वायव्य कोण में अतिथि कक्ष क्यों?

vayavya kon men atithi kaksh kyon?  

Ank ke aur Lekh | Sambandhit Lekh | Views : 528 |  
bhartiya samaj men vyavastha banane ke lie use parivarik ikaiyon men vyavasthit kiya gaya hai. manushya jivan men akela nahin rah sakta hai. janm se mrityu tak ka samay vah parivar men vyatit karta hai. parivar ke sadasya jivan men ane vale sukh evan dukh sath-sath bantte hain aur man men ane vale bhavon ka adan pradan karte hain. is prakar dekha jae to parivar men log bhavatmak jurav evan suraksha donon hi prapt karte hain. atithi vah vyakti hota hai jiske ane ki tithi tay nahin hoti hai ya dusre shabdon men kahen to jiska agmn achanak hota hai. vah kisi anya parivar ka sadasya hota hai. anya parivar se sanbandh hone ke karan uske achar, vichar evan vyavhar bhinn hote hain. iske viprit ek hi parivar men pale barhe hone ke karan parivarik sadasyon ke achar, vichar evan vyavhar men ekrupta milti hai. parivarik sadasyon ki sabse bari visheshta hai unka apsi vishvas jiske karn ve ek dusre se jure rahte hain. atithi ka nivas kisi bhi bhavan men asthayi hota hai kintu yadi yahi atithi lanbe samay tak parivar men rahta hai to parivar ke sadasyon ki nijta prabhavit hoti hai. jis karan atithi ka adr satkar dhang se nahin ho pata. atithi ke samne vyavhar thora banavti evan dikhavti hota hai. banavat jyada samay tak nahi rahti hai. atithi ka jyada samay tak rahna parivar ke kuch sadasyon ko achcha lagta hai. to kuch sadasyon ko bura jiske parinamasvarup parivar ke sadasyon men matbhed utpann ho sakte hain. ye matbhed parivarik sukh-shanti men badha utpanna karte hain. vastushastra men parivarik vyavastha ko banae rakhne ke lie vibhinn kakshon ki disha par vishesh dhyan diya gaya hai. bhavan ka vayavya kon vayu pradhan kshetra hai. is disha ke svami vayu devta hain tatha grah chandrama hai. vayu ki visheshta hai ki vah ek sthan par bandhakar nahin rahti hai. uski lagatar avagmn hota rahta hai. atah vayavya kon bhavn ka vah kshetra hai, jahan parivartana lagatar hota rahta hai ya dusre shabdon men kahen to jahan sthayitva ka abhav hota hai. is kon par chandrama ka bhi prabhav parta hai. chandrama ka sanbandh man se hai. vyakti ke man men bhavon ka sanchar lagatar chalta hai, jisse is sthan men tik nahin pata. atah vayavya kon men atithi kaksh banane se atithi kuch samay tak rahta hai tatha purna adr-satkar prapt karta hai. atithi yadi prasanna hokar jata hai to vah samaj men mejban ki prashansa karta hai. is prakar ham dekhte hain ki vayavya kon men bana atithi kaksh parivarik vyavastha ko sucharu rup se chalane men tatha atithi ko samman dilane men sahayak hota hai aur ‘atithi devo bhav’ ki bhartiya avdharan ka paln bhi asani se ho jata hai. vartaman samay men pratyek vyakti apna kam jald se jald kar prashansa prapta karna chahta hai. aise men vastusammata sthan vyakti ke man ke anukul parinam dilane men sahayta kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.