शंख हैं: नादब्रह्मा एवं दिव्य मंत्र

shankh hain: nadabrahma evan divya mantra  

Ank ke aur Lekh | Sambandhit Lekh | Views : 3636 |  
shankh haiah nadabrahm evan divya mantra om prakash darshanik shankh apni sarpil dhvani se nakaratmak urja vinashan karne ke sath hi sath aradhna aur anushthanon men anek prakar se labhdayak siddh hua hai. shankh anek ghatak rogon men aushdhi ka karya bhi karta hai. parantu iske prayog men savdhaniyan bhi anivarya hai. is lekh men janen shankh ki prachinta, upyogita aur prayog sanbandhi savdhaniyon ke bare men. ‘‘shankh ki dhvani men roganuon ko nasht karne ki adbhut kshamata hoti hai. shankh ki dhvani jahan tak pahunchti hai vahan ke roganu mar jate hain aur vatavaran rogmukt ho jata hai.’’ dae. richre shankh, dharmik mahatva ke sath-sath aushdhi ke rup men bhi upyog kiya jata hai. iski bhasm ke dvara dama jaise asadhya rogon ka upchar kiya jata hai. vishnu puran ke anusar pavan shankh mahalakshmi ka sahodar bhrata hai. yah samudra manthan ke samay prapt chaidah ratnon men se ek hai. ismen bhi vahi anupam adbhut gun vidyaman hain, jo anya terah ratnon men hain. shankh ki utpaÿia ke sandarbh men ek katha ke anusar bhagvan ashutosh ne krodhit hokar apne bhakt chandrachur ka trishul se badh kar diya aur uski asthiyan sagar men pravahit kar di gai. usi se shankh ki utpaÿia hui. iske nad se ‘oim’ shabd ki punit dhvani niklti hai, isilie shankh bajate samay ‘oim’ ka nad jahan tak jata hai, vahan tak ki nakaratmak urja nasht ho jati hai. shankh do prakar ke hote hain - 1. vamavarti arthat jinka khula hua bhag bayin or hota hai. 2. dakshinavarti arthat jiska khula bhag dayin or hota hai. dakshinavarti shankh shubh aur manglkari mana gaya hai. tantron ke prayog men iska vishesh mahatva hai. jiv vigyaniyon ke anusar shankh vishva ke samast garm samudron men paya jane vala prachin jiv hai. iski lagabhag 50 jatiyan hain. pauranik kathaon ke anusar vishnu ke astron men se ek shankh bhi mana gaya hai. sanatan kal men yuddh ke samay shankh ka vishesh mahatva hota tha. mahabharat ke yuddh men shankh ka apna ek anupam sthan tha. gita ke anusar: mahabharat ke aranbh men shrikrishn maharaj ne pa´chanya namak, arjun ne devdÿa namak aur bhayanak karm vale bhimsen ne paundra namak mahashankh bajaya. kunti putra yudhishthir ne anant vijay namak aur nakul tatha sahdev ne sughosh aur mani pushpak namak shankh bajae. vastu ke drishtikon se pratah aur sany ke samay mandiron men shankh dhvani se charo or ki nakaratmak shakti ka hrias hota hai. vastu-vid arke. anand ke vicharanusar shankh ghar men rakhne tatha bajane se nirdhanata ati hai kintu mandiron men shankh ki pavan dhvani prabhavkari hai. vastuvidon ki is vichardhara se adhikatar log sahamat nahin hain kyonki aisi astha evan vishvas hai ki jahan shankh hai, vahan lakshmi ji ka nivas hota hai. iske atirikt anek paranpraon men to nivas sthan men puja-sthal par shankh rakhna anivarya hai, jo vaibhav v sukh-samriddhi ka suchak hai. haidrabad ke shankh perami di. maghav raiddi ke vicharanusar samudra ki gahraiyon men hone karan shankh men jamin ki tarange rach-bas jati hanai. brahmand ki sakaratmak tarangen shankh men nihit hoti hain ki niyamit bajane par ‘ojon lear’ par unka sakaratmak prabhav dekha ja sakta hai. vaigyanik bhi svikar karte hain ki shankh ki pavan dhvani ka prabhav matra ghar aur devalyon men hi nahin varan sanpurn brahmand par hota hai. yadi shankh ko kan ke pas rakhakar suna jae jo samudra men chalne vali havaon tatha lahron ki dhvani sunne ko milti hai. vastav men yah prithvi paralaukik pavan dhvani/nad hai. is sandarbh men ek purani kahavat hai ‘‘shankh baje, bhut bhage.’’ arthat shankh ke bajte hi buri atmaen sarapat daur lagakar bhag jati hain. aradhna-anushthanon men upyogita: puja tatha paranprik anushthanon men shankh ki vishesh garima evan mahatva hai. avas men dev-abhishek karne ke lie dudh athva jal, arpan karne ke lie shankh ek sarvashreshth madhyam hai. chahe bhagvan satyanarayan ki katha ho, divali pujan ho ya pratyek upasna ke purva shankh ke pavan nad se vatavaran ko shuddh v nirmal kiya jata hai. itna hi nahin shishu ke nam karan ke samay shishu ke kan men shankh lagakar nam bolne ki bhi paranpra hai. bangal, urisa v asam mane vivah sanskar ki avdhi men shankh ki pavitra dhvani avashyak evan mahatvapurn mani jati hai. fere, vidai, sasural men nai-naveli dulhan ke pratham kadam par hi pavan shankh-nad kiya jata hai. ashay hai ki shankh ke bagair pujn-archan tatha pavitra paranprik sanskar apurn hain. vaidik manyata ke anusar shankh-ghosh vijay ka pratik mana jata hai. jahan tak bhi shankh ki dhvani jati hai, shrotaon ko ishvar ka smaran ho jata hai. svasthya aur urja: vaigyanikon ki ek ray hai ki shankh nad se vayu mandal ke ve ati sukshm vishan au nasht ho jate hain, jo manv-jati ke lie ati ghatak hote hain. prakritik chikitsa men shankh ka vishesh sthan hai. nechuropaith daestish kapur ka kathan hai- ‘‘sadharan taur par sans lene men tatha pranayam ki avdhi men sans lene men antar hota hai. samanyatah hamare sans lene ka samay adhik aur sans chorne ka samay kam hota hai. jabki pran aayam men sans lene ki prakriya lanbi hoti hai. shankh tabhi dhvani karta hai jab ham sans chorte hain. shankh bajane se hamko pranayam jaise labh prapt hote hain. shankh bajane ki prakriya ko dil ka yog kah sakte hain kyonki yog men sharir ke pratyek bhag ka vishesh ayam hai kintu dil ke lie kahin kisi yog ki charcha nahin hai. shankh bajane se dil ki manspeshiyan sudrirh hoti hain, mastishk prakhar hota hai aur fefron ki kasarat hoti hai. is kriya ko kisi nipun vyakti se sikhna chahie. shikago ke daektar di. brain ke anusar shankh -dhvani ke madhyam se badhir rogiyon ko thik kiya ja sakta hai. pratyek vyakti ke sharir men sat chakra hote hain jab hamare sharir ka koi bhag karya n kar raha ho, to spasht hai ki us bhag men urja ka pravah nahin ho raha hai. jab ham shankh bajate hain, to vah sharir ke chakra ko santulit karta hai. iske atirikt shankh bajane se haklahat dhire-dhire dur hoti hai, sardi-jukam ki pareshani nahin hoti hai, sans lene ki samasya ka nirakaran ho jata hai, ankhon ki mans peshiyon men kasavat ati hai, shravan tatha smarana-shakti tivra hoti hai, netra-jyoti dirgh ayu tak sthir rahti hai. vartaman samay ka sabse ghatak rog hridyaghat, rakta-chap, sans se sanbandhit bimariyan, mandagni adi shankh bajane se thik ho jati hain, jo log bachapan se hi niyamit rup se shankh bajate rahte hain tatha jinka bhojan, achar-vichar aur acharan satvik hota hai, unhen uprokt bimariyan nahin hoti hain. yahi nahin ghar mane shankh rakhne se pratah v sanykal bajane se vastu-dosh svatah samapt ho jata hai. savere aur sham ko shankh bajane ke bhinna-bhinn karan hain. pratah jab ham uthte hain to hamare sharir men bharpur urja hoti hai tatha soch bhi sakaratmak hoti hai. atah pratah shankh bajate samay sharir men sakaratmak tarangon ka adhik pravah hota hai aur sampurn divas urja bani rahti hai. sandhya kal men shankh bajane se dinabhar ki thakan krodh, uktahat, chirchirapan jaisi nakaratmak tarangen samapt ho jati hain, sharir shant rahta hai aur nind achchi ati hai. kintu kuch savdhan bhi rahen: shankh bajane se fefron par adhik jor parta hai, ataev kshay, shvans-dama-asthama tatha hriday rogiyon ko shankh bajana varjit hai. iske atirikt chote bachchon ko bhi shankh bajana varjit hai, kintu gurukul men kisi visheshagya ki dekh-rekh men bachche shankh bajana praranbh kar dete hain. 13-14 varsh ke bachche shankh baja sakte hain, kintu bahut adhik jor dene ki manahi hoti hai. kishoravastha ke uprant larka ho ya larki, koi bhi shankh baja sakta hai. likhte-likhte: ek vishesh bat yah hai ki hastarekha vigyan men bhi shankh ka vishesh mahatva hai. dahine hath ki char anguliyon men shankh ke chihn vala vyakti bhagyavan hota hai. punah shankh ki garima ke vishay men kahna hai. ghar tatha karyalyon men iski sthapna se samriddhi barhti hai. parivar men ann, dhan aur vastra ka kabhi abhav nahin hota hai. sukh-shanti rahti hai. shayan kaksh men rakhne par dampati ke madhya sadaiv sauhard bana rahta hai. dharmik samarohon men shankh nad se gyan-vriddhi hoti hai. adhyayan kaksh men rakhne se smaran shakti barhti hai. pujan ke pashchat shankh men rakhe gangajal ko ghar men chirkne se sabhi prakar ki buri shaktiyon v baiktiriyon ka nash hota hai. devi bhagavat ke anusar upasna karte samay ravivar chorakar shankh par navin tulsi dal arpit karne se pati-patni men dampatya prem tatha ayushyavarddhan hota hai. puja sthal par kabhi do shankh n rakhen tatha bhumi par shankh n rakhen. ghar ke ishan kon (purva-uÿar) men gangajal se bhare patra par shankh ki sthapna tatha uÿar disha men uske dhara- mukh ko rakhne se samriddhi barhti hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.