ममता, जया और गोगोई के लिए शुभ रहा १३ अंक

mamta, jaya aur gogoi ke lie shubh raha 13 ank  

Ank ke aur Lekh | Sambandhit Lekh | Views : 3033 |  
mamta, jaya aur gogoi ke lie shubh raha 13 ank ank guru ashok bhatiya am taur par ashubh mana jane vala ank 13 mamta banarji, jayllita aur tarun gogoi ke lie shubh raha. 13 mai ko vidhansbha chunav ke natije ghoshit hue jo in netaon ki kismat chamka gae. pashchim bangal men 34 sal purani kamyunist parti ke lal garh ko dhahane vali mamta ke lie 13 ank behad shubh raha. mamta ne akhil bhartiya trinmul kanges ki sthapna 1998 men ki thi aur 13 sal bad unki parti ne vidhan sabha chunav men jabardast jit hasil ki. iske alava angreji vartani ke anusar mamta banarji ke nam men bhi 13 akshar hain. sath hi, unke lokapriya nare 'man, mati, manush' men bhi angreji vartani ke anusar 13 akshar hain. tarun gogoi ne bhi haitatrik mari aur lagatar tisri bar asam ke mukhymantri bane. yahi 13 ank jayllita ko tamilnadu ke mukhymantri pad ka taj pahna gaya. ank shastriya vishleshan ke anusar 1 aur 3 ko joren to 4 hota hai jo pragti ka pratik hai. 13 mai, 2011 ka mulank aur bhagyank 4 hai. ank 4 vala yah varsh shanivar ko aranbh hua tha jiska ank 8 hai. 4, 6 aur 8 ank ke mulank v bhagyank valon ko is varsh labh prapt hoga. mamta banarji ka bhagyank 8 hai, jayllita ka mulank 6 hai aur tarun gogoi ka bhagyank 6 hai. islie yah varsh in sabke lie labhdayak hai. pashchim bangal ka sthapna divas 26 janvri, 1950 hai. isse uska mulank 8 hai aur bhagyank 6 hai jo mamta ke bhagyank ka mitra hai. islie mamta ko vahan labh prapt hua. vahin tamilnadu ka sthapna divas 1 janvri, 1956 hai jiska bhagyank 6 hai jo jayllita ke mulank ka mitra hai. asam ka sthapna divas 26 janvri, 1950 hai. isse asam ka mulank 8 hai jo tarun gogoi ke bhagyank ka mitra hai. ank 13 jabardast urja vala ank hai. is urja ko agar sahi chainal aur sistam mile to natije bahut achche milte hain. ank 13 men vayu tatva pradhan hai. iske hone ki vajah se in logon ke kabhi satta men to kabhi bahar rahne ki sanbhavna rahti hai. is sal shani kafi achchi sthiti men hai. jayllita ko jit ke bad bhi thore kasht sahne par sakte hain. vahin tarun gogoi ki kundli men shani svagrahi hai aur apne param mitra shukra ke sath baitha hai. inke barhiya yog ban rahe hain. isse siddh hota hai ki vyakti ke jivan men ankon ka kafi mahatva hai. vyakti chahe jane-anjane men kuch bhi karta hai, ankon ka prabhav uske jivan ko avashya prabhavit karta hai. mulank, bhagyank aur namank ka vyakti ke jivan ke har pahlu se sanbandh hai.
Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.