शंख विविधा : लाभ अनेक

shankh vividha : labh anek  

Ank ke aur Lekh | Sambandhit Lekh | Views : 10224 |  
shankh vividha: labh anek roj subah dakshinavarti shankh men thora sa ganga-jal dalakar sare ghar men chirken (vishesh rup se ghar ke charon konon par) to bhut-pret v duratmaon se mukti milti hai aur ghar men sakaratmak urja pravesh karti hain. û ek kanch ke katore men laghu moti shankh rakhakar use apne bistar ke najdik rakhne se nakaratmak urja dur hokar pragarh dampatya-sukh ki anubhuti hogi. pati-patni isse jal achaman karke apne mathe par abhishek kare to paraspar vaimanasya dur hota hai. ghar men dakshinavarti shankh ka vas hone se lakshmi ka sthayi vas hota hai. dakshinavarti shankh ka vidhipurvak pujan karen tatha apne vyavsay-sthal par rakhen to ap sadaiv rin mukt rahenge. ap apni mata se chaval se bhara ek moti shankh prapt karen tatha use videsh yatra sanbandhi kagjat ke sthan par rakhe to apke samast vighn dur ho jayenge. vyapar sthan men bhagvan vishnu ki murti ke niche ek dakshinavarti shankh rakh kar isse roj pujan karke ganga jal apne karyalay men chirken to samast badhaen samapt hokar vyapar men unnati hone lagegi. rat bhar shankh men rakhe jal ka roj sevan karne se rogon se svatah mukti mil jati hai. vah is bat par nirbhar hai ki shankh kitni shuddhata v gunavatta ka hai. shankh ghis kar netra men lagane se ankh ki sujan dur hoti hai. shankh bhasm uchit anupat men sevan karne se gulm shul, pitt, kaf, rudhir pliha adi vikar nasht ho jate hain. faslon ko pani dete samay kisi shubh muhurt men 108 shankhodak bhi mila len, fasal barhegi, anaj barhega. anaj bhandar men kiren-makoron se bachane ke lie manglvar ko shankhnad karna chahie. tvacha rogon men shankh ki bhasm ko nariyal tel men milakar akrant jagah par nitya laga den. snan karne ke pashchat thora pani vahin lagakar poch den. rat ko shankh bhasm lagayen aur subah snan ke pashchat shankhodak se saf karen. shuddh shilajit ko garm dudh men achchi tarah milakar is mishran ko roj rat ko sone ke purva shankh ke jariye pine se smaran shakti v sharirik kshamata men vriddhi hogi. yadi shankh-bhasm ke sath karele ke ras men gay ka dudh subah sevan kiya jae to madhumeh ka rog thik hota hai. ek shankh men pani bharakar rakhen. ratri ko bhojnoprant adhe ghante bad us pani ko grahan kar len. 3 din aisa karne se purane kabj se bhi mukti prapt hoti hai. yadi vishnu shankh men ganga jal bharakar rohini, chitra v svati nakshatron men garbhavati ko pan karayen to prasav men koi kasht nahin hoga. santan bhi svasth v pusht hogi. annapurna shankh men ganga jal bharakar subh-sabere pine se svasthya ke vikar dur hote hain. vastav men shankh ek bahut guni yantra hai, use sada ghar men rakhen. yadi shankh ki puja nitya tulsi se hi karen to ghar men klesh, dukh-daridray tatha rogon ka pravesh nahin hota. shankh ka pani yadi thora-thora piya jaye to haklana dur hota hai. gunge vyaktiyon ko nitya do ghante shankh bajana chahie. shankh bhasm ka prayog bhi gungon ke lie labhdayak hai. shankh dhvani dvara rogon, rakshason, pishachon se raksha hoti hai. isilie kaha bhi gaya hai ‘‘shankh baje balay bhage’’. shankh dhvani se daridrata v dukh dur hote hain. ayu-dirghayu hoti hai. shankh bajane ke kai vishesh labh hain. shankh bajane se yog ki tin kriyaen yathapurak, kunbhak aur pranayam ek sath sanpann hoti hain jisse svasthya ka vikas, arogyata ke sath asuri shaktiyan pareshan nahin karti hain. bhog evan mokshadayak adbhut alaukik durlabh shankhon ka vivaran is prakar hain. 1. dhan sampadadayak - kalanidhi shankh: dhan prapti men vyavdhanon ke nirakaran hetu kalanidhi shankh ka upyog karte hain. kisi bhi purnima, pradosh, gurupushya, ravipushya yog athva navratron ke dauran is shankh ko upyog men lana chahie. 2. pap evan shrap muktidayak -devejya shankh: devejya shankh vibhinn papon v shrap se mukti, jadu-tone, totke se bachav tatha shanti v samriddhi hetu prabhavkari mana jata hai. 3. shantidayak v kasht nivarak dakshinavarti shankh: dakshinavarti shankh prakriti ki adbhut bhent hai jo durlabh rup se prapt hota hai. dakshinavarti shankh sidhe hath (dayen hath) ki taraf khulta hua dikhai parta hai. vaise prakriti m adhikatar shankh vamavarti utpann hote hain. lekin kuch matra men dakshinavarti shankh prakritik rup se utpann hote hain. ajakal nakli dakshinavarti shankh adhik milte hain. prakritik rup se utpann dakshinavarti shankh hi prabhavkari hota hai. dhan samriddhi karak dakshinavarti shankh prayog 4. shanti-pradayk-vishnu shankh: sharir ki tarah ghar bhi asvasth, ashant aur bimar hota rahta hai jisse ghar men rahne vale sadasyon ki sthiti se ghar prabhavit hota hai. ghar ke logon ki manodsha sudharne ke tips is prakar hain. û ghar men agar larai-jhagre barh gaye hon to vishnu shankh ki sthapna karen. û makan ke mukhya dvar par shisha kabhi n lagayen. makan ke ishan kon yani uttara-purva bhag men farsh par dari ya kalin kabhi n bichayen. ghar ke samne sahara lekar charhne vali belen kabhi n lagaen. ghar men band ghari n rakhen tatha andr-bahar kantedar paudhe n lagaen. 5. airavat shankh: airavat shankh narad muni ne siddh kar liya tha. isilie ve manchahe rup men sansar men kahin bhi bhraman kar sakte the. yadi yah shankh kisi ko prapt ho sake to uske sare manorath purn ho sakte hain. 6. nilkanth shankh: yadi kisi ko koi vishaila kira yatha sanp ya bichchu kat le to is shankh men deshi gay ka mutra bharakar kate hue sthan par us go mutra ko lagaya jaye to vish shighra utar jata hai. jis ghar men yah shankh hota hai, vahan sanp-bichchu jaisa koi bhi jahrila kira nahin rah pata hai. 7. kamdhenu gomukhi shankh: kamdhenu gomukhi shankh ke upar ka bhag gay ke sing jaisa pratit hota hai. iski akriti ke karan isko bajana asan nahin hota, parantu jo log ismen se dhvani nikal sakte hain unke fefre bahut majbut ho jate hain. 8. surya shankh - (vishnu shankh): iski akriti ardha-chandrakar hone ke karan ise chandra shankh bhi kahte hain. isko rakhne vala vyakti daridrata aur garibi se nishchit tran pata hai. 9. annapurna shankh: nam ke anurup is shankh ki upasthiti ghar men dhandhanya ki sanpannata sunishchit karti hain. jahan annapurna shankh hoga, vahan kabhi kisi chij ka abhav nahin hota. man annapurna ka sakshat nivas hota hai. ismen rat bhar pani rakhakar subhan piya jaye to pet men kabhi koi vikar nahin hota. 10. moti shankh: uchchakoti ki gunavatta vala moti bhi isi shankh se paida hota hai. is shankh men bharakar gangajal pan karne hriday v shvans sanbandhi rogon ka upchar hota hai. 11. panchajanya shankh: vastu-dosh shanti ke lie panchajanya shankh hi sabse prabhavi hai. iska shankhnad vijy-prapti ka dyotak hai aur yah shatruon ke hriday ko bhaybhit kar deta hai. 12. hira shankh: yah shankh premavardhan aur shukra-dosh nivaran ke lie prayog kiya jata hai. yadi is shankh ko abhimantrit karke sthapit kiya jaye to shukra grah ki kripa anukul hoti hai. yah shankh ghar men rakhenge to aur sanpann rahenge. 13. bagh shankh (bhut-pret aur sadrish badhaon) (taigar shankh) is shankh ko ghar men rakhne se jatak ko kisi pashu ka bhay nahi rahta evan bhut-pret sadrish badhaon se bhi mukti prapt hoti hai. 14. sip shankh: is shankh ko ghar men rakhne se arogya ki prapti hoti hai tatha man men ekagrata ati hai. yah motiyon ka kavach hai. jinka chandrama kamjor ya man asthir rahta hai, unhen chandrama ki dasha men sip shankh ko gale men dharan karna chahie. 15. guru shankh: is shankh ke jal se shaligram ji ko (vishnu pratik shila) snan karakar tulsi dal samarpit karne se smaran shakti prabal hoti hai v shiksha ke kshetra men tivra gati se pragti hoti hai. vidyarthiyon ke lie vishesh labhkari hai. 16. shani shankh (shyam shankh): jinki sarhesati chal rahi ho ya shuru hone vali ho, unhen yah shankh apne pas rakhna chahie. isse shani ka prakop shant hota hai aur akasmik dhan-dhanya ki prapti hoti hai. vastutah shankh ek bahut guni yantra hai, ise sada ghar men rakhna chahie. yadi shankh ki puja nitya tulsi se hi ki jaye to us ghar men rog, klesh, ashanti v tanav ka pravesh nahin hota. prakriti men itni sahjta se utpann hone vali ganbhir sur-dhvani hamen kai prakar se sashakt v sanpann banati hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.