मंदिर के पास घर का निषेध क्यों?

mandir ke pas ghar ka nishedh kyon?  

Ank ke aur Lekh | Sambandhit Lekh | Views : 630 |  
vatavaran men sukshm tarange vidyaman rahti hain. vyakti jis prakar ka achar, vichar evan vyavhar karta hai, uske charon taraf usi prakar ka vatavaran banta hai. yah vatavrn apne madhyam se vyakti ko kabhi utsah aur kabhi umang ke rup men mahsus hota hai. ye chijen kisi bhi vyakti ki karyashakti ke vikas men sahayk hoti hain. aisa vatavaran vyakti ke anukul hota hai. iske viprit agr vatavaran pratikul ho to vyakti ke andar nirasha, tanav evan krodh jaise tatva paida hote hain jo vyakti ke mansik vikas ko badhit kar sharirik rup se kamjor karte hain. islie bhavan nirman se pahle vatavaran ko prabhavit karne vale tatvon ka vichar kar lena chahie. mandir men vyakti sukh men kam dukh men jyada jata hai tatha bhagvan ke samne apne kashton ko kahta hai. mandir men jab satsang hota hai to vahan achcha vatavaran banta hai parantu jab dukhi vyakti bhagvan ke samaksh apni bat kahta hai to uski jo bhavna utsarjit hoti hai vah nirasha ki tarangen vatavaran men chorti hai jiske parinamasvarup vatavaran dushit hota hai. aise nirash evan hatash logon ko dekhne se vyakti ke man men nirasha ka bhav jagrit hota hai. aise men yadi mandir ke pas apka ghar hoga to uska prabhav ghar par parega. ghar men bachchon se lekar bujurg tak sabhi rahte hain. bal sulabh man men yadi koi prabhav par jae to uska upay karna mushkil hota hai. mandir men devta ka sthan hota hai tatha uski ek niyamit dinacharya hoti hai. mangla se lekr shayan arti tak ka samay nishchit hota hai. iske viprit ghar men chahte hue bhi dinacharya vyavasthit nahi ho pati. devta aur manushya ki dinacharya ke paraspar virodhi hone ke karan ghar men ek prakar ka asantulan paida hoga jiske parinamasvarup ghar ke sadasyon men takrar, unche-unche sanvad hokar ghar ke sadasyon men manmutav ya batchit band bhi ho sakti hai. islie ghar mandir ke samip nahin hona chahie. mandir yadi ghar se dur hoga to vahan se ane vali ghantiyon ki avaj karnapriya lagegi tatha as-pas ka vatavrn madhur banega. iske viprit pas men mandir hone se dhvanipradushan hoga. aj ke samay men mandiron men nitya pratidin utsavon, bhajan, kirtan evan kathaon ka ayojan kiya jata hai. isse vahan logon ka avagaman laga rahta hai jisse ghar ki suraksha prabhavit hoti hai. mandir men lagatar hone vale karyakramon ke prabhav se vatavaran men shor hone lagta hai jisse ghar ki shanti bhang hoti hai. shanti bhang hone se vyakti ki ekagrata men kami ati hai jisse uske nirnay prabhavit hote hain. prachin samy ke mandir ya to paharon par ya nadi ke kinare athva van ke samip banae jate the, jahan jakar manushya shanti ka anubhav karta tha. parantu aj ke samy men ghar ke samip, kaeloni ke bhitr mandiron ka nirman hone se gharon men shanti ke sthan par tanav ghus aya hai. isse logon ki sahan shakti kam hui hai tatha tanav barh gaya hai. in sab karnon ko dekhte hue vastushastra men mandir ke samip ghar banane ka nishedh kiya gaya hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  March 2006

totke dhan agaman men rukavat kyon apke vichar mandir ke pas ghar ka nishedh kyon mahakaleshvar: vishva men anokhi hai mahakal ki arti

Subscribe

Apne vichar vyakt karein

blog comments powered by Disqus
.