कष्टनिवारक बहुप्रभावी यंत्र

kashtanivarak bahuprabhavi yantra  

Ank ke aur Lekh | Sambandhit Lekh | Views : 3711 |  
kashtanivarak bahuprabhavi yantra dati rajeshvar maharaj pratyek sadhna-siddhi ka uddeshya vikat jivan yatra men ane vali badhaon ke par jana hota hai. yahan aise hi kuch bahut prabhavshali yantron ke bare men jankari aur prayog vidhi di gai hai jo jivan ke vibhinn charnon men apke lie upadey ho sakte hain. yatha samay inka labh uthayen. insan ki kisi bhi dharm men astha ho, sabki mulbhut anubhutiyan aur bhavnaen ek jaisi hoti hai. prem, ghrina, harsh vishad, sukh-dukh, mitrata-shatruta, bhukh-pyas adi ka anubhav har insan karta hai. isi prakar aisa koi nahin, jo rog, shok aur dard se do-char n hua ho. daivi vipattiyon se bhi koi achuta nahin. iske alava jinn, bhuto, v upri havaon ke utpat se bhi log pirit hote hain. aisa bhi dekhne men ata hai ki kuch log dushmani ka badla dene ke lie kisi ko tone totkon se nahak pareshan karte hain. vibhinn dharmon men insanon ko kasht se nijat dilane ke lie anek upay hain. yahi nahin, insan ko sanpannata, samriddhi aur harsh siddhi ki bhi anek vidhiyan batai gai hain. yahan di gayi kuch vidhiyan v yantra apke prayog ke lie bahut saral hai unhen bana kar ap sab inka labh utha sakte hain. guru-pushya yog men is yantra ki rachna karen. bhojapatra par lal chandan ki syahi, anar ki kalam se banakar, dhup loban ki dhuni dekar chamkile lal dhage ya lal reshmi kapre men lapetakar apne pas rakhen. ise pas rakhne vala vyakti dhan avashya hi prapt karta hai. bachche ke pariksha men achche nanbar ayen: pushya-nakshatra men is yantra ko taiyar karen. pariksha bhavan men jate samay ye yantra, bachche ki jeb men rakhen, bachcha achche nanbar se pas ho jaega. agar ap ya apka karmachari kafi adhik rakam lekar kahin ana jana chahte hain, kisi anjane bhay ke karan lane-le jane men asamarth hai, to is yantra ka prayog karen. kisi safed kagaj par kesar ki syahi se neri ki kalam se banaen. kasht rahit prasav ke lie is yantra ko bhojapatra par ashtagandh ki syahi v anar ki kalam se likhakar keval ravivar ko garbhini ki kamar men bandh de. bachche ke sukha rog hone par: sat ravivar makoy ke patte ko achchi tarah chabakar rogi ki pith par thukakar male. sath hi nimn yantra bhojapatra par banakar bachche ko pahna den. shatru se chutkara pane ke lie bhojapatra par lal chandan se is yantra ko banakar kisi kanch ki shishi men shuddh shahad men dubokar, kisi sunsan jagah par daba dene se shatru ki shararat band ho jati hai ya kisi bahte pani men dal den, to bhi yahi labh hota hai. sarvakarya siddhi ka yantra is yantra ko safed kagaj par gulab jal tatha jafran se likhakar momjama karke lohvan, guggal ki dhuni dekar tabij banakar gale men pahnen. is yantra ko bhojapatra par anar ki kalam aur kali syahi se banakar, sat bar utar karke jalayen. grih klesh ya kisi bhi tarah ki kalah dur karne ka yantra: is yantra ko ravivar ke din purva ki or munh karke, anar ki kalam aur haldi-chandan ki mishrit syahi se bhojapatra par likhe, aur kisi chaiki par sthapit kare, ghi ka dipak jalaen. haldi ki mala par 108 bar ‘‘hrin hunsah .’’ mantra ka jap karen. gyarah dinon tak niyamit rup se yah sadhna karne par yantra siddh ho jata hai. is yantra ko tanbe ke tabij men rakhakar gale ya bhuja men dharan karen. mal-mutra tyag ke samay ise utar den. shatru par vijay prapti ka yantra ah shmashan men tore gae thikre par chita ke koyle se yah yantra likhen. koyla shanivar ko jalti chita men gur ki bali dekar prapt kare tatha use sharab se bujhakar hi kam men laen. najar dur karne ka yantra: is yantra ko ravivar ya manglvar ko bhojapatra par ashtagandh v anar ki kalam se likhakar gale men dharan karne se kisi ki najar nahin lagti. khet men paidavar barhane ka yantra: jahan anaj kam hota ho, vahan pushya nakshatra men is yantra ko banayen. bhojapatra par kesar ki syahi se likhvakar v dhup dikhakar is yantra ko khet men daba den, anaj adhik hoga.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.