‘‘jaise kaviyon ke bich sheksapiyar ka koi sani nahin, vaise hi rajaon ke bich akabar atulniya hain.’’ visent i. smith aj ham bat kar rahe hain, hamida banu aur humayun ke bete jalaluddin muhammad akabar ki. akabar ka janm amrkot (sindh) ke rana virsal ke mahal men hua tha. us samay unhonne akabar ki hindu paddhati se kundli banvai thi. bare hone par bhi akabar hindu riti se bani apni janmakundli par vishvas karta raha. akabar ki kundli kark lagn ki hai. lagnesh chandrama dhanesh surya ke nakshatra aur bhagyesh tatha shashthesh brihaspati ke upanakshatra men hokar saptam bhavasth hai. navansh kundli men lagnesh shani apni nichasth rashi mesh men tritiyasth hai. ‘‘yasmintrashai vartate khecharastadrashinen prekshitashchetsah khetah. kshonepalman kirtimantan vitdhyat susthanashchetkin punah parthivendra.. faldipika, saptam adhyay, 27 shlok grah jis rashi men nich ka ho yadi us nich rashi ka svami nich grah ko purn drishti se dekhe to nichbhang rajyog hota hai. shani mangal ki mesh rashi men tritiyastha hai aur navam bhav se mangal ki purna drishti par rahi hai jis karan uttama nichbhang rajyog ban raha hai. janm lagnesh chandrama dhanesh v bhagyesh ka shubh prabhav lekar lagn ko purna drishti se dekh rahe hain aur navansh lagnesh nichbhang rajyog ko nirmit karke kundli ko balvan bana rahe hain. dhanesh hai surya jo ki apni nich rashi tula men baithe hain. ‘‘yadyeko nichagatastadrashyida pasta duchachap kendre. yasya s tu chakravarti samast bhupal vandhandhriah.. 27 .. faldipika, saptam adhyay, shlok 27 yadi grah ka nichnath aur uchchanath donon paraspar kendra men hon to nichbhang rajyog nirmit hota hai. surya ke nichnath shukra tritiya bhav men aur uchchanath mangal shashth bhav men hain. donon hi paraspar kendra men hain, jis karan nich bhang rajyog ban raha hai. akabar ka janm surya ki mahadsha men hua aur uska unhen purn shubh fal prapt hua. uske bad praranbh hui lagnesh chandrama ki mahadsha. chandrama baithe hain dhanesh surya ke nakshatra aur bhagyesh brihaspati ke up nakshatra men. chandrama par bhagyesh brihaspati ki purn drishti bhi hai. lagnesh par bhagyesh ki, vo bhi brihaspati ki drishti ka hi prabhav tha ki akabar dharmik gunon se yukt the kintu dharmik kattarata ke virodhi the. akabar ne muslim dharm ke sath hi hindu v anya dharmon ko saman mahatva diya. chandrama saptam bhav men virajman hai. shayad yahi karan tha ki akbr ka pratham vivah matra nau varsh ki ayu men chandra dasha men hua. akabar ki kundli men ek vishesh bat hai tritiyesh v chaturthesh ka sthan parivartan yog. chaturth bhav mata ka v tritiya bhav chaturth ka vyay bhav kaha jata hai. isi karan akabar ko man jaisa dudh paryapt matra men n mil saka. islie dhay mataon ka prabandh kiya gaya tha. samanyatya janm dene vali man hi apne bachche ko dudh pilati hai aur har prakar se uski dekhbhal karti hai. shayad chaturthesh v tritiyesh ke 2/12 ke sanbandh ka hi prabhav tha ki akabar ke jivan men unki man ka pad lene ke avasar kai mahilaon ko mile. inhin mahilaon men ek nam hai mahm anga ka jinhonne akabar ki bachapan se hi bahut seva ki aur akabar ne bhi maham anga ko bahut samman diya. chaturthesh shukra uttam nich bhang rajyog bana rahe hain. nichetishthati yastadashritgrihadhishe vilagnadyada chandrada yadi nichagasya vihagasyochyakrsha nayo'thva. kendre tishthati chetprapurn vibhvah syachyakravarti nripo. dharmishtho'nyamhesh banditapadaste jodshobhagyavan.. 20.. faldipika, saptam adhyay, shlok 29 yadi koi grah nich rashi men ho to (ka) is nichasth rashi ka svami athva (kha) is nichasth grah ka uchchanath donon men se ek bhi chandra lagn ya janm lagn se kendra men ho to nich bhang rajyog hota hai. shukra ke nichnath budh chaturth bhav men hain aur chandrama saptam bhav men hai. atah budh lagn v chandra donon se hi kendra men hai. is prakar labhesh v sukhesh ke nich bhang rajyog ne akabar ko bhagyesh brihaspati se yut hokar mugl saltanat ka betaj badshah bana diya. kintu sukhesh ka vyay bhav men baithna sabhi sukhon ke upalabdh hone par bhi jatak ko sukh se vanchit rakhta hai. vaisa hi kuch akabar ke sath bhi hua. unka bachapan kafi uthl-puthal se bhara hua tha. chandrama ke bad praranbh hui mangal ki mahadsha. mangal ki mahadsha akbr ke pita humayun ke lie shubh nahin hui. mangal dashmesh v panchmesh hai. dashm bhav, navam pitri bhav ka marak bhav hai. humayun ki ek durghatana men asmy mrityu ho gai aur matra 13 varsh ki ayu men akabar ka rajyabhishek karke unhen shahanshah bana diya gaya. us samay unke pradhanmantri bane bairm khan. alpayu hone ke karan akabar ke vyaktitva men jo abhav tha uski purti uske sanrakshak ne puri kar di. bairam khan ne apni svamibhakti ka purn uttaradayitva nibhaya. mangal ki 7 varsh ki mahadsha men akabar ne bairmkhan ke sanrakshan men dilli aur agra par adhikar kar liya aur apne vijyi abhiyan men pragti ki. karmesh v panchmesh mangal kark lagn men yogkarak hote hain. mangal dasham se navam bhav men shashthasth hain. mangal shukra jo ki labhesh v sukhesh hain, ke nakshatra men aur saptamesh v ashtamesh shani ke upanakshatra men hain sath hi mangal, shadbal men sarvadhik bali grah bhi hai sath hi uchchabhilashi bhi hai. akabar ne shatruon ko parast karke apne samrajya ka bakhubi vistar kiya. mangal ke bad rahu ki mahadsha praranbh hui. rahu apne hi nakshatra aur saptamesh shani ke upanakshatra men ashtamasth hai. saptamesh shani par rahu ki purn drishti hai. is avdhi men akabar ke kai vivah sanpann hue. ashtam bhav sasural paksha ka bhav hai. rahu vijatiya vivah ke karak hain. ashtamasth rahu ka hi prabhav tha ki akabar ne is samyavdhi mane anek hindu rajaon ki kanyaon se vivah kiya. akabar ki kai santanane asamay kal kavlit ho gai. panchmesh mangl apne se dvitiya marak bhav men baithe hain aur vyayesh shukra ke nakshatra aur shani ke upanakshatra men hain. kintu mangal uchchabhilashi aur shadbala men sarvadhik bali bhi hai jiske parinamasvarup 30 agast 1569 ko rani harkha bai se ek putra prapti hui jiska nam salim rakha gaya. ek anya rani se putri khanam ka janm hua. uske bad 7 jun 1570 ko shahmurad aur 9 sitanbr 1572 ko daniyal ne mugal vansh ki abhivriddhi ki. shahmurad aur daniyal ki alpayu men atyadhik madirapan ke karn mrityu ho gai. mangal rahu ke bad brihaspati ki mahadsha men akabar ne mugal samrajya ka khub vistar kiya. brihaspati karmesh mangal ke nakshatra aur apne hi up nakshatra men hai. brihaspati ke bad shani ki mahadsha lagabhag 1587 men praranbh hui. shani apni uchch rashi men chaturth bhav men baithe hain aur shash namak mahapurush yog bana rahe hain. shani bhagyesh brihaspati ke nakshatra aur apne hi upanakshatra men hai. shani ki purn drishti dasham bhav par hai aur shani v guru ke nakshatriya sanbandhon ka purn prabhav akabar ke vicharon par bhi para. yuvavastha se hi akabar ko ishvar aur manushya ke apsi rahasyatmaka sanbandhon men dilachaspi thi. shani ki mahadsha men akabar ne kai ansuljhe prashnon ke uttar dhundhe. akabar ne vibhinn dharmon ke visheshagyaon ko rajamahal men bulakar dharmik charcha ki jisse uske gyan kosh men vriddhi hui. uska drishtikon vyapk v udar ho gaya. akabar ne sabhi dharmon se udarta ki baten grahan ki aur sankirnata se prerit baton ko tyag diya. isi gyan ke parinamasvarup akbr ne ek goshthi gathit ki jiska nam para ‘‘din-e-ilahi’’. 16-10-1605 i. ko akabar ne sada ke lie ankhen mund lin. dasha thi shani/brihaspati. shani saptamesh va ashtamesh tatha brihaspati shashthesh hain. brihaspati ashtam se ashtam tritiya bhav men shashth se shashthesh shukra se yut hokr virajman hain. gochar men lagnesh chandrama vrishchik men nich rashisth, mahadsha nath shani dhanu men shashthasth tatha antardasha nath brihaspati makar rashi men saptamasth the. shukra, surya, budh tula men tatha mangl sinh men, ketu min v rahu kanya men the. akabar ne hinduon aur muslmanon ke bich ka bhed kam karna chaha tha. vartaman yug ko akabar ke us sauhard ki sabse adhik darkar hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2016

jyotishiya patrika fyuchar samachar ke is vastu visheshank men bahut achche vivah se sambandhit lekhon jaise vastushastra ka vaigyanik adhar, vastu nirman kal purush yog, vastu dosh shanti hetu kuch sarl upay/totak,vithishul: shubhashubh fal evan upay adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

Apne vichar vyakt karein

blog comments powered by Disqus
.