आग्नेयकोण (दक्षिण-पूर्व) में रसोईघर क्यों

agneykon (dakshin-purva) men rasoighar kyon  

Ank ke aur Lekh | Sambandhit Lekh | Views : 446 |  
bhojan jivan ki mulbhut avashyaktaon men se ek hai. bhojan panchmhabhuton se bane prani ko urja pradan karta hai. bhojan jitna achche vatavaran men taiyar kiya jata hai uska labh utna hi manushya ko prapt hota hai. agni bhojan ko pakane men sahayak tatva hai. agni bhojya padartha ko supachya banati hai tatha vishanuon ka nash karti hai. is prakar ka bhojan manushya ke sharir ko pusht banata hai. manushya ko yadi bhojan n mile to uski kriyashilta prabhavit hoti hai. jis prakar mashin ko chalane men tel sahayta karta hai, usi prakar sharir ko chalane men bhojan sahayta pradan karta hai. vastushastra men bhojan ke sthan ka sanbandh pratipadit kiya gaya hai. bhojn yadi ruchikar evan vividhtapurn banaya jae to vah parivarik sadasyon ko apas men jorne ka karya karta hai. man jab parivar ke lie susvadu bhojn taiyar karti hai to pura parivar sharirik rup se santushti mahsus karta hai. yah santushti pure parivar ko prasannata pradan karti hai jisse parivarik sadasyon ko mansik bal milta hai. is prakar dekha jae to yah bhojan kisi bhi parivar ko sharirik, mansik evan bhavnatmak rup se majbut banane men sahayta karta hai. jivan ki mulbhut avashyakta hone ke karan bhojan ko sahi sthan par taiyar karna avashyak hai. vah sahi sthan kaun sa ho, iska chantan evan manan vastushastra ke acharyon ne varshon pahle kar liya tha. vastushastra ki visheshta yah hai ki ismen pratyek disha ki prakriti ke anurup karya karne ka sthan nishchit kiya gaya hai. yadi sahi sthan par karya kiya jae to kam shram men adhiktm labh ki prapti hoti hai. vastushastra men agni se sanbandhit karya ko karne ke lie agney kon ko upyukt batlaya gaya hai. iska karan hai agney kon men agni devta ki sthiti bhojan ko taiyar karne men sahayta karti hai. bina agni ke bhojan ki kalpana bhi nahin ki ja sakti hai. is agnikon ki ek visheshta yah bhi hai ki shukra grah iska svami hai. shukra bhojan ko vividhrup men taiyar karne men sahayta karta hai. jis prakar ek hi prakar ka bhojan jivan men nirsta pradan karta hai thik usi prakar vividhtapurna bhojan jivan men ras ka sanchar karta hai. aisa bhojan karne se vyakti ko atript anand ki anubhuti hoti hai tatha vah sharirik evan mansik rup se majbut banta hai. bhavan ke andar rasoighar men agni ka upyog hota hai, atah rasoighar banane ke lie agneykon sarvashreshth batlaya gaya hai. is sthan par agni ke sath-sath udykalin surya ki rashmiyon ka labh bhi prapt hota hai jo bhojan ko paushtik batane men sahayk hota hai. bhojan banate samay grihni ka mukh purva disha men rahe to vah shubh hota hai. iska karan yah hai ki purva disha se ane vali sakaratmak urja grihni ko shakti pradan karti hai, use chust evan chaikanna rakhti hai. ishankon men rasaighar ka nirman nahin karna chahie. yah kon jal ka kshetra hai. agni evan jal paraspar shatru hain. atah ishan kon men rasoighar ka nirman karne se ghar men mansik tanav, kalah tatha hani hoti hai. nairritya kon men rasoighar banane se parivarik kasht, agni se durghatanaon ka bhay tatha jan-dhan ki hani hoti hai. vayavya kon men rasoighar ka nirman is prakar kiya jae ki bhojan banane vala purvabhimukh hokar bhojan bana sake kyonki dakshinabhimukh hokar bhojn banane se dakshin se ane vali nakaratmak urja bhojan banane vale ko asantulit kar deti hai. parinamasvarup bhojan banane men vighna utpann hota hai. vartaman samay ka sabse bara dosh hai paraspar pratispardha ke karan vyakti apni karyakshamata se jyada karya kar raha hai. iske parinamasvarup parivar men tanav vyapt rahta hai. is tanav ko dur karne men vastusammat nirman kafi had tak sahayta kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.