ईशान में पूजाघर क्यों

ishan men pujaghar kyon  

Ank ke aur Lekh | Sambandhit Lekh | Views : 448 |  
bhartiya sanskriti men niyamit puja karne ka vidhan hai. puja karne se vyakti ke man evan mastishk donon hi ekagra hote hain. jivan men rachnatmak vikas ke lie mansik santulan atyavashyak hai. vyakti ke mastishk men vicharon ka pravah lagatar chalta rahta hai. is pravah men achche evan bure donon prakar ke vichar ate hain, vyakti ko in donon ke madhya aise vicharon ka chayan karna hota hai jo shubh hon. shubh vichar hi manushya ko shubh karya karne ke lie prerit karte hain. vastushastra men pratyek karya karne ka sthan nishchit kiya gaya hai. bhavan ke andar pujaghar ishan kon men banane ka vidhan hai. ishan kon men vastu purush ka sir sthit hai. is karan is sthan par mansik karya karne ki urja prapt hoti hai. ishan kon purva evan uttar se prapta hone vali urja ka kshetra hai. is kon ke adhipti devta shiv hain. shiv vyakti ko dvandva men samrup se rahne ki shakti pradan karte hain. manushya ke jivan men labh, hani, jay-parajay, sukh-duahkh ate rahte hain jinmen vyakti ko sanym ki avashyakta hoti hai. ishan kon men sthit shiv vyakti ke manas ko shakti pradan karte hain. is sthan par puja karne se manushya mansik taur par pusht banta hai. bhagvan ki aradhna vyakti ke andr vishvas utpann karti hai jisse vyakti shubh sankalp se yukt hota hai. ishan kon bhavan ka vah sthan hai jahan pratahkalin surya ki kirnen sarvapratham parti hain. in kirnon men nihit altravaylet kirnon men itni shakti hoti hai ki ve sthan ko kitanu mukt kar pavitra banati hain. pavitra sthan par puja karne se vyakti ka ishvar ke sath tadatmya sthapit hota hai jisse sharir men sfurti aur shakti ka sanchar hota hai. ishankon men sthit pujaghar men pratahkalin surya ki kirnen apna prabhav chorti hain. is disha men puja karne se puja ke sath-sath sharir ko vitamin bhi milte hain jo manushya ke sharir ko svasth banate hain. is prakar dekha jae to is disha men vyakti ke tan evan man donon hi urjavan bante hain. jivan men yadi hamare pas svastha sharir evan svasth man hon to ham apne lakshya ko sarlta se prapt kar sakte hain. atah is kon se prapt hone vali urja ke sakaratmak prabhav ke karn hi vastushastra men is kshetra men pujaghr banana shreshth mana gaya hai. vartaman samay men hamare pas samay ka abhav hai. aise men yadi sahi disha men ghar men pujaghar banaya jae to usse prapt hone vale labhon se jivan ko sukh evan samriddhi se yukt kiya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.