वास्तु दोष एवं उपाय

vastu dosh evan upay  

Ank ke aur Lekh | Sambandhit Lekh | Views : 2142 |  
kisi bhi ghar, vyavsay, udyog ya bilding men koshish karne par bhi kuch n kuch vastu dosh rah jata hai jiske karan kasht uthane parte hain. yadi purana bana hua ghar ho ya flait ho to hamen use usi rup men svikar karna parta hai. torakar vastu dosh ko thik kar pana sadaiv mumkin nahin hota. atah vastu dosh ko upay dvara hi thik karne ki koshish ki jati hai. in doshon ke kya upyukt upay kie ja sakte hain, iska vivaran pathkon ke labh hetu varnit hai: prashna: nairritya kon nicha ho ya vahan gaddha ho uttara: nairritya kon men dosh ho to ghar men aksar bimari rahti hai, dhan ki kami bani rahti hai, kimti saman chori ho jata hai. yadi vyavsay men yah dosh ho to rin bana rahta hai. udyog men yah dosh chori karvata hai. karmachari apne lie adhik chinta karte hain. ve kanpni ke kam vafadar hote hain. sabse achcha upay to yahi hai ki nairritya ko bhari v uncha kar diya jay. lekin upay ke rup men vahan par ek tikona jhanda jisapar hanuman ji parvat lekar ur rahe hon, lagana chahie. niche choti si sangamaramar ke gol pattharon se parvat banakar us par shivji- bina jal ke sthapit karna chahie. isse yah dosh purn samapt ho jata hai. ishan men borvel bana dene se ya gaddha karne se bhi dosh men kami ati hai. prashna: rasoi ghar agney men n ho uttara: is karan ghar ki malkin kasht men rahti hai. ghar men svasthya bhi bigra rahta hai. aise men agney men shukra yantra sthapit karen. ho sake to agney men lal balb jalayen. prashna: pravesh dvar dakshin ya pashchim se ho uttara: yadi ghar ka pravesh dvar dakshin ya pashchim disha men ho to parivar ke mukhiya ko sharirik kasht v mansik kasht rahta hai. yadi apke ghar ka pravesh dvar dakshin disha men hai to pravesh dvar ki chaikhat par lal rang ka 3’’ chaira pent karna chahie ya iske sthan par lal rang ki pattinuma sangamaramar ki tayal bhi lagayi ja sakti hai. pravesh dvar par navaratn jarit svastik piramid lagana chahie. yah piramid ghar ke darvaje ke bahri taraf lagayen. sath hi mangal ki disha hone ke karan mangal ka yantra pravesh dvar ke upar andar ki or manglvar ko lagayen. pashchim disha men dvar hone par ghar ki pragti mand ho jati hai. atah dvar par andar ki or shani ki disha ka yantra lagayen, sath hi pravesh dvar par chaikhat par 3’’chaira nile rang ka pent karvana chahie. prashna: uttar purva men shauchalay ho uttara: uttara-purva disha ko ishan kon kahte hain, yah sthan bhagvan ka sthan hota hai, tatha is sthan ka shasak grah guru hota hai. ghar men rahne vale sadasyon ka adhyatmik vikas nahin hota hai. parivar men bachchon ka bauddhik vikas ruk jata hai tatha parivar ki arthik sthiti bhi kharab hone lagti hai. taeylet ke andar uttara-purva disha men kisi patthar ya slaib ke upar kanch ke katore men samudri namak ya sabut namak bhar kar rakhen tatha kam se kam tin mahine men ek bar use avashya badlen. taeylet ke pravesh dvar ki chaikhat par pile rang ka pent karen tatha pravesh dvar par darpan lagayen tatha taeylet ki uttari divar par chat se milakar kam se kam 6’’ chaira darpan lagayen. dhyan rakhen ki darpan men svayan jatak ya taeylet ki sit dikhai nahin deni chahie. prashna: pani ka srot ya kund agney/nairritya men ho uttara: dakshin-purva disha agney kon kahlata hai tatha is disha men agni ka sthan mana jata hai. is disha men jal srot ya kund hone par agni tatva ki kami hoti hai. ghar ki striyon men sajne-sanvrne ya khubsurat dikhne ke shauk aur shringar ki ruchi men kami karta hai. ghar ke mukhiya ko strisukh men kami karta hai, sanbhav hai ki donon ka vaivahik jivan bhi badhit ho jayen. yadi pati-patni santanhin ho to santanotpatti men bhi badha a sakti hai. iske lie dakshin purva disha men agney kon ke svami grah shukra ka yantra lagaya jana chahie tatha us jal srot ya kund ke charon or 1-1 fit ki duri par visham sankhya men piramid lagana chahiye tatha piramid ke adhar par tanbe ke tar lagvakar paraspar jorte huye us jal srot ko shesh ghar se alg-thalag kar dena chahie. prashn : ishan kata/dba hua ho- ishan kon band ho uttara: aisa hone par guru se sanbandhit tathya jaise santan sanbandhi sukh, arthik pragti men badha, adhyatmik vikas men badha jaise falon ki prapti hoti hai. yadi ghar ya plaet ka ishan kon kat raha ho ya dab raha ho to us disha men ‘s’ akriti men lagabhag 1 fit se 1 mitar ki duri ke bich piramid lagaye jane chahie. is prakar ishan kon ke katne se jo urja kam ho rahi hoti hai uski kami puri ho jayegi. yadi ishan kon band hai ya daba hua hai to us disha men tatha uttar disha men bara sa darpan lagayen jisse ishan kon band najar n aye balki khula hua najar ana chahiye. ishan kon men shriyantra ya guru yantra bhi sthapit karen. prashn : brahm sthan par gaddha ho ya taeylet ho uttara: brahm sthan par brahmaji ka vas hota hai. brahm sthan ko uncha rakha ja sakta hai ya saman star par rakha jana chahie. yah sthan nicha nahin hona chahie aur n hi yahan taeylet hona chahie. yah sthan samuhik rup se ghar parivar men puja karne ka sthan hota hai. iska dosh santanotpatti men badhak banega tatha parivar men sukh-shanti v samriddhi samapt ho jayegi tatha ghar ki stri ko garbhashay ki samasya ho sakti hai. yadi ghar men yah dosh hai to brahmasthan men 9 ya 81 ka piramid set jamin ke niche dabakar sthit kiya jana chahie. sath hi navaratnon ko is piramid ke niche rakh dena chahie. prashna: ghar ke upar mandir/per/ bari bilding ki chaya ho uttara: ghar ke upar inki chaya ka hona, vastu vedh mana jata hai. aisi sthiti hone se ghar ka vikas tatha parivar ke mukhiya ke vikas men badha ati hai tatha anavashyak rup se pareshani ka samna karna parta hai. iske lie ghar ki baundri par samne ki or pakua darpan lagana chahiye tatha baundri par andar ki or tatha mukhya bilding ki divar par bahar ki or arthat amne-samne ki or munh karke piramid lagana chahie. isse nakaratmak urja paravartit hokar vapis chali jati hai aur ghar ke andar pravesh nahin kar pati hai. prashna: bed ka sir uttar men hai uttara: sir uttari disha men rakhe jane ke karan us vyakti ka rakt sanchar sucharu rup se nahin chalega, aur svasthya kharab ho jayega. aisi sthiti men palang ko aise hi pare rahne dena chahie. parantu sote samay palang ke pairon ki taraf sir rakhakar sona chahie aur yadi purva-pashchim men sir rakhakar bhi sona pare to so sakte hain. parantu uttar disha men sir bilkul nahin rakha jana chahie. prashna: sirhiyan vamavarti hain uttara: sirhiyon par charhne ke bad pahla mor sidhe hath ki or hona chahie jisse parivar men arthik star barhta jayega tatha parivarik unnati hamesha hoti rahegi. is dosh ko dur karne ke liye sirhiyon ki shuruat men 900 par ek chota patla sa step aur jor den aur yah step is prakar joren ki pahla kadam rakhne ke bad dusra kadam sidhe hath ki taraf murakar charhna pare. iske alava pratyek mor par piche ki or darpan lagayen. jisse sirhi shishe men sidhi dikhai de. prashna: kamre men uttara-purva men khanbha hai uttara: kamre men khanbha hona dosh hai, iske dosh ko dur karne ke liye iske charon or shisha laga den jisse us kamre men khanbha pratit nahin hoga ya uske charon or 2-2 piramid laga den. kamre men khanbha hone par jatak ko anavashyak tanav ki sthiti se gujrna parta hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2016

jyotishiya patrika fyuchar samachar ke is vastu visheshank men bahut achche vivah se sambandhit lekhon jaise vastushastra ka vaigyanik adhar, vastu nirman kal purush yog, vastu dosh shanti hetu kuch sarl upay/totak,vithishul: shubhashubh fal evan upay adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

Apne vichar vyakt karein

blog comments powered by Disqus
.