रवींद्रनाथ टैगोर और सरस्वती योग

ravindranath taigor aur sarasvati yog  

Ank ke aur Lekh | Sambandhit Lekh | Views : 917 |  
‘‘jyotishan falitan shastran yogah pradhanyamev cha’’ falitshastra jyotish ka muladhar hai aur vibhinn yogon ka adhyayan hi us falit shastra ka merudand hai. islie jab tak jyotish shastra sammata lagabhag sabhi manya yogon ka adhyayn purn nahin kar liya jata tab tak falit shastra ka adhyayan apurn hi kahlaega. ‘‘shukravakpatisudhakratmajaiah kendrakonshitaidrvitiyagaiah. svochchamitrabhvneshu vakpatau vinryage sati sarasvatirita.. dhimannatakagadyapadyagnnalankarshastreshvayan nishnatahkvitaprabandhrchnashastrarthaparangtah. kitryakrantajagattrayo'tidhniko daratmajairanvitah syat sarasvatyogjo nripvraiah sanpujito bhagyavan.. yadi budh, brihaspati aur shukra lagn se kendra (1,4,7,10), kon aur (5,9) sahit dvitiya sthan men hon aur brihaspati, svarashi, mitrarashi ya uchcharashi men balvan ho to sarasvati yog hota hai. jas vyakti ki janm kundli men sarasvati yog vidyaman hota hai vah bahut buddhiman, natak, gadya, padya (kavya), alankar shastra tatha ganit shastra men patu aur vidvan hota hai. kavya rachna, nibandh, prabandh (sundar lekh athva sundr pustak lekhn) tatha shastrarth men bhi aisa vyakti parangat hota hai. sare sansar men uski kirti failti hai. aisa vyakti ati dhani hota hai. vah patni, putra adi ke sukh se yukt hota hai. use rajkiya samman milta hai. bahut bhagyavan hota hai. ravindra nath taigor ki janm kundli men yah yog vidyaman hai. prastut janm kundli men sarasvati yog spashtatah is prakar vidyaman hai ki budh aur shukra janm lagn se dvitiya sthan men sthit hain aur brihaspati apni uchcha rashi kark men janm lagn se pancham trikon sthan men balvan sthiti men hai. is karan is kundli men sarasvati yog ka sanpurn fal purnatah falibhut hua hai. yadyapi ravindranath taigor ki janm kundli men budh-aditya yog, pash yog, sunfa yog, viprit rajyog, anant dhan yog aur sada sanchar yog ke atirikta aur bhi anek yog hain, kintu inmen sarasvati yog pramukh hai. bhartiya sahitya men ravindranath ka sthan advitiya hai. ve kavi, gitkar, kathakar, natkkar, upanyas aur nibandh lekhak the. n keval bhartiya sahitya ko apitu vishva sahitya ko bhi unki den mahatvapurn hai. unhonne itne madhur git, hriday ki piraon ko gate git, manav ki karuna ko ukerte git, shringar ras se ot-prot git, virah aur milan, smriti aur vismriti ke git likhe hain ki acharaj hota hai. ravindranath ne jo kuch bhi likha aur jitna bhi likha uski vistriti aur vividhta par vichar karne se vismaya hota hai. vilakshan pratibha vale is mahamanv ki sarvavyapak viratta ki keval ek jhalak prastut hai. unki rachnaon men (bangla aur angreji bhasha men) sabhi lagbhg 27 kavya natya/giti natya/nritya-natya/sangit natya, 27 gadya, 21 nibandh 13 natak, 13 upanyas, 13 likhit/pthit bhashan, 10 choti kahaniyan, 5 kahani, 10 pathya pustak, 5 pustak, 5 sansmaran, 500 kavitaen/git/gane/ samuh gan evan sangit sangrah pramukh hain. itna hi nahin ve apne jivan ke purvarddh men rangmanch kalakar (abhineta) aur uttararddh men chitrakari ki or bhi unmukh hue aur bahut saflta bhi prapt ki. iske atirikt shiksha, sanskriti, dharm, rajniti, samaj seva aur deshabhakti ke kshetron men bhi unki bhagidari atyant prashansniya rahi. nishkarsh yah hai ki ravindranath ko vah sab kuch mila jiski ichcha ek manav kar sakta hai. ravindranath taigor ko unki kriti gitanjli par svidish akadmi ne 13 navanbar, 1913 ko nobel puraskar dekr sammanit kiya. is par landan ke patra ‘palml’ ne likha tha ki ‘‘nobel pranyasiyon (trastij) ne apne nyay ki purti ravindranath ko sahitya-puraskar dekar jis rup men ki hai, usse adhik samyak rup men pahle kabhi nahin ki thi.’’ landan ki patrika ‘di poetri’ ne kavi ki rachna ‘gitanjli’ ke sanbandh men likha ki ‘‘yah prakashan keval angreji kavya ke itihas men hi nahin balki vishva kavya ke itihas men ek smaraniya ghatna hai.’’
Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.