अनिष्ट निवारक दक्षिणावर्ती शंख

anisht nivarak dakshinavarti shankh  

Ank ke aur Lekh | Sambandhit Lekh | Views : 4968 |  
anisht nivarak dakshinavarti shankh gopal raju anekanek dharma-granthon men dakshinavarti shankh ki gaurv-gatha varnit hai. parantu dakshinavarti shankh ka kalp prayog ashcharyajanak aur advitiya saflta pradan karta hai tatha bahuvidh anishton ka nivaran karta hai. janie is lekh men is shankh ki kalp vidhi, puja samagri, pujan vidhi tatha dhyan mantron ke bare men taki ap unka pura labh prapt kar saken. dakshinavarti shankh kalp men likha hai- jis ghar men yah shankh rahta hai vah kabhi bhi dhan-dhanya se rikt nahin rahta. bhagvan vishnu ka ayudh hone ke karan yah atyant manglkari hai. jis parivar men shastrokt upayon dvara iski sthapna ki jati hai, vahan bhut, pret, pishach, brahmarakshas dvara pahuchaye ja rahe durbhikshon ka svatah hi samadhan hone lagta hai. shatru-paksh kitna bhi balshali kyon n ho, iske prabhav se hani nahin pahanucha pata. iske prabhav se durghatana, mrityu-bhay, chori adi se raksha hoti hai. dakshinavarti shankh ki mahima anek pramanik granthon men milti hai. mahabharat men sabhi yoddhaon ne yuddha-ghosh ke lie alg-alag shankh bajaye the. gita men is vishay men likha hai - shri krishn bhagvan ne panchajanya, arjun ne devadatt, bhim sen ne paundra shankh bajaya tha. yudhishthir ne anant-vijay, nakul ne sughosh evan sahdev ne manipushpak namak shankh bajaya tha. pulastya sanhita men varnit hai- lakshmi ko prapt karna aur use sthai rup se nivas dene ka ek matra prayog dakshinavarti shankh prayog hi hai, jo ki apne men ashcharyajanak rup se dhan dene men samarth hai. iske prayog se rin, daridrata tatha rog adi mit jata hai tatha har prakar se sanpannata ane lagti hai. vishvamitra sanhita men varnan ata hai- dakshinavarti shankh kalp prayog se jo saflta milti hai, vah ashcharyajanak rup se advitiya hai. dhan varsha karne aur sukh, samriddhi pradan karne men iski to koi tulna hi nahin hai. gauraksh sanhita men likha hai- dakshinavarti shankh kalp prayog ek shreshth tantrik prayog hai. iska prabhav turant tatha achuk hota hai. markandey puran ke anusar - bhagvti lakshmi ke sabhi prayogon men dakshinavarti shankh prayog hi sarvadhik pramanik v dhanavarsha karne men samarth hai. iska prayog ujjaval ratnon ka sagar hai. lakshmi sanhita men likha hai- sabhi prakar se daridrata, duahkh, abhav, rog adi ko mitane men dakshinavarti kalp prayog ashcharyajanak rup se saflta pradan karta hai. vishnupuran ke anusar- samudra manthan se prapt 14 ratnon men shankh mata lakshmi ka sahodar bhai hai. atah jahan shankh hai, vahi lakshmi ka vas hai. svarg lok men asht siddhiyon evan navnidh iayon men bhi shankh ka sthan mahatvapurn hai. dharmik krityon, anushthan-sadhna, tantrik kriyaon adi men shankh ka prayog sarvavidit hai. parantu vidambana hai ki samanyatah khandit shankh milte hain jinka ham uchit prayog nahin kar pate hanai. parinamtah hamen vanchit fal bhi nahin mil pate hain. shankh anek namon se milte hain. jais lakshmi shankh, gaumukhi shankh, kamdhenu shankh, vishnu shankh, dev shankh, chakra shankh, paundra shankh, sughosh shankh, manipushpak shankh, rakshas shankh, sheshnag shankh, shani, rahu, ketu adi shankh. akriti ke anusar inhen tin shreniyon men rakha gaya hai- dakshinavarti shankh arthat dayen hath se pakra jane vala, vamavarti arthat vayen hath se pakra jane vala tatha madhyavarti arthat bich men khule muh vala shankh. apne chamatkarik gunon ke karan dakshinavarti tatha madhyavarti shankh sarlta se nahin mil pate. saubhagya se yadi apko nirdosh shankh mil jae to use kisi shubh muhurt men ganga jal, gaughrit, kachcha dudh, madhu, gur adi se abhishek karke apne puja sthal men lal kapre ke asan par sthapit kar lijie. isse lakshmi ka chir sthai nivas bana rahega. yadi lakshmi ji ki vishesh kripa ke ap abhilashi hain to dakshinavarti shankh ka jora arthat nar aur mada do shankhon ko dev pratima ke sammukh sthapit kar len. shankh ki vibhinn prajatiyon ke anurup shastron men vibhinn prayojnon ki vyakhya milti hai. yathanam annapurna shankh ghar men dhan-dhanya ki vriddhi karta hai. manipushpak tatha panchajanya shankh se bhavan ke vibhinn vastu doshon ka nivaran hota hai. aise shankh men jal bhar kar bhavan men chirkne se saubhagya ka agaman hota hai. ganesh shankh men rakha hua jal sevan karne se anek rogon ka shaman hota hai. vishnu namak shankh se karya sthal men chirkav karne se unnati ke avasar banne lagte hain. jo sadhak dakshinavarti shankh kalp karna chahte hain, ve sarl-sa yah prayog karke dekhen, unko ashatit labh avashya hi milega. puja samagri: mukhya samagri to nirdosh tatha pavitra shankh hi hai. iske atirikt shuddh ghi ka dipak, agarabatti, kumkum, kesar, chaval, jal ka patra, pushp, kachcha dudh, chandi ka vark, itra, kapur tatha naivaidya arthat prasad ki vyavastha purva men karke rakh len. pujan vidhi: shubh muhurt men pratah snan kar shuddh vastra dharan karen. ek patra men samne shankh rakh len. use dudh tatha jal se snan karaen. saf kapde se use ponch kar us par chandi ka vark lagaen. ghi ka dipak jala kar agarabatti jala len. dudh tatha kesar mishrit ghol se shankh par ‘shrin’ ekakshari mantra likh kar use tanbe athva chandi ke patra men sthapit kar den. ab nimn mantra ka jap karte hue is par kumkum chaval tatha itra arpit karen. shvet pushp shankh par charha kar prasad bhog ke rup men arpit karen. mantra- un shrin klin shridhar karasthaypyonidhi jatay shri dakshinavarti shankhay un shrin klin shrikray pujyay namah.. ab man, kram tatha vachan se shankh ka dhyan karen. dhyan mantra- un shrin klin blun dakshinavartishankhay bhagvte vishvarupay sarvayogishvaray trailokyanathay sarvakamapraday sarvaddhi samriddhi vanchitarthasiddhiday namah. ¬ sarvabharan bhushitay prashasyangopangsanyutay kalpavrikshadhah - sthitay kamdhenu - chintamni - navnidhirupay chaturdasharatnaparivritay mahasiddhi - sanhitay lakshmidevtayutay krishn adevtakar lalitay- shri shankhmhanidh aye namah. dhyan mantra hi avahan mantra hai arthat stuti mantra hai. iske sath 11 mala bij mantra athva panchajanya gayatri shankh mantra ki japna avashyak hai. bij mantra- un shrin klin blun dakshinmukhay shankh nidh aye samudraprabhvay namah. shankh gayatri mantra- panchajanyay vidmahe. pavmanay dhimhi. tanno shankhah prachodyat. riddhi-siddhi tatha sukh-samriddhi ke lie ek bahut hi saral sa prayog hai. yadi apke pas koi dakshinavarti shankh hai to uska uprokt dhyan mantra se pujan kar len. gayatri athva bij mantra athva donon mantra shankh ke samne baith kar japte rahen. ek mantra pura hone par shankh men thik agni men samagri hom karne ki tarah chaval tatha nag kesar danye hath ke anguthe tatha madhyama tatha anamika ungli se chorte rahen. jab shankh bhar jae to use ghar men sthapit kar len. dhyan rakhen ki shankh ki punch uttara-purva disha ki or rahe. kisi shubh muhurt athva divali se purva dhan trayodshi ke din purane chaval tatha nagkesar uprokt vidhi se punah badal liya karen. is prakar siddh kiya hua shankh lal kapre men lapet kar dhan, abhushan adi rakhne ke sthan par sthapit karne se jivan ke har kshetra men nirantar shri ki prapti hone lagti hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.