prakash: makan ke purva ya ishan bhag men, makan ke andar ke andhere kamron, bhagon, stors adi men surya ki roshni adi nahin pahunchti hai to vahan, ratri men prakash hetu tej roshni hetu balba/tyub adi lagayen. vahan safai bhi hoti rahe taki nakaratmak urja apna sthayitva n bana sake.
sangit: makan ke pravesh dvar ke andar ghantiyan latkayen, bhavan ke andar pratah tatha sayan bhakti sangit ki madhur lahriyan gunjti rahen- dhime-dhime. isi sandarbh men arti ke ghante-ghantiyan evan shankh dhvaniyan bhi hain. paudhe evan
pushpa: pravesh dvar, gailri, angan, draeing-rum adi sthanon par sajavti paudhe, pushp vale paudhe ke gamle rakhe jayen.
kristal bael: yah pravesh dvar, draeing-rum, risepshan adi par rakhi ya latkayi jayen.
machli ghara/favvara: gharon men ishan men machli-paet/ kanch ka taink rakhen.ise draing rum men bhi rakhen. ismen favvara bhi chalta rahe. ismen jore se kali, lal v goldan machliyan dalen. kamarshiyal bhavnon men favvare lagaye ja sakte hain.
bans/bansuri - bim ka dosh shant karne hetu lal fite men bandhakar bansuri latkayi jati hai, bans ke paudhe rakhe jate hain. kalar thairepi: divaron ka rang, pardon, chadar, takiyon adi ka rang grahon ke rangon ke anukul rakhne se rashmi-spandon se manav man mastishk ko vilakshan dhang se prabhavit kiya ja sakta hai. rangin balbon ka prakash bhi vastu doshon ki shanti men sahayak siddh hota hai.
vibhinn yantra: maruti yantra, bhaum yantra, surya, kali, vyapar vriddhi, sarvamangal vastu, indrani yantra, dikdoshnashak yantra, varun yantra, shriyantradi ki sthapna achuk manglkari siddh hoti hai. sath men krityanashak vastu yantra, dvartoran, sarvamanglkari kauri toran tatha vibhinn rupon men shrignesh ki sthapna (16 prakar ke rup men) karni chahie.
vibhinn totke:
1. rirh ka dard kam karne ka totka: chini manyata ke anusar, yadi palang ki dari ke niche (bich men) likhne vale chaek ka tukra rakh diya jaye to rirh ki haddi ka dard, kamar ka dard mit jata hai evan nind aram se ati hai.
2. aishvarya vriddhi v upay :
1. madhya eshiya, singapur, bainkaek, hangkang mane prachalan hai ki lal rang ki riban yadi mukhya pravesh dvar par latkai jaye to ghar men aishvarya ki vriddhi hoti hai.
2. bharat men manyata hai ki am, kaner, pipal, baragad evan ashok vriksh ke patton ka torn/bandnvar mukhya dvar par latkaya jaye to ghar men aishvarya ke sath-sath sukh-shanti ki prapti hoti hai.
3. najar utarne ka totka: dukan, karyalay adi ke darvaje par ‘ek ninbu tatha sat hari mircha’ latka deni chahiye jahan sabki najar pare. isse dukan ki ay men vriddhi hoti hai.
4. dukan par isht devta ki archana ah dukan, karyalay adi men isht devta, kul devta adi ki sthapna kar, pratidin puja-archana-dhup-dip avashya karen.
5. mridu svabhav: vyavhar hi vyavsay ki mul saflta hai. sadaiv grahak evan bhikshuk se sadvyavhar karen. bura-bhala n bolen.
6. dharmarth seva: karobar ke vishuddh labh ka 1/6 bhag dharm karya-danadi men kharch karen.
7. ghore ki nal: mukhya dvar par ghore ki nal avashya lagayen.
8. chandi ka sarpa: muhurt ke samay ninv men chandi ka sarp banvakar dalen.
9.svastik: dakshin bharat, gujrat v maharashtra men kai jagah dekhne men ata hai ki grihiniyan nitya prati apne gharon ke bahar dvar par suryoday ke samay mandne-rangoliyan
- svastik kunkum ke pair adi banati hain, ye sab sukritya ghar ko buri atmaon, buri najar valon se bachakar ghar lakshmi ke pravesh ko sugam banate hain.
10. kela v tulsi: mukhya dvar par kela v tulsi ka paudha lagayen tatha nirantar sinchen.
11. anar ka paudha: apne khali pare plaet (bhumi) par jisapar abhi makan banna hai uski bhumi par ‘shukla paksha’ men ‘hast nakshatra’ ke din ek anar ka paudha lagakar nitya dekhbhal karen. isse makan banane layak dhan ki shighra vyavastha ho jati hai. anar men lakshmi ka vas hai, ap ‘shrisukta’ ke nitya path se use shighra jagrat kar lakshmi ko prasann kar sakte hain. yah parikshit tantrokt totka hai.
12. tasviren: ghar ki divaron par ‘tajmhl’, daravni tasviren n lagayen. ye negetiv enarji utpann karte hain.
uprokt sabhi upay tatha totke, apki sukh-samriddhi, dhan-dhanya ki vriddhi kar jivan men shanti late hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!