राइजिंग इण्डिया का सन्निकट भविष्य

raijing indiya ka sannikat bhavishya  

Ank ke aur Lekh | Sambandhit Lekh | Views : 1772 |  
raijing indiya ka sannikat bhavishya rishiyon-muniyon santon, jagdguruon ka desh bharatavarsh 15 agast 1947 ko british shasan ki dasta se svatantra hua. vaise prachin samay se hi bharat vishva men adhyatmik margadarshak v dhanadhya rashtra raha hai. vartaman men bhi pashchatya rashtra bharat ka anukaran karne men lage hain. yadi ham bharatavarsh ki svatantrata ki prishthabhumi men jate hain to yah pate hain ki 1946 men praranbh hue jatiya dangon ka ant, antim angrej shasak lard maunt betan dvara 14 evan 15 agast ke 24 ghanton men bharat v pakistan aranamak do rashtron ke srijan dvara, khandit rashtron ki ajadi ke rup men hua. yadi jyotishiya drishti se bhi dekhen to shani evan budh ki dasha men bharat ki ninv majbut hui par ketu ki dasha men samasyaen ayin v yah sthiti jaldi hi sanbhal gai v shukra ki dasha ane par bharat ki upalabdhiyan unchaiyon ko chune lagin. shukra ki dasha men jahan hamne ek or upalabdhiyan prapt ki, vahin dusri or is dasha men pashchatya sabhyata ke andhanukaran se mukt yaun sanbandhon v aishvarya ka pradurbhav bhi hua jisse bhrashtachar ko kafi barhava mila. shukra ke bad sitanbar 2009 men praranbh hui surya ki dasha . aiye, ab usi surya ki mahadsha ke vartaman sheshansh par vichar karen. surya/guru 28/9/2011 se 16/11/2012 is dasha men desh men antrik suraksha sanbandhi samasyaen v arthik samasyaen ane ki ummid hai. lagnakundli men surya chaturthesh hokar tritiya bhav men hai v guru ashtamesh v ekadshesh hokar chathe bhav men hai. navansh men surya shashthesh hokar lagn men v guru dashmesh v lagnesh hokar tritiya bhav men hai. atah is samay men parosi rashtron se samasya ho sakti hai. gochar ke anusar 24 se 26 agast 2011 men koi apriya ghatna ghat sakti hai. is dasha men sanchar, kanpyutar v shiksha kshetra men vishesh badlav ane ki sanbhavna hai. surya/shni 16/7/2012 se 28/6/2013 tak shani lagn kundli men navmesh v dashmesh hai v navansh men shani ekadshesh v dvadshesh hai. shani surya pita-putra hain v unke apsi sanbandh achche nahin hai lagn kundli men shani-surya navam bhav ko drisht kar rahe hain. atah dharmik unmad hone ki sanbhavna banti hai. dasham bhav prabhavit hone se desh ke kisi pramukh shasak ko nuksan hone ki sanbhavna bhi rahegi. navansh men chunki shani se ekadash v dvadash bhav prabhavit ho raha hai. atah kanpyutar ke kshetra men bharat ko bari upalabdhi hone ki ummid hai. chunki navansh ka shukra tritiyesh v ashtamesh hokar ekadash bhav men hai atah kisi khel men achanak kisi mahila khilari ya mahila tim ko koi upalabdhi mile, yah sanbhav hai. 26 se 28 jun 2012 tak desh ka ekadshesh shani mangal se pirit hone ke karan koi kashtakari ghatna ghat sakti hai. gochar ke prabhavon ke karan aktubr-navanbar 2012 jyada kashtadayi hone ki ummid rahegi. lagn kundli men surya chaturthesh hokar tritiya bhav men hai v ketu vrishchik rashi men saptam bhav men hai. saptamesh mangal dvitiya bhav men hai atah is samay men koi antarrashtriya vittiya sandhi ho yah sanbhav hai. sath men mangal ka prabhav navam bhav par bhi hai atah dharmik unmad jaisi sthiti ka nirman hona sanbhav hai. navansh men ketu sinh rashi men chathe bhav men tatha surya lagn men hai jo ki min rashi men hai. chunki guru dashmesh v lagnesh hokar tritiya bhav men hai atah 9, 10, 11 bhav prabhavit hone ke karan is samay men shasak ko lekar bhagyashali ghatna ho sakti hai. gochar ke anusar 20 se 22 julai 2014 men vishesh durghatana sanbhav hai. surya/shukra 9/9/14 se 10/9/15 janmakundli men surya chaturthesh hokar tritiya bhav men v shukra lagnesh v shashthesh hokar tritiya bhav men aisi sthiti men hai ki parosi rashtron se samasya ae v antarrashtriya dabav ae, yah sanbhav hai. navansh men chunki shukra tritiyesh v ashtamesh hokar ekadash bhav men hai atah yah ukt sthiti ki pushti karte hain. medini ka ek pramukh siddhant hai ki jab-jab gochar men shani-brihaspati amne-samne ate hain to aitihasik ghatnaen late hain. is varsh ka 2 ji ghotala, adarsh ghotala, satyam ghotala, antarrashtriya star ki libiya samasya, saudi arab ki ghatnaen v bin laden ki hatya bhi ukt siddhant ka pratipadan hi karti hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.