaya jae yah nirnay us bhag ke adhikari devta ki prakriti aur svabhav ko dhyan men rakhakar kiya jana chahie. vastushastra men niyam evan siddhant is bat ko dhyan men rakhkr hi banaye gae hain. inke anusar bhavn nirman karane se disha se sanbandhit devta prasann rahenge aur bhavan ka upyog karne valon ko uttam ashirvad prapt hoga aur bhavan ke nivasi sukh evan shanti se yukt jivan vyatit karenge. yadi vastu ke siddhanton ke pratikul nirman kiya jaega to sanbandhit devta kupit honge aur unke kop ke karn pra bhavan ke nivasiyon ko anek prakar ke kasht evan dukh sahne parenge aur unka anisht hoga. parinamasvarup jivan men nirasha ka samrajya hoga. nairritya ke svami grah rahu evan ketu hanai tatha nairuti devta ka adhikar hai. rahu evan ketu svabhav se krur grah hain. ye vyakti ke jivan men samasya evan sankton ko utpann karte hain. yadi nairritya kon ko khula rakha jae to bhavan men rahne valon ko pratidin sankton ka samna karna parega, jiska parinam nakaratmak hoga. atah in donon grahon ki krurta se milne vale parinamon se bachne ke lie is disha men kam khula tatha adhikatam nirman karna chahie. is disha men khirki evan darvaje kam se kam hone chahie. nairritya kon men surya ki kirnen apne prachand rup men hoti hain. is samay surya se raktabh kirne niklti hain. ye kirnane apni tikshnata ke karan bhavan men rahne valon ke andar ghabrahat, bechaini ko utpann karti hain jiske parinamasvarup aj ki paristhiti men vyakti ka rakta chap uchch ho sakta hai. in nakaratmak prabhavon se bachne ke lie is disha men divar ko bhari banana chahie. nairritya kon men vastupurush ke pair hote hain arthat vastupurush ka adhar. pairon se vajan ko uthaya ja sakta hai, yah prakriti ka niyam hai. hamare sharir ka vajan bhi hamare pair uthate hain atah unka majbut hona avashyak hai. vastu purush ke pair hone ke karan bhi is disha men bhari nirman kar bhavan ko majbuti pradan ki ja sakti hai. is prakar nairritya kon men bhari nirman karne se bhavan ko nakaratmak shaktiyon ke prabhav se bachakar sakaratmaka shaktiyon ka pravesh karaya ja sakta hai. bhavan ke andar in sakaratmaka shaktiyon ke prabhav se ek achcha vatavaran taiyar hota hai jismen rahkr vyakti apne lakshya ko asani se siddh kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  July 2006

parivarik kalah : karan evan nivaran arakshan par prabhavi hai shani sone-chandi men teji la rahe hai guru aur shukra kalah kyon hoti hai

Subscribe

Apne vichar vyakt karein

blog comments powered by Disqus
.