vaise to ank jyotish aur hastarekha jyotish ki do ek dam alag vidhaen hain lekin donon ke sangam bindu bhi hain jo ek dusre ke purak hain. kaise, aie, janen is lekh se. ank jyotish se yah bataya ja sakta hai ki ane vala samay labhdayak hai ya kashtadayak tatha kaun-kaun se varsh mahatvapurn rahenge. bhavishya fal kathan men hasta-rekha vigyan tatha ank jyotish ek dusre ke liye sahayak ho sakte hain. yadi koi vyakti hamen apna hath dikhaye aur use apna janm dinank bhi gyat ho to donon ki sahayta se vishesh natije par pahuncha ja sakta hai.
hast rekha visheshagya ‘kiro’ ne apni pustak ‘laingvej aef haind’ ke prishth 184 v 188 par likha hai ki ayu ke kis varsh men vishesh ghatna hogi. yah nishchay karne ke liye vah (kiro) ayu ko 7-7 varsh ke bhagon men bantte the. prati satven varsh men, jivan men kuch mahatvapurn parivartan hota hai. ‘kiro’ ne likha ki vaigyanik drishtikon se vichar karne se bhi pata chala ki sat-sat varsh ka samay vieshesh parivartan utpann karne vala hota hai.
buy detail numerology report
kiro ke matanusar anadikal se prithvi ke samast deshon men ‘sat’ ki sankhya ka bahut mahatva raha hai. kiro ke matanusar janm se shuru karke pahle sat varsh ke bad, dusre sat varsh ke samay ko chorakar tisre, 5 ve, 7ve v 9 ve bhag men samanta hoti hai. isi prakar jivan ke chaithe, chathe, 8ve, 10ve v 12van bhag ek saman hote hain. udaharan ke liye yadi ek balak apne 7ven varsh men bimar v kamjor raha hai
to vah apne jivan ke 21 ven varsh men bhi bimar aur kamjor rahega. iske viprit yadi koi balak bachapan men bimar tha lekin satven varsh se uska svasthya achcha rahne laga hai aur yadi vah apke pas bis varsh ki ayu men apna hath dikhakar puchta hai ki uska svasthya kab thik hoga? to ap kah sakte hain ki 21 ven varsh se apka svasthya achcha rahega. uprokt chitra men jivan v bhagya rekha ko sat-sat varsh ke khand men banta gaya hai. kiro ke matanusar yah darshata hai
ki yuvavastha ke jivan ko do pradhan bhago men bantna chahe to pahla khand 21 varsh ki avastha se 35 varsh ki avastha tak rahega. jahan bhagya rekha shirsh rekha ko katti hai vahan se dusra khand praranbh hokar 56 varsh par samapt hota hai. bhagya rekha v jivan rekha ko sat-sat varsh ke khando men bant kar yah bataya gaya hai
ki kis samay bhagya ki sthiti kaisi rahegi. hath ki rekhaon men kaun si rekha se kaun sa varsh samjhna chahiye, iska ‘ank jyotish’ se kaise talmel bithaya ja sakta hai, ab iski charcha karenge. udaharan ke liye ek manushya ap ke pas ata hai. us vyakti ke hath ke nirikshan ke uprant ap is natije par pahunche ki ayu ke 39 ven v 41 ven varsh ke pas jivan rekha par ashubh chinh hai
aur bhagya rekha bhi lagabhag isi avastha par kamjor ho rahi hai. is vyakti ki vartaman ayu 37 varsh hai aur vah 26ven varsh men adhik bimar raha tha aur varsh bhar uska svasthya achcha nahin raha kintu 28ven varsh se uska svasthya achcha rahne laga tha. ap vichar karke agar 26 men 14 varsh jorege to kah sakte hain ki vah vyakti 40 ven varsh men adhik bimar rahega. taduprant 54 ven varsh men bhi bimari ke asar rahenge.
jab hast rekha se ham kisi nirnay par pahunche aur hamen yah nishchay karna ho ki kis varsh men yah ghatna hogi to uske liye ham ank jyotish ka sahara lekar samay ko sunishchit kar sakte hain. pratham mahayuddh ke samay lard kichanar bharat ke pradhan senapti the. inki hast rekha se kiro ne bataya ki 66 varsh ki ayu men vah samudra men dub kar marenge. hatheli dekhakar yah pata chalta tha ki 66 varsh ki ayu men yatra rekha dvara bhagya rekha aur abhyuday rekha khandit ho rahi thi.
lard kichanar ke jivan ki mukhya ghatnayen san 1896, 1897, 1898, 1914, 1915 v 1916 men ghatit hui. inse kiro ne nishkarsh nikala ki jin varshon ka jor 6, 7 ya 8 hota hai ve varsh lard kichanar ke jivan men vishesh mahatva ke the. is karan 66 varsh ki avastha san 1916 men puri hone v ayu ke varsh men 6 ka ank do bar ane se unke jivan men vishesh ghatna ghati. kiro ki is bhavishyavani ka adhar ank jyotish tha. udaharan ke liye ek stri ka janm dinank 20-8-1973 hai. iske anusar uska mulank 2$0 = 2 ank hua v bhagyank 2$0$8$1$9$7$3 = 30 = 3$0 = 3 ank hua.
bahut se jatkon par bhagyank ke bajay mulank ka vishesh prabhav hota hai. is stri ki hast rekha dekhakar usse pucha gaya ki ap ka vivah kis avastha men hua to usne uttar diya 22ven varsh men. 22 ven varsh men 2 ank do bar a raha hai. use bataya gaya ki 29 varsh men use putra prapt hua hoga. yah bhavishya kathan aksharashah satya nikla. iska thora-thora ishara hastarekha men bhi tha. parantu 29 varsh ki jagah 28van ya 30van varsh bhi kaha ja sakta tha. jivan rekha ya bhagya rekha par ayu ka varsh nishchit karna keval drishti ke andaj par nirbhar rahta hai.
parantu ank vidya ke prabhav se jis jatak ka janm 20 agast ko hua hai to uske liye 20 van, 29van 38van varsh mahatvapurn hoga. n ki 28van ya 30van varsh. is prakar ank jyotish v hastarekha vigyan ke tal-mel se faladesh ka varsh nishchit karna asan ho jata hai.