नवग्रह यंत्र व् रोग निवारक तेल

navagrah yantra v rog nivarak tel  

Ank ke aur Lekh | Sambandhit Lekh | Views : 6063 |  
navagrah yantra v rog nivarak tel jay indar malik pratyek yantra har samasya ka samadhan nahin ho sakta. uska purn labh prapt karne ke lie jatak ki janmakundli men nirbal yog karak grah ki khoj karke yadi sanbandhit yantra ka prayog karen to avashya hi yathesht labh prapt kar sakte hain. is lekh men sabhi grahon se sanbandhit prithk-prithak yantra aur rog nivarak tel banane ki vidhi ke bare men bataya gaya hai. kundli men lagn aur chandrama ki sthiti se upayon ki jankari milti hai. grah yadi agni tatva rashi men hai to yagya, vrat adi se labh milta hai. yadi grah prithvi tatva rashi (2, 6, 10) rashi men hai to ratn, yantra adi se labh milta hai. grah yadi vayu tatva (3, 7, 11) rashi men hai to mantra jap karne se labh milta hai aur grah yadi jal tatva (4, 8, 12) rashi men hai to vastuon ko pani men bahane se labh milta hai. yog karak grah yadi nirbal ho, to yantra-dhatu se upchar karen, ashubh aur marak grahon ka upay puja-path-dan grah ki vastu ko bahakar karna chahie. yantra ek prakar se suraksha kavach hai aur yah sahi nakshatra aur tithi men kagaj par, bhojapatra par ya tanbe par banaya jata hai jo grah marak ya badhak ho us grah ki puja yantra dvara karen. yuddh dasha-antardasha pratyantardasha men yantra labhdayak hote hain. yantra ko mantra ka rup mana jata hai. yantra-rachna matra rekhankan nahin hai balki usmen vaigyanik tathya bhi hai. kuch yantra rekha pradhan hote hain, kuch akriti pradhan aur kuch sankhya pradhan hote hai. kuch yantron men bijaksharon ka prayog hota hai. bijakshar ek sanpurn yantra hota hai. har grah ka yantra alag hota hai. yah yantra keval dipavli, holi ya grahnkal men hi banakar siddh kiya ja sakta hai yadi svayan nirman kar sakte hain to thik, nahin to kisi vidvan se inhen banva sakte hain. surya yantra: yah surya bhagvan ka ek saral yantra hai. shubh muhurt men vidhi anusar is yantra ka pujan karne se badhaon se dur yashasvi jivan jine ka marg khul jata hai. ravivar ko jab kriÿiaka nakshatra ho aur surya jab sinh rashi arthat 16 agast se 16 sitanbar men gochar kar raha ho, to shreshth fal milta hai. vyavsay ki unnati hetu bhi is yantra ka prayog kar sakte hain. iske atirikt aushdhi ke rup men is ka tel banakar lagane se hridy-rog, raktachap ki pira ho, to is tel ko nahane se pahle pure sharir men lagayane purnarup se labh milta hai. surya tel banane ki vidhi: surjmukhi aur til ka tel adha-adha litar lekar usmen 5 gram laung ka tel aur 10 gram kesar milaen. ek kanch ke bartan men tel ka mishran sat din tak surya ke prakash men rakhen. athven din ek kanch ki botal men dhakkan lagakar rakhen, fir nahane ke bad sir men bhi laga sakte hain. isse surya ki anishtata dur hoti hai. chandrama yantra: shukla paksh ke somvar ko jis din rohini nakshatra ho, is yantra ka somvar ko chandrama ki hora men nirman karen. isko dharan karne se vighn badhaen dur hoti hain yashasvi jivan vyatit hota hai. chandrama ke tel banane ki vidhi: safed tilon ka tel ek litar lekar usmen 100 gram chandan ka tel evan 50 gram kapur dalakar kanch ke bartan men mishran kar sat din tak chandrama ke prakash men rakhen. athven din kanch ki botal men dhakkan lagakar rakhen. fir nahane se pahle pure sharir men laga len. isse pet ke rog, sir ke rog tatha anya sharirik kasht dur hote hain. mangal yantra: shuklapaksh ke manglvar mrigshira, dhanishtha v chitra nakshatra men se koi ek nakshatra ho to suryoday men mangal ki hora men yantra banayane. is yantra ko dharan karne se mangal pira nahin hoti, shakti-unnati tatha saubhagya men vriddhi hoti hai. iske tel banane ki vidhi kathin hai. islie ise vidvan ya jankar se banva sakte hain. is tel ke lagane se mirgi, histiriya, rakt vikar jaise rogon men atishighra labh hota hai. budh yantra: ise kisi bhi mahine ke shukla paksh men budhvar ke din ashlesha, jyeshtha ya revti nakshatron men koi ek ho to suryoday ke bad ya budh ki hora men, yah yantra banaen. ise dharan karne se vidya, buddhi, vani tatha har kshetra men saflta milti hai. budh ka tel banane ki vidhi: ek litar til ka tel lekar usmen brahmi evan khas dalakar ubal len, thanda hone par chan le,n channe ke bad 5 gram laung ka tel dalen aur hare rang ki kanch ki botal men bhar len. botal ko band karke jahan prakash n ho aise andhere sthan men sat din tak rakhen. athven din is tel se malish karen adhe ghante bad nahayen, isse tvacha vikar nahin hota hai. brihaspati yantra: ise bhi kisi bhi mahine shuklapaksh men punarvasu, vishakha aur pu. bhadrapad ke koi ek nakshatra ho ya guru-pushya ke din athva suryoday ke ek ghante ke bhitar brihaspati ki hora men yantra banana chahie. ise dharan karne se guru ki pira ka nivaran hota hai aur vidya, vivek, buddhi aur dhan-sanpÿia men vriddhi hoti hai. brihaspati ka tel: ek litar ya adha litar nariyal ke tel men 5 gram haldi aur 5 gram khas dalen aur achchi tarah ubal len. vastra se chanakar 10 gram chandan ka tel milayen. ise kanch ki botal men bhar lane. snan se pahle 10 gram chandan ka tel lekar ninbu ke ras ki do bund dalakar balon men lagayen. aisa karne se sans ki bimariyan ya dama ka rog isse dur ho jata hai. chehre par raunak ati hai. shukra yantra: ise bhi kisi bhi mahine shukra ka tel banane ki vidhi: adha-adha litar nariyal aur til ka tel len. 5 gram chandan, 2 gram chameli ka tel milakar safed kanch ki botal men bharakar, tin din dhup men rakhen aur chaithe din nahane se pahle pure sharir men lagaen aur shukra ki anishtata se bachen. shani yantra: ise kisi mas ke shukla paksh men shanivar ko yadi anuradha, pushya, uÿar bhadrapad men se koi ek nakshatra ho, to ratri ke dusre prahar men is yantra ko banayen. yadi holi, dipavli men n bana saken, to kisi dusre din uparyukt nakshatra men bana sakte hain. ise dharan karne se sukh-samriddhi, man-samman milta hai. is yantra ka tel bhi banakar nahane se shani pira ka nivaran hota hai. ek litar til ka tel len, bhringraj, jayafal, kasturi ya kesar panch-panch gram pani men bhigokar pis len aur fir til ke tel men milakar achchi tarah is mishran ko ubal len. thanda hone par kapre se chan len aur panach gram laung ka tel mila len. is tel ko kanch ki botal men bharakar sat din tak andheri kothi men rakhen den. bad men nahane se pahle pure sharir men malish karen aur 15 minat ke bad nahayen. isse vat rog, haddiyon se sanbandhit rog dur hote hain. ise balon men lagane se bal kale rahte hain. rahu yantra: ise kisi bhi mas ke shukla paksh men shanivar ke din yadi adrra, svati, shatbhisha men se koi nakshatra ho, to us rat dusre prahar men yah rahu yantra banayen. banate samay rahu yantra khuda hua apne samne rakhen. ise dharan karne se sabhi prakar ki rahu ki anishtata dur hoti hai. man-samman, parakram, sukh-samriddhi milti hai. ise dipavli aur holi ki rat men bhi bana sakte hain. iska tel banane ki vidhi shani ke tel jaisi hai. keval iske tel ko unchai par sat din pashchim disha men rakhen. fir athven din iska prayog karen safed bal bhi kale hone lagte hain aur rahu ki anishtata se bachen. ketu yantra: ise kisi bhi mahine men ashvini, magha, mul nakshatra men se koi ek nakshatra manglvar ho ya budhvar ho, to rat ko dusre prahar men ketu ki pratima ke samne is yantra ko banayen. ganesh ji ki puja-archana karen. fir ise kale dhage men bandhakar dharan karen. isse ketu ki anishtita dur hogi aur yash, sukh-samriddhi milegi. ketu ka tel: ek litar til ya sarson ke tel men lodh milakar dhimi ag par ubalen. thanda hone par 5 gram laung ka tel milayen. fir kanch ki kale rang ki shishi men tel bharakar sat din makan ki pashchim disha men unchai par rakhen. athven din is tel ko nahane men prayog karen aur ketu ke kuprabhav se bachen. in yantron ke atirikt aur anek yantra hain unka labh alg-alag hai jaise kuber yantra- dhan vriddhi ke lie, santan gopal- santan prapti ke lie, baglamukhi- svasthya ke lie, mahamrityunjay yantra- mrityu tulya kasht nivaran ke lie aur vastu yantra- vastu dev ki prasannata ke lie adi.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.