दुर्लभ वनस्पति परिचय एवं प्रयोग

durlabh vanaspati parichay evan prayog  

Ank ke aur Lekh | Sambandhit Lekh | Views : 28687 |  
durlabh vanaspati parichay evan prayog dae. bhagvan sahay shrivastav ratnagarbha bhartbhumi adikal se hi durlabh vanaspatiyon se paripurn rahi hai. in vanaspatiyon ka vyapak prabhav manushya ke sharir par parta hai. samriddhi evan shakti sanpann tatha adbhut aur chamatkarik labh pradan karne vali aisi kuch ullekhniya divya vanaspatiyane ki jankari di gai hai. is lekh men sath hi vibhinn shankhon ki visheshtaon aur unke labhon ka ullekh bhi pathkon ke labharth kiya gaya hai. har singar ke banda: akasmik labh ke lie har singar ke banda ka prayog karte hain. ukt banda ko prapt kar sanpurn banda par ashtagandh laga den. fir banda ke upar sindur se svastik ka ankan kar kisi chandi ke patra men dhakkan band karke rakhen. ise apni dukan tatha vyapar sthal athva ghar par dhan sthan ya galle men sthapit kar labhanvit ho sakte hain. garur ka banda: garur ka banda divya shakti sanpann hota hai. is banda ko safed gunja ke ikkis danon ke sath chandi ke dibbe men shahad ke sath dubokar rakhen. yah banda karya saflta men sahayak hai. vyapariyon ke lie yah prabhavkari mana jata hai. kalp fal: kalp vriksh ko sukh, samriddhi, sanpannata evan sthayitva ka pratik mana jata hai. kalpavriksh se prapt fal ko kalp fal kahte hain. is vriksh men nar evan mada shreni ke do vriksh hote hain. mada vriksh men 12 varshon men ek bar fal lagta hai. kalp fal ko prapt kar us par ashtagandh evan kaminya sindur ka lep karke mauli (kalava) lagakar kisi chandi ke patra men rakhakar dhan sthana/vyapar sthal par galle/tijori/kaish baks men sthapit kar dhup-dip se is fal ki puja karni chahie. indrajal: yah ek vanaspati hai jo janglon men payi jati hai. iska akar shiraon ki bhanti lahrdar lakiron ke rup men hota hai. shiraon ke madhya samast sthan khali rahta hai. isko apne pas rakhne se najrdosh, upri badha adi ka prabhav kshin hota hai. yah prabal akarshan shakti sanpann hai. ravi pushya nakshatra, navratra, dipavli ityadi shubh samay mane mantron se indrajal vanaspati ki shakti ko mantron se abhimantrit kar sadhak apne karmakshetra men adhyatmik labh prapt kar sakta hai. vaijayanti: iska vriksh param saubhagya karak hota hai. iski mala dharan karne se grah doshon ki nivritti hoti hai tatha mansik shanti milti hai. iski mala sadhna-siddhi men prabhavkari hai. vaijayanti mala ko pushya nakshatra men dharan karna shubhdayak hai. kamalagatta: kamalagatte ke bijon men lakshmi ji ka vas mana jata hai. vahin in bijon men shatru kashton se raksha ki shakti bhi nihit hai. lakshmi ji ke mantron evan dhandayak mantron ke jap kamalagatte ki mala se karte hain. shatrujanya kashton se bachav hetu mantra jap bhi kamal gatte ki mala se kiya jata hai. lakshmiji ke lie mantrochchar dvara kiye jane vale havan men kamalagatte ke bijon se ahuti di jati hai. shrifal (nariyal): yah shakun v shubh ka pratik hai. ise shrifal bhi kahte hain yah adhyatmik mahatva ke sath-sath aushdhiya gunon se bhi bharpur hai. iske vriksh ko ghar ki chahardivari men lagana shubhatva pradan karta hai. koi bhi dharmik anushthan athva shubhkarya bina nariyal ke purn nahin ho sakta. laghu nariyal ka prayog arthalabh, vyapar men riddhi-siddhi hetu kiya jata hai. ekakshi nariyal: ekakshi nariyal durlabh parantu prabhavshali mana gaya hai. ise kisi shubh muhurt men prapt karke chaiki par kapre ke upar rakhakar sindur mishrit deshi ghi ka lep, dhup-dip, pushp, chandan ityadi samarpit karen. iski vidhi-vidhan se pratishtha karne v mantron dvara puja karne se saubhagya jagrit ho jata hai. dariyai nariyal: dariyai nariyal dhanatmak urja sanpann mana jata hai. yah shaktidayak hota hai. isko ghar evan vyapar-sthal par vidhi-vidhan se rakhne se nakaratmak urja se bachav hota hai evan karya vyapar badha shaman ke upyog men bhi ata hai. nirgundi: bikri barhane evan dhan-dhanya vriddhi hetu nirgundi ko upyog men liya jata hai. nirgundi ke paudhe ko ravipushya nakshatra ke shubh muhurt men prapt karke pili sarson ke sath rakhakar potli bana len. is potli ko vyavsay-sthal athva ghar men dhan-sthan par sthapit karna chahie. laghu nariyal: laghu nariyal ka prayog arthalabh, vyapar siddhi-riddhi hetu kiya jata hai. hattha jori: abhimantrit asli hatha jori ko kamiyan sindur, laung, kapur sahit apne pas rakhne se dhan v prabhuta ke sath-sath nirbhayata men vriddhi hoti hai. tulsi: iski mala taiyar karke gale men dharan karte hain. tulsi men nakaratmak urja ko shaman karne ki shakti hoti hai. isilie ise buri najar se utpann najar doshon se bachav ke lie upyog men late hain. tulsi men ek urnshil tel hota hai jo as pas ke vayu mandal athva vatavaran men vyapt ho jata hai jismen nakaratmak urja ko santulit karne ki kshamata hoti hai. najar battu: najar battu ek vanaspatik fal hota he. chote-chote bachchon ko bar-bar najar ke prakop se bachane ke lie najar battu ka upyog labhaprad rahta hai. bhaurmni: yah vanaspati puri (urisa) ke kshetron men pai jati hai. yah buri najar valon ka munh kala karti hai tatha vyakti ki raksha karti hain. bhaurmni ke mankon ki mala ko gale men dharan karte hain. ise buri najar ke anisht prabhavon se raksha hetu tatha dar v bhay se bachav hetu evan nakaratmak bhavna vichar evan shaktiyon se raksha ke lie pahna jata hai. bhaurmni ki mala se vyakti men satvik gunon ka avirbhav hota hai. mansik shuddhi evan adhyatmik shakti ke vikas ka marg prashast hota he tatha bure vicharon ka shaman hota hai. kuch anuthi vanaspatiyan somavanti vanaspatiah yah vanaspati dev. bhumi himalay ki god men vedunti namak apsara ke shrap se is ghor kaliyug men somavanti namak vanaspati utpann hui hai. iska paudha tin fit lanba v iske patte mote hote hain. patton men pani ki matra jyada hoti hai. dekhne men man moh lene vali yah vanaspati prakriti ki pyari v svarg ki dulari hai. is vanaspati ke solah ful ate hain tatha bij ke charon or ek divya padarth rahta hai. ek ful men kam se kam 5 gram tak yah padarth niklta hai. isse vayviya dhup banta hai jo ki tantrik prayogon men kam ata hai. yah dhup ak patton par rakhne matra se apne ap jalne lag jata hai. ise ag dikhane ki koi jarurat nahin hoti. aj jo bhi karya manav ko kahenge pura hoga. yah keval tan ko sukhi rakhne ke lie hai. yah koi jadu ya mantra nahin hai. vastutah yah dhup kai tantra prayogon men kam ati hai. jal jagni vanaspati: nyah vanaspati prithvi ki god men lata ki bhanti jamin par pari rahti hai. iske patte chote akar ke v dekhne men ati sundar hote hain. patton ka ras nikalakar botal men bharakar rakhen. dhyan rahe ki matra svaras hi hona chahie. is ras ko ap bahti hui nadi ya talab men dalakar pani par khare ho sakte hain tatha chal bhi sakte hain. yah bhi koi mantra nahin hai. ap kar sakte hain. yah vanaspati pani ko bandhne ki shakti rakhti hai. ise katore men pani bandh kar kat sakte hain. yah sab prakriti ka hi chamatkar hai. yah vanaspati sanbhavti apsara ki den hai. kai manviya asadhya bimariyon ka ilaj is vanaspati ke pas hai. pet v guda sanbandhi ilaj tatkal hota hai. van-kanya-vanaspati: himalay bhumi par yah vanaspati saundarya bikhere khari hai. yah bhaypunita namak apsara se hi van-kanya namak vanaspati bani hai. iske shrap se har varsha ritu men adrra nakshatra men svarg se bij dale jate hain. fir yah paudha bara hokar karib do mitar lanba paudha ban jata hai. iske patte patthar chatta jaise hote hain. is paudhe ke samip jakar ek lain apni tarjani ungli se khinchakar is vanaspati ko niyamit rup se pranam karte rahe jisse is vanaspati ka pratyek patta apko pranam karta pratit hoga tatha yah vanaspati bat bhi kar sakti hai. iske pas baithakar koi bhi sadhna ki jay to avashya hi saflta milti hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.