शंख प्रश्नोतरी

shankh prashnotri  

Ank ke aur Lekh | Sambandhit Lekh | Views : 4390 |  
shankh ka puja men kya mahaÿv hai? shankhon ka hindu dharm sanskriti men prachinkal se hi vishesh mahatva raha hai. ashtasiddhiyon evan navnidhiyon men shankh ka mahatvapurn sthan hai. shri vishnu ke char ayudhon men shankh ko bhi sthan prapt hai. shankh pujan se daridrata nivaran, arthik unnati, vyaparik vriddhi aur bhautik sukhon ki prapti hoti hai. puja, yagya evan anya vishisht avsron par shankhnad hamari paranpra men hai. shankh-dhvani ke bina koi puja sanpann nahin mani jati. mandiron men niyamit rup se aur gharon men puja-path, dharmik anushthan, vrat, kathaon, janmotsav ke avsron par shankh bajaya jata hai. shankh se niklne vali vali dhvanitrangon men hanikarak vayaras ko nasht karne ki kshamata hoti hai. shankhnad se apke aspas ki nakaratmak urja ka nash tatha sakaratmak urja ka sanchar hota hai. isse asha, atmabal, shakti v drirhta barhti hai v bhay dur hota hai. dakshinavarti shankh ki kya upyogita hai? û dakshinavarti shankh se lakshmi ji ki puja ki jati hai- iske bina lakshmi ji ki puja-aradhna safal nahin mani jati. û dakshinavarti shankh men jal bharakar garbhavati stri ko sevan karane se santan svasth v rog mukt hoti hai. û dakshinavarti shankh se pitri tarpan karne par pitron ki shanti hoti hai. û dakshinavarti shankh se shaligram v sfatik shriyantra ko snan karane se vyavhayik jivan sukhamay aur lakshmi ka chirasthayi vas hota hai. û chandra grah ki pratikulta se hone vale shvas v hriday rogon ki shanti ke lie iski nitya puja karen. û dakshinavarti shankh ki sthapna se vastu doshon ka nivaran hota hai. puja men shankh kyon bajaya jata hai? samudra manthan ke samay mile 14 ratnon men se ek ratn shankh bhi hai. shankh men om ki dhvani pratidhvanit hoti hai, islie om se hi ved bane aur ved se gyan ka prasar hua. shankh chandrama aur surya ke saman hi dev svarup hai. iske madhya men varun, prishth bhag men brahma aur agra bhag men ganga v sarasvati ka nivas hai. shankh se shivling, krishn ya lakshmi vigrah par jal ya panchamrit abhishek karne par devta prasann hote hain. shankh ki dhvani se bhakton ko puja-archana ke samay ki suchna milti hai. arti ke samapan ke bad iski dhvani se man ko shanti milti hai. aisa mana jata hai ki brahmand evan shankh ki akriti saman hai shankh ke andar ka ghera brahmand ki kundli ki tarah hota hai. shankh men gunjne vala svar brahmand ki gunj ke saman hai. un shabd ki gunj bhi shankh ke dvara gunjayman dhvani jaisi hi hoti hai. shankhon ki ayurved men kya upyogita hai? vaigyanikon ka manna hai ki iske prabhav se surya ki hanikarak kirnen badhit hoti hain. shankh nad karne par jahan tak iski dhvani jati hai, vahan tak vyapt bimariyon ke kitanu nasht ho jate hain. shankh men gandhak, fasforas aur kailshiyam jaise upyogi padarth maujud hote hain. isse maujud jal suvasit aur roganurhit ho jata hai. isi lie shastron men ise mahaaushdhi mana jata hai. bachchon ke sharir par chote-chote shankh bandhne v unhen shankh-jal pilane se vani-dosh dur hote hain. muk v shvas rogi hamesha shankh bajae, to ve bolne ki shakti pa sakte hain ayurved ke anusar haklane vale vyakti yadi nitya shankh-jal pien to ve thik ho jaenge. shankh jal svasthya, haddiyon v danton ke lie labhdayak hai. kya shankh jaivik padarth nahin hain? shankh samudra men paye jane vale ek prakar ke ghonghe ka khol hai jise vah apni suraksha ke lie banata hai. ghonghe se iska nirman hone ke karan yah ek samudri jaivik padarth hai. jaise- nakhun aur bal manav sharir se hi jivan pate hain. parantu jaise hi inhen katakar alag kiya jata hai to ye nirjiv ho jate hain isi prakar munga ratn bhi ek jaivik utpad hai. yah bhi shankh ki tarah samudrik padarth hain aur jab ise iski shrrinkhla se alag kar diya jata hai tab yah barhna band kar deta hai. shankh bhi ghonghe se alag hone par akar-vriddhi karna band kar dete hain. atah shankh ek jaivik padarth hote hue bhi ajaivik padarth hai. shankh ki maulikta ki pahchan kis prakar ki ja sakti hai? shankh ki maulikta ki pahchan eksa-re dvara ki jati hai. kabhi-kabhi shankh ke doshon ko dur karne ke lie kritrim rup se uski paudar dvara filing kar di jati hai ya kone adi bana diye jate hain. shankhon ko kaise saf karke upyog men laya jata hai? shankh samudra ki mitti men dabe hote hain inki mitti hatakar, inhen tejab se saf kiya jata hai jisse inki vastavik chamak prapt hoti hai. iske pashchat inhen gangajal se shuddh kiya jata hai. durlabh shankh kahan aur kis akar v vajan men paye jate hain? durlabh shankh samanyatah maldiv, andman-nikobar dvipsmuh, hind mahasagar aur prashant mahasagar se prapt hote hain. inka akar ek mili mitar se lekar 5 fit ho sakta hai v shankh ek gram se kai lekar kai kilo tak vajan men paye jate hain. durlabh shankhon ke nam evan upyogita: 1. ganesh: ganesh shankh sarvadhik shaktishali shankh hai. is shankh ko vidya-prapti aur saubhagya tatha parivarik unnati ke lie shreshth mana jata hai.ra 2. shani: shankh shani dosh ka nivaran karta hai. yah kale rang ka bahut hi prabhavshali shankh hai. shani dev ka prakop shant karke unki kripa-drishti prapt karne ke lie yah atyant mahatvapurn shankh hai. jin par shani sarhesati, shani dhaiya v shani mahadsha chal rahi ho ya shuru hone vali ho unko yah shankh apne sath rakhne chahie ya ise sarson ke tel men dubokar ghar ke mandir men rakhna chahie. 3. dakshinavarti: dakshinavarti shankh dhan ke devta kuber ka shankh hai. is shankh ke pujan se dhan, sanpÿia v aishvarya ki prapti hoti hai. 4. moti: moti jaisi abha vala moti shankh durlabh shankh hai. yah saubhagyavarddhak shankhon ki shreni men ata hai. moti shankh ka pujan mansik ashanti dur karta hai. 5. kauri: kauri shankh ko santan, sanpÿia, man-samman, vaivahik sukh v aishvarya ka pratik mana jata hai. 6. gaumukhi: gaumukhi shankh safed rang aur pitavarn ke vishesh rup se paye jate hain. gaumukhi shankh ki upasna se sukh, saubhagya, saundarya v samriddhi prapti hoti hai. 7. annapurna shankh: annapurna shankh apne gyan ke anurup fal deta hai. yah divya v chamatkari shankh hai. jis ghar men annapurna shankh sthapit hota hai vah ghar anna-dhan se paripurn aur chanhumukhi vikas ki or agrasar hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.