होली पर किए जाने वाले विशेष टोटके

holi par kie jane vale vishesh totke  

Ank ke aur Lekh | Sambandhit Lekh | Views : 9189 |  

holi ka parva upay ki drishti se atyadhik fal dene vala hota hai is din kie gae totke shighra fal dete hain, atah is din upay karna shreyaskar hai....

ninv rakhne se pahle ap jis jagah apna vyapar shuru karna chahte hain ya bhavan banana chahte hain vah sthan apko puri anukulta de iske lie ap holi ke din vastu yantra ko pile rang ke vastra par sthapit kar len. uska pahle dhup, dip, naivedya arpit kar pujan karen aur nimn mantra ko 75 bar jap kar ninv men hi daba den. bhavan ho ya vyapar sthal, apke anukul bana rahega. vyapar men vriddhi hogi, bhavan men rahne vale sukhi rahenge. mantra- un namo vaishvanar vastu rupay, bhupti tvan me dehi dapay svaha.

vastu dosh nivaran

apne ghar ki suraksha ke lie vastu yantra ko upar likhe mantra ka 51 bar jap kar angan men daba den. yah sanbhav n ho to ghar se bahar jahan paudhe lage hon, vahan daba den. aisa karne se har prakar se apka ghar surakshit rahega. ismen shraddha ka hona avashyak hai.

grih klesh evan daridrata nivaran

ghar ke klesh, dukh, daridrata adi samapt hane, iske lie shuddh vastu yantra lekar kesar se sabhi sadasyon ka nam likh len aur upar die gae mantra ka gyarah bar jap karen. yah upay holi se pahle panch din tak karen. iske pashchat yantra ko holi ki agni men dal den- klesh, dukh, daridrata adi ka nash ho jaega.

shatru par vijay

mukdme men saflta prapt karne ke lie, shatru paksh ko nirbal karne ke lie ek kagaj par haldi se niche likha mantra likh len. fir baglamukhi ka dhyan karte hue use usi kagaj men mauli se bandh den. niche likhe mantra ka 41 bar jap karen. aisa panch din tak karen aur holi ke din yantra ko durga mandir men charha den. mantra- un hrin baglamukhi sarvadushtanan vachan mukhan padan stambhay jihnan kilay buddhin nashay hrin un svaha . niyam v shraddha ka hona avashyak hai.

najar dosh

bhojan ko buri najar se bachane ke lie usmen se pratyek padarth thora thora lekar ek patte par rakhen aur us par gulal bikheren. bad men use raste men rakh den. buri najar ka prabhav jaega, fir sabhi sadasya aram se bhojan kar sakte hain.

arthik sthiti men sudhar

yadi arthik sthiti kharab ho, to shukravar (shukla paksha) ko ekakshi nariyal par sindur, dhup, dip, naivedya charha kar lal vastra men bandhakar mata lakshmi se prarthana karen, lakshmi chalisa ka path karen v ekakshi nariyal ko apne vyavsay sthal par rakhen. yadi holi ke din yah upay kar len, to sone par suhaga.

pariksha men saflta

yadi pariksha men ank achche nahin ate, bar bar asflta milti ho to guru-pushya yog ka shukla paksh ke budhvar ko ganpti ke mandir men sindur ka dan karen. yah nishchit hai ki shraddha vishvas ke sath aisa upay karne se pariksha men parishram se adhik saflta prapt hogi. jinhen yah samasya hai vah yah upay nirdeshanusar avashya karen v labh uthaen. parikshaen ane vali bhi hain. sath sath parhai karna to avashyak hai, bhagvan usmen sahayta karenge.

karj mukti

yadi ap lagatar karjon se pareshan hon ya vyavsay men badha a rahi ho, ya kisi bhi prakar ay men vriddhi nahin ho pa rahi ho to ek siyar singi holi ke din ek chandi ki dibbi men rakh len v pratyek pushya nakshatra men sindur charhate rahen. aisa karne se ap ki uparyukt sabhi samasyaen dur ho jaengi v shighra hi fal ki prapti hogi

Kya aapko lekh pasand aaya? Subscribe
Kya aapko lekh pasand aaya? Subscribe


vaikalpik chikitsa visheshank  March 2007

tanav dur bhagne men sahayak vaikalpik chikitsa, ekyupreshar kaise kam karta hai? sparsh chikitsa ka jadui prabhav, jari butiyan ke amritdayi gun, upchar ke samay savdhaniyan, reki ekyupreshar evan pranik hiling upchar padviyon par vistar se charcha ki gai hai

Subscribe

Apne vichar vyakt karein

blog comments powered by Disqus
.