दिशाओं से जानें अपने घर का वास्तु

dishaon se janen apne ghar ka vastu  

Ank ke aur Lekh | Sambandhit Lekh | Views : 1180 |  
purva disha: is disha ka svami grah surya hai. purva disha men dosh hone par pita v putra ke sanbandh achche nahin rahte hain. ghar men kisi sadasya ki alpayu men mrityu hoti hai to purva disha men hi dosh hai. sarkari naukri v pad men pareshani bhi isi disha men dosh ke karan hoti hai. parivar ke sadasyon ko netra rog, sir dard, hriday rog, charm rog v piliya jaise rog bhi purva disha men dosh ke karan hote hain. upay: 1. surya ko jal den. 2. purva disha men surya yantra ki sthapna karen. 3. bhari almari is disha men n rakhen. pashchim disha is disha ka svami shani grah hai. pashchim disha purva se nichi ho, to is prakar ke dosh paye jate hain. pashchim disha men dosh hone se naukron se pareshani va klesh rahta hai. ghar ke telifon, ti. vi., refrijretar ya anya upakaran bar-bar kharab ho jate hain. parivar ke sadasyon ko vayu-vikar, lakva, chechak, rirh ki haddi v pairon men kasht ho sakte hain. upay: 1. shani yantra ki sthapna pashchim disha men karen. 2. varun devta ki puja karen. 3. bhari almari is disha men rakhen. uttar disha: is disha ka svami budh grah hai. agar uttar disha dakshin disha se unchi ho to lakshmi asthir rahti hai. ay se adhik vyay hoga. vyavsay men hani hogi. parivar ke sadasyon ko nind thik nahin ayegi, gale ke rog ho sakte hain, mirgi va nak ke rog ho sakte hain. vani bhi dushit ho sakti hai. upay: 1. shri yantra ya budh yantra ki uttara disha men sthapna karen. 2. tulsi ko jal den. 3. uttar disha ko svachch rakhen. dakshin disha: is disha ka svami mangal hai. is disha men dosh ke karan parivar ke sadasya kisi bhi kort kachhri ke mamlon men fanse rahte hain. bhaiyon se parivar ke sanbandh thik nahin rahte hain. parivar ke sadasyon ko rakt vikar ya kushth rog ho sakta hai. yadi dakshin disha uttar disha ki tulna men adhik khuli ho to uprokt dosh ho sakte hain. upay: 1. dakshin disha men mangal ya hanuman yantra lagayen. 2. is disha ko bhari rakhen. 3. ghar men almari is disha men rakhen. uttara-purva (ishan kon) ishan kon ka svami guru hai. is disha men dosh hone par puja men man nahin lagta, ay men kami ati hai, dhan sangrah nahin ho pata, bachchon ke vivah men v nav-vivahit ko santan prapta hone men deri ho jati hai. parivar ke sadasyon ko udr-vikar, kan ke rog, kabj, anidra adi se kasht ho sakta hai. upay: 1. guru yantra ya sarasvati yantra ki sthapna ishan disha men karen. 2. is disha ko svachch v halka rakhen. 3. puja ghar bhi is disha men bana sakte hain dakshin-purva (agney) disha is disha ka svami shukra hai. is kon men dosh hone par pati-patni ke sanbandhon men karvahat a jati hai. prem men saflta nahin milti hai. vahn thik nahin rahte hain. kirayedaron se sanbandh achche nahin rahte hain, ghar men bar-bar choti-moti ag lag jati hai. parivar ke sadasyon ko madhumeh, harniya, bhuj v dhatu sanbandhi rog ya garbhashay se sanbandhit rog ho sakte hain. upay: 1. is disha men shukra yantra ki sthapna karen. 2. gulab ka paudha bhi is disha men lagaya ja sakta hai. 3. gharelu upkrnon ka rakh-rakhav nirantar rakhen. dakshin-pashchim (nairritya) disha: is disha ke svami rahu hain. is disha men dosh hone par dada v nana paksh se pareshani rahti hai. is kon men jiska vas hota hai, ghar men usi ki chalti hai. atah mastar bedrum is disha men banana chahie. yah disha khuli ya nichi ho to ghar mane aksar chori hoti rahti hai. parivar ke sadasyon ko tvacha rog, rakta vikar, mastishk rog, chechak, haija jaisi bimari ho sakti hai. upay: 1. is disha men rahu yantra ki sthapna karen. 2. bhure rang ke kutte ko biskut khilayen. 3. is disha men bhari saman rakhen. uttara-pashchim (vayavya) disha is disha ke svami chandra hain. is disha men dosh hone se mata se sanbandh thik nahin rahte hain. kanya ke vivah men bhi vilanb ho sakta hai. parosiyon se jhagre ka karan bhi is disha men dosh hota hai. parivar ke sadasyon ko mansik pareshani, anidra, sardi-jukam, mutra rog, pathri, nimoniya adi rog ho sakte hain. upay: 1. chandra yantra ya nav durga yantra ki sthapna is disha men karen. 2. panchmukhi rudraksh ki mala pahnen. 3. mata se sanbandh achche banayen. brahm sthala: svayan brahma hi is sthan ke svami hain. ghar ka madhya bhag brahm sthan kahlata hai. iske dushit hone par har karya men rukavat ati hai. parivar ke sadasya mansik dabav mahsus karte hain. sakaratmak urja ki kami rahti hai. nakaratmak urja ke karan man bojhil rahta hai. upay: 1. purva disha ki divar par vastu dosh nivaran yantra ki sthapna karen. 2. brahm sthan ko halka rakhen. 3. ghar men gayatri mantra ka jap rojana karen.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2016

jyotishiya patrika fyuchar samachar ke is vastu visheshank men bahut achche vivah se sambandhit lekhon jaise vastushastra ka vaigyanik adhar, vastu nirman kal purush yog, vastu dosh shanti hetu kuch sarl upay/totak,vithishul: shubhashubh fal evan upay adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

Apne vichar vyakt karein

blog comments powered by Disqus
.