vartaman samay men aj pratyek manav ki manokamna atyadhik nam kama kar adhik se adhik dhan arjit karne ki rahti hai kyonki bina dhan ke vartaman men jivn-yapan asanbhav to nahin parantu kathin jarur hai. pratyek manav ek prabal ichcha apne hriday men hamesha rakhta hai ki vah ek prasiddh v dhanvan vyakti bane. aksar kaha jata hai - ‘‘bap bara n bhaiya, sabse bara rupaiya’’. prasiddhi tatha dhan ki ichcha to pratyek rogi, bhogi ya yogi sabhi men prablta se vidyaman rahti hai. parantu sabhi lakh yatn karne ke bavjud bhi lakhpti ya karorpti nahin ban pate aur n hi nam kama pate hain balki apne bhagya ko aur koste rahte hain. aise logon ke liye hi shayad ishvar ne divali ka tyauhar banaya hai jo tan (utam svasthya), man (manokamnayen) v dhan (paisa) prapt karne ka sunhra avasar pradan karta hai.
shastron men divali ke tyauhar ko manorath siddhi ka din kaha gaya hai. yahi vah din hai jab ayodhya vasiyon ki bhagvan ram ke ayodhya lautne ki manokamna puri hui thi. yantra-mantra, pujan v sadhna dvara devtaon se manokamnayen purn karvane ka din hota hai divali ! sukh, dhan, saubhagya, siddhi v nirogi jivan prapt karne ka din hota hai yah divali ka pavitra din ! isi din sabhi devta prasann mudra men hote hain, atah mang lo jo mangna hai ! divali ke din jatak ko apne ‘‘prasiddh nam’’ ke pahle aksharanusar apni rashi chunni chahiye kyonki apne prasiddh nam se hi jatak - karm karta hai, naukri vyapar adi karta hai, dhan ki prapti v bhugtan karta hai, baink men khata kholta hai, hastakshar karta hai aur ajakal to adhar kard bhi banvata hai arthat jatak apne prasiddh nam se hi dhan se jura pratyek karm karta hai. isliye prasiddh namanusar nimn upayon ko karne se jatak apne jivan ko dhan-dhanya se bharpur kar sakta hai:-
1. mesh rashi (chu che cho la li lu le lo a) -
- divali ke din shukra yantra v shani yantra par kramshah jarakan v nili jarva kar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- divali ke din shvetark ki jar jo shri ganesh ka pratirup samjhi jati hai, ki samman sahit puja sthal par pran pratishtha ki jaye aur rojana mahalakshmi ji ke nimn mantron ke sath unki v mahalakshmi ji ki puja ki jaye to mata lakshmi ki kripa prapt hoti hai ah- ‘‘un hrin ashtalakshmyai daridray vinashini sarva sukh samriddhin dehi dehi hrin un namah’’
- divali ke din se shuru kar ‘‘un shrin hrin klin glaun gan ganptye var vardye namah’’ mantra ka ganesh yantra ke sammukh panch mala jap yadi rojana kiya jaye to yash v dhan prapt hota hai.
- divali ke din chandi ki dhatu ka ‘‘shrin’’ banvakar uske charon or safed jarakan v nile jarakan jarvakar shri lakshmi ke mantron se purit kar gale men dharan karen to nishchit hi dhanlabh hota hai.
2. vrish rashi - (i u e o va vi vu ve vo)
- divali ke din budh yantra v guru yantra banvakar kramshah oneks v sunhla lagvakar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- divali ke din shriyantra ki pran-pratishtha kar pratidin puja karni chahiye. isse sabhi prakar ke duahkh, rog v daridrata ka nash hota hai aur bhautik sukh, shanti v anand prapt hote hain. is yantra ki puja ke liye mantra is prakar se hain - ‘‘shrin hrin shrin kamle kamlalye prasid prasid shrin hrin shrin mahalakshmyai namah’’.
- ‘‘shri yantra’’ ya ‘‘gajalakshmi yantra’’ ke sammukh nitya divali se shuru kar ‘‘shri sukta’’ ka path karne se dhan v yash ki prapti hoti hai.
- divali ke din se shuru kar har shukravar ko shri vishnu lakshmi ka pujan karne se dhan v nam milta hai.
3. mithun rashi - (ka ki ku gh d ch ke ko ha)
- divali ke din ‘‘shri mahalakshmi yantra’’ jo siddh kiya ho, ko ghar men sthapit kar nitya darshan v pujan karne se mata lakshmi sada sath rahti hai.
- divali ke din tulsi ki puja v ratri men kachche sut ko shuddh kesar se rang kar nimn mantra ka 5 mala jap karne ke pashchat karya sthal men rakhne se v rojana iske darshan v puja se unnati milti hai ‘‘un shrin shrin hrin hrin aishvarya mahalakshmyai purn siddhin dehi dehi namah’’
- divali ke din chandra yantra v mangal yantra banva kar kramshah moti v munga lagva kar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se dhan ki devi man lakshmi ki kripa prapt hoti hai.
- mangal yantra ke sammukh divali se shuru kar nitya ‘‘rinaharta mangal stotra’’ ka path karen to shighra hi rin utrne lagta hai aur dhan ki barakat hone lagti hai.
4. kark rashi - (hi hu he ho da di du de da)
- divali ke din surya yantra v shukra yantra banva kar kramshah manik v jarakan lagva kar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se devi lakshmi ki kripa prapt hoti hai.
- yadi divali ke din se shuru kar 72 dinon tak nimn mantra ka dhup dipadi ka upyog kar sava lakh bar jap kiya jaye to nishchay hi prachur dhan ki prapti hoti hai - ‘‘un shrin hrin klin tribhuvan palinya mahalakshmyai asmakan daridray nashay nashay prachuran dhanan dehi dehi klin hrin shrin un’’
- chandi se nirmit do gayon ko divali ke din abhimantrit karakar ek gay kisi vidvan brahman ko dan dene v dusri gay ko ‘‘kamdhenu daivya’’ ki bhanti ghar ke pujan sthal par rakhakar nitya darshan v pujan karne se dhanagaman bana rahta hai.
- divali ke din siddh v pran pratishthit ‘‘shri yantra’’ ko ghar men sthapit kar nitya ‘‘shri sukta’’ ka path karne se dhan yog barhta rahta hai.
5. sinh rashi - (ma mi mu mi ta ti tu ta)
- divali ke din budh yantra banva kar, us par oneks lagva kar tatha budh ke mantron se abhimantrit kar ghar ke mandir men yantra ko sthapit karne, nitya darshan v pujan karne se lakshmi mata ki asim kripa prapt hoti hai.
- divali ke din suryoday se do ghante ke bhitar ek nariyal ka gola lekar uska munh kat len. tab ghar ke sabhi sadasya usmen chini, bura, meve, desi ghi mila kar bhar den. jab gola bhar jaye to use pipal ya baragad ke per ke niche is prakar gar den ki gole ka munh jamin se upar kuch dikhta rahe. gole ke charon taraf thora chini bura bikher den taki chintiyan gole men jaldi pravesh kar saken. aisa karne se lakshmi us ghar se kabhi ruth kar nahin jati hain.
- devi durga ke sammukh devi ke 108 namon ka nitya smaran divali se shuru karen to atulya dhan labh hota hai.
- divali se arambh kar nitya pratah kuch bhi khane se pahle tulsi ke patra ka sevan karen, shubh hoga.
6. kanya rashi - (to pa pi pu sh n th pe pa)
- divali ki rat men chandi ki dhakkan vali dibiya men nagkesar v shahad bhar kar apni tijori ya galle men rakh den. agli divali tak aise hi rahne den. fir dipak jalakar rojana shri sukt ka path ya vishnu sahasranam ka jap karen. tijori sare sal dhan se bhari rahegi.
- divali ke din chandra yantra v shukra yantra banva kar kramshah moti v jarakan lagva kar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se dhan ata hai aur man lakshmi ki kripa prapt hoti hai.
- kurm prishth par bane ‘‘shri yantra’’ ya ‘‘mahalakshmi yantra’’ ke sammukh divali ke din se arambh kar nitya ‘‘shri sukta’’ ka path karne se dhanagaman bana rahta hai.
- divali ke din ‘‘safed gunja’’ ko lakshmi ke mantron se abhimantrit kar shahad men dubokar pujan sthal ya tijori men rakhne se dhan ki raksha hoti hai.
7. tula rashi - (ra ri ru re ro ta ti tu ta)
- divali ke din mahalakshmi ji ki puja ke samay man ko ek itra ki shishi charhayen. usmen se ek fulel lekar man ko arpit karen. fir puja ke pashchat usi shishi men se thora itra svayan ko laga len. iske bad rojana isi itra men se thora sa lagakar karya sthal par jayen to rojgar men bhi
- divali ke din surya yantra v mangal yantra banvakar kramshah manik v munga lagvakar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai v yash milta hai.
- divali ke din se arambh kar pratyek ravivar ko gayatri mantra v manglvar ko mangal mantron ka rudraksh ki mala par jap karne se dhanagaman bana rahta hai.
- divali ko ‘‘shri mahalakshmi yantra’’ ko sthapit kar nitya ‘‘indrakrit mahalakshmi ashtak stotra’’ ka path karne se dhan vriddhi hoti hai.
8. vrishchik rashi - (to na ni nu ne no ya yi yu)
- ganesh ji riddhi-siddhi ke data hain aur lakshmi ji dhan ki devi hain. donon ka sanyukt yantra mahayantra kahlata hai. divali ke din is yantra ki pujadi karne ke pashchat galle ya tijori men rakhne se dhan ka bhandar bhara rahta hai tatha parivar men vyakti prasann aur sukhi rahta hai.
- divali ke din guru yantra v budh yantra banvakar kramshah sunhla v oneks lagvakar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- divali se shuru kar ‘‘un namo naraynay’’ mantra ka shri vishnu ji ke sammukh jap rojana karen, dhanlabh hota hai.
- devi durga ke sammukh ‘‘dehi saubhagyamarogyan dehi me param sukham. rupan dehi yasho dehi jayan dehi dvisho jahi..’’ mantra ka jap divali se shuru kar rojana karen, dhan dur nahin jata.
9. dhanu rashi - (ye yo bha bhi bhu dha fa dha bhe)
- divali ke din shani yantra v shukra yantra banvakar kramshah nili v jarakan lagvakar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- divali ke din 11 haldi ki ganthon ko pile kapre men rakh kar nimn mantra ka 11 mala jap kar tijori men rakh diya jaye aur rojana vahan diya jalaya jaye to vyapar ki unnati hone lagti hai - ‘‘un vakratunday hun’’.
- divali ko lajavart nag ko chandi men jarvakar lakshmi ke mantron se abhimantrit kar madhyama anguli men dharan karne se jatak dhanvan banta hai.
- ‘‘un hrin klin mahalakshmayai namah’’ mantra ka shri lakshmi ki tasvir ya yantra ke sammukh divali se shuru kar nitya 5 mala jap karne se dhan agaman hota hai.
10. makar rashi - (bhe ja ji khi khu khe kho ga gi)
- divali ke din shani v mangal yantra banvakar kramshah nili v munga lagvakar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- divali ki sham ko ek supari v ek tanbe ka sikka lekar kisi pipal ke per ke niche rakh den. ravivar ko usi pipal ke per ka patta lakar karyasthal par gaddi ke niche rakh dene se grahak bane rahte hain aur dhan ane lagta hai.
- divali ke din shani yantra ko ghar ke pashchim disha men nile kapde ke asan par sthapit kar nitya shani ke mantron se jap karen v tel ka dipak bhi jalayen to jatak dhani banta hai.
- divali se shuru kar, har manglvar ko ‘‘rinaharta mangal stotra’’ ka path karne se dhanlabh hota hai.
11. kanubh rashi - (gu ge go sa si su se so da)
- divali ke din guru yantra banvakar, sunhla lagvakar tatha guru ke mantron se yantra ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- divali ki amavasya ki rat se pahle ane vale shanivar se ghar ki puri saf-safai shuru kar deni chahiye. raddi, tuti chijen adi nikalakar baki chijen karine se rakh deni chahiye. sham ke samay ghar ke sabhi balb kam se kam 20 minat ke liye rojana roshan kar dene chahiye. nimn mantra se rojana lakshmi ji ki upasna karne se sukh v samriddhi milti hai. ‘‘un ain hrin shrin san siddhidan sadhay sadhay svaha’’
- divali ke din ‘‘guru yantra’’ ko sone men banva kar v abhimantrit kar gale men dharan karne se dhan ki devi mehrban rahti hai.
- ‘‘shri lakshmi narayan yantra’’ ko divali ke din ghar ke pujan sthal par sthapit kar pujan darshan karne se dhanagaman hota rahta hai.
12. min rashi - (di du th jh de dea cha chi)
- divali ke din shani v mangal yantra banvakar kramshah nilam v munga lagvakar tatha inhin grahon ke mantron se yantron ko abhimantrit kar ghar ke mandir men sthapit karne, nitya darshan v pujan karne se man lakshmi ki kripa prapt hoti hai.
- shri yantra, kuber yantra ya dakshinavarti shankh ghar ke pujanasthal par rakhakar nitya darshan v puja karen to chamatkari parinam svatah hi dekhe ja sakte hain.
- manuge ke ganpti divali ke din sthapit kar ‘‘un ekadantay vidmahe vakratunday dhimhi tanno danti prachodyat’’ mantra ka jap karne se nishchay hi dhanlabh hota hai.
- divali se shuru kar ‘‘daridryadhnshiv stotra’’ (shri vashishth munikrit) nitya path karne se dhan yog prabal banta hai.